COVID-19 Cases :ભારત બાદ હવે કોરોનાના નવા વેરિયન્ટે US માં મચાવી તબાહી!

• કોરોના વાયરસે માથું ઉંચકવાનું શરૂ કર્યું
• અમેરિકા કોવિડ-19 ના કેસોમાં વધારો
• એક અઠવાડિયામાં 350 લોકોના મોત

COVID-19 Cases: ફરી એકવાર કોરોના વાયરસે માથું ઉંચકવાનું શરૂ કર્યું છે. ભારત હોય કે અમેરિકા બંને દેશોમાં કોવિડ-19 ના કેસોમાં (US covid cases,)વધારો જોવા મળી રહ્યો છે. ભારતમાં નવા દર્દીઓ સામે આવી રહ્યા છે, ત્યારે અમેરિકામાં, કોરોના હજુ પણ દર અઠવાડિયે સેંકડો લોકોના મોત (covid deaths in america)કરી રહ્યો છે. એવું નથી કે પરિસ્થિતિ પહેલા જેવી ભયાનક છે.પરંતુ એ ચોક્કસ સ્પષ્ટ થઈ ગયું છે કે કોરોના સંપૂર્ણપણે ગયો નથી.છેલ્લા કેટલાક અઠવાડિયાથી દેશના વિવિધ રાજ્યો માંથી (corona cases in india)કોરોનાના કેસ નોંધાઈ રહ્યા છે. તાજેતરમાં નોઈડામાં કોવિડના 9 નવા કેસ નોંધાયા છે.

કોરોનાના 50 હજારથી વધુ નવા કેસ નોંધાયા

જે બાદ ત્યાં સક્રિય દર્દીઓની સંખ્યા વધીને 10 થઈ ગઈ છે. હાલમાં બધા દર્દીઓ હોમ આઇસોલેશનમાં છે. જો આપણે આખા દેશની વાત કરીએ તો, એક અઠવાડિયામાં 1000 થી વધુ કેસ નોંધાયા છે. માત્ર આંકડા જ નહીં, કોરોનાને કારણે થયેલા મૃત્યુએ પણ ફરી એકવાર ભય વધાર્યો છે. અત્યાર સુધીમાં 7 લોકોના મૃત્યુની પુષ્ટિ થઈ છે, જોકે તે સ્પષ્ટ નથી કે તેમના મૃત્યુનું કારણ ફક્ત કોરોના હતું કે કોઈ અન્ય બીમારી. તેવી જ રીતે, થાઇલેન્ડમાં પરિસ્થિતિ વધુ ખરાબ થતી દેખાય છે, જ્યાં માત્ર એક અઠવાડિયામાં કોરોનાના 50 હજારથી વધુ નવા કેસ નોંધાયા છે.

અમેરિકામાં એક અઠવાડિયામાં 350 લોકોના મોત

બીજી તરફ, અમેરિકામાં કોરોના હજુ પણ જીવ લઈ રહ્યો છે, સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) અનુસાર, ગયા અઠવાડિયે કોવિડ-19 ને કારણે 350 અમેરિકનો મૃત્યુ પામ્યા હતા. આ સંખ્યા પહેલા કરતા ઓછી છે પણ ચિંતા હજુ પણ યથાવત છે. અમેરિકા, સિંગાપોર અને હોંગકોંગ સહિત એશિયામાં એક નવો સબ-વેરિઅન્ટ NB.1.8.1 ફેલાઈ રહ્યો છે. વૈજ્ઞાનિકોના મતે, આ પ્રકાર ઝડપથી ફેલાય છે, જોકે તેની ગંભીરતા વિશે સંશોધન હજુ પણ ચાલુ છે.

આ પણ  વાંચો -Viral Video : પત્નીનો થપ્પડ મારવાનો વીડિયો વાયરલ થતા ફ્રાંસના રાષ્ટ્રપતિએ કરી સ્પષ્ટતા

કોવિડના આ લક્ષણોને હળવાશથી ન લો

રસીની ઓછી માત્રા અને નબળી રોગપ્રતિકારક શક્તિ જોખમ ઊભું કરી રહી છે

યુ.એસ.માં ફક્ત 23% પુખ્ત વયના લોકોએ અપડેટેડ રસી લીધી છે. બાળકોમાં આ આંકડો તેનાથી પણ ઓછો છે, ફક્ત ૧૩%. નિષ્ણાતો કહે છે કે રસી ન લેવી અને સમય જતાં રોગપ્રતિકારક શક્તિ નબળી પડવી બંને આ સ્પાઇકનું કારણ બની રહ્યા છે. આ વાયરસ વૃદ્ધો અને પહેલાથી જ બીમાર લોકો પર વધુ અસર કરી રહ્યો છે. તેથી, 65 વર્ષથી વધુ ઉંમરના લોકોને દર છ મહિને રસીના બે ડોઝ લેવાની સલાહ આપવામાં આવી છે.

આ પણ  વાંચો -ભારત-બાંગ્લાદેશ બોર્ડર પર વધ્યો તણાવ, કેમ બંને દેશોની સેનાઓ સામસામે આવી?

સારવારમાં બેદરકારી પણ જોખમ વધારી રહી છે

બીજું મુખ્ય કારણ એ છે કે લોકો સ્થિતિ વધુ ખરાબ ન થાય ત્યાં સુધી સારવાર લેતા નથી. મોલનુપીરાવીર (મર્ક) અને પેક્લોવિડ (ફાઇઝર) જેવી એન્ટિવાયરલ ગોળીઓ યુ.એસ.માં ઉપલબ્ધ છે, જે લક્ષણોની શરૂઆતના પાંચ દિવસની અંદર લઈ શકાય છે. પરંતુ ઘણા લોકો તેનો ઉપયોગ યોગ્ય સમયે કરતા નથી. ડોક્ટરો કહે છે કે સમયસર પરીક્ષણ અને દવાથી ગંભીર ચેપ અટકાવી શકાય છે.