• UN Shocking report
• મહિલાઓ માટે પોતાના લોકો પણ જોખમી!
• 'દર દસ મિનિટે સાથી-કુટુંબી દ્વારા 1 હત્યા'
• સંયુક્ત રાષ્ટ્રના રિપોર્ટમાં ચોંકાવનારો દાવો
• UNODC અને UN વિમેનનો અહેવાલ
• દરરોજ 130 મહિલાઓ જીવ ગુમાવે છેઃ UN
• 2024માં 50 હજાર મહિલાની હત્યાઃ UN
• 'આફ્રિકામાં સૌથી વધુ ઈરાદાપૂર્વકની હત્યા'

UN Shocking report : સામાન્ય રીતે, 'ઘર' ને સુરક્ષા અને શાંતિનું સ્થળ માનવામાં આવે છે, પરંતુ સંયુક્ત રાષ્ટ્ર (UN) દ્વારા પ્રકાશિત એક નવો અને ચોંકાવનારો અહેવાલ આ ધારણાને પડકારે છે. United Nations Office on Drugs and Crime (UNODC) અને UN વુમન દ્વારા સોમવારે બહાર પાડવામાં આવેલા આ અહેવાલમાં દાવો કરવામાં આવ્યો છે કે વિશ્વભરમાં મહિલાઓ અને છોકરીઓ માટે તેમના પોતાના જીવનસાથી (સાથી) અથવા પરિવારના સભ્ય સૌથી મોટા જોખમકર્તા બની રહ્યા છે. આ અહેવાલ 'ફેમિસાઇડ' (સ્ત્રીઓની લિંગ આધારિત હત્યા) ની ગંભીરતા દર્શાવે છે, જેણે લાખો મહિલાઓનો ભોગ લીધો છે અને તેને રોકવામાં કોઈ નોંધપાત્ર પ્રગતિ થઈ નથી.

આંકડા જે હચમચાવી દે છે

સંયુક્ત રાષ્ટ્રના આ અહેવાલના આંકડા અત્યંત ભયાનક છે અને વૈશ્વિક સ્તરે લિંગ આધારિત હિંસાની ભયાનકતાને ઉજાગર કરે છે.

• દર 10 મિનિટે એક હત્યા: રિપોર્ટ મુજબ, વિશ્વભરમાં લગભગ દર 10 મિનિટે એક મહિલા અથવા છોકરીની હત્યા તેના ઘનિષ્ઠ ભાગીદાર અથવા કુટુંબના સભ્ય દ્વારા કરવામાં આવે છે.
• દરરોજ સરેરાશ 137 હત્યા: આનો અર્થ એ થયો કે દરરોજ સરેરાશ 137 મહિલાઓ પોતાનો જીવ ગુમાવે છે.
• કુલ 83,000 ઇરાદાપૂર્વકની હત્યા: ગયા વર્ષે (2024ના આંકડા મુજબ), વિશ્વભરમાં 83,000 મહિલાઓ અને છોકરીઓની ઇરાદાપૂર્વક હત્યા કરવામાં આવી હતી.
• 60% હત્યા સ્વજનો દ્વારા: આ કુલ હત્યાઓમાંથી, 60% એટલે કે 50,000 મહિલાઓની હત્યા તેમના ઘનિષ્ઠ ભાગીદાર અથવા પરિવારના સભ્યો દ્વારા કરવામાં આવી હતી.
• પુરુષોની હત્યાના કિસ્સામાં, માત્ર 11% હત્યાઓ જ ઘનિષ્ઠ ભાગીદારો કે પરિવારના સભ્યો દ્વારા કરવામાં આવે છે, જે દર્શાવે છે કે મહિલાઓ માટે 'ઘરની અંદરનું જોખમ' કેટલું મોટું છે.

અધિકારીઓનો મત (UN Shocking report)

UNODC ના એક્ઝિક્યુટિવ ડિરેક્ટર જોન બ્રાન્ડોલિનો એ આ પરિસ્થિતિ પર ગહન ચિંતા વ્યક્ત કરી. તેમણે ભારપૂર્વક જણાવ્યું કે, "વિશ્વભરમાં મોટી સંખ્યામાં મહિલાઓ અને છોકરીઓ માટે ઘર એક ખતરનાક અને ક્યારેક જીવલેણ સ્થળ છે." તેમણે આ ફેમિસાઇડને રોકવા માટે વધુ સારા નિવારક પગલાં (Prevention Measures) લેવાની, અસરકારક ન્યાયિક પ્રણાલીઓ (Effective Justice Systems) ની જરૂરિયાત પર ભાર મૂક્યો. આ ઉપરાંત, UN વુમન ખાતે પોલિસી ડિવિઝન ડિરેક્ટર સારાહ હેન્ડ્રિક્સે એક નવા જોખમ તરફ ધ્યાન દોર્યું: ઓનલાઈન હિંસા. તેમના મતે, ડિજિટલ હિંસા ઘણીવાર ઓનલાઈન દુનિયાની સીમાઓ વટાવીને વાસ્તવિક દુનિયામાં અત્યંત હિંસક સ્વરૂપ લઈ શકે છે, અને અંતે હત્યા (ફેમિસાઇડ) જેવી ઘટનાઓ તરફ દોરી શકે છે.

ઉલ્લેખનીય છે કે, આફ્રિકા ખંડમાં ઘનિષ્ઠ ભાગીદાર અથવા પરિવારના સભ્ય દ્વારા સ્ત્રી હત્યાનો દર સૌથી વધુ (3 પ્રતિ 100,000) નોંધાયો છે. જોકે, અહેવાલમાં એ પણ સ્પષ્ટતા કરવામાં આવી છે કે ઘરની બહાર બનતી સ્ત્રી હત્યાની ઘટનાઓ વિશે હજુ પણ પૂરતો ડેટા એકત્રિત કરી શકાયો નથી.

આ પણ વાંચો :   UN માં ઇન્ડોનેશિયાના રાષ્ટ્રપતિ Prabowo Subianto એ કહ્યું 'ઓમ શાંતિ ઓમ'