આ વીડિયોમાં ટ્રમ્પને ખાસ શક્તિઓ સાથે બતાવવામાં આવ્યા છે. તેમના હાથમાં એક ચમકતી રીંગ છે અને આસપાસ હીરો જેવી રોશની દેખાઈ રહી છે. આ અનોખો અંદાજ સોશિયલ મીડિયા પર ચર્ચાનો વિષય બન્યો છે. શેર કરેલા એઆઈ વીડિયોમાં ટ્રમ્પ સુપરહીરો ગ્રીન લેન્ટર્ન તરીકે સરહદ પર દીવાલ બનાવતા નજરે પડે છે. ઇમિગ્રેશન નીતિઓ અને સૈન્ય તાકાતને દર્શાવતો આ વીડિયો વૈશ્વિક સ્તરે ખૂબ જ આકર્ષણનું કેન્દ્ર બન્યો છે.
સરહદ સુરક્ષા અને સૈન્ય તાકાતનું પ્રદર્શન
વાયરલ થયેલા આ એઆઈ વીડિયોમાં ટ્રમ્પ ચમકતી અંગૂઠી ઉઠાવતા નજરે પડે છે. તેઓ પોતાની શક્તિઓથી સરહદ પર એક ચમકતી લીલી દીવાલ બનાવી રહ્યા છે. આ દ્રશ્ય વહીવટીતંત્રની ઇમિગ્રેશન નીતિઓને દર્શાવે છે. આ ઉપરાંત તેઓ પોતાની શક્તિઓનો ઉપયોગ અમેરિકી મેન્યુફેક્ચરિંગ અને સૈન્ય તાકાત વધારવા માટે કરતા દેખાય છે. વ્હાઇટ હાઉસના અધિકૃત સોશિયલ મીડિયા એકાઉન્ટ પર આ વીડિયો શેર કરવામાં આવ્યો છે.
ખર્ગ આઈલેન્ડ અને તેલ નિકાસનો મુદ્દો
રાષ્ટ્રપતિ ટ્રમ્પે તાજેતરમાં અન્ય એક વિવાદિત વીડિયો પણ શેર કર્યો હતો. આ વીડિયોમાં ઈરાનના ખર્ગ આઈલેન્ડ પર જોરદાર ધડાકા થતા બતાવવામાં આવ્યા હતા. ટ્રમ્પે દાવો કર્યો હતો કે આ ટાપુના ટુકડે-ટુકડે કરવામાં આવી રહ્યા છે. ખર્ગ આઈલેન્ડ ઈરાનનું મુખ્ય ઉર્જા કેન્દ્ર ગણાય છે. યુદ્ધ શરૂ થતા પહેલા આ ટાપુ દ્વારા મોટા પ્રમાણમાં તેલની નિકાસ કરવામાં આવતી હતી.
અર્થવ્યવસ્થા અને ક્ષતિની આશંકા
ખર્ગ આઈલેન્ડ પર થયેલા હુમલા અને વિસ્ફોટો ઈરાનની અર્થવ્યવસ્થાને સીધી અસર કરી શકે છે. આ ટાપુને નુકસાન પહોંચવાથી ઈરાનનો તેલ વેપાર ગંભીર રીતે પ્રભાવિત થઈ શકે છે. અમેરિકી વહીવટીતંત્રના આ પગલાંઓથી વૈશ્વિક સ્તરે રાજકીય ગરમાવો વધી ગયો છે. ટ્રમ્પના આ પ્રકારના સોશિયલ મીડિયા પોસ્ટ વૈશ્વિક રાજનીતિમાં સતત ચર્ચા જગાવી રહ્યા છે.
આ પણ વાંચો--- Miami Airport Plane Crash : અમેરિકામાં ભયાનક પ્લેન ક્રેશ! રનવે પરથી લપસીને વાહનો પર ચડી ગયું એમેઝોનનું વિમાન, 5ના કમકમાટીભર્યા મોત
