ઈરાન સાથેના તણાવથી ટ્રમ્પને મોટો ફટકો

ટ્રમ્પની લોકપ્રિયતામાં ઘટાડાનું એક મુખ્ય કારણ અમેરિકા-ઈરાન (US-Iran) વચ્ચે વધતો તણાવ હોવાનું સર્વેના પરિણામોમાં જોવા મળે છે. મોટાભાગના અમેરિકનોને ચિંતા છે કે બંને દેશો વચ્ચેનો સંઘર્ષ (Conflict) લાંબો સમય ચાલી શકે છે. આ વર્ષે ટ્રમ્પને લોકપ્રિયતામાં સૌથી મોટો ઝટકો ત્યારે લાગ્યો જ્યારે તેમણે ઈઝરાયેલ (Israel) સાથે મળીને ઈરાન પર હુમલો કરવાનો આદેશ આપ્યો. અમેરિકા અને ઈરાન વચ્ચે લાંબા સમયથી તણાવ ચાલી રહ્યો છે અને અત્યાર સુધી બંને દેશો વચ્ચે કોઈ સ્થાયી સમજૂતી થઈ શકી નથી.

Advertisement

તેલના ભાવ વધવાથી અમેરિકન પરિવારો પર અસર

અમેરિકા અને ઈરાન વચ્ચેના વધતા તણાવની અસર માત્ર રાજકારણ સુધી સીમિત રહી નથી. બંને દેશો વચ્ચેની સ્થિતિને કારણે વિશ્વના આશરે પાંચમા ભાગના તેલ વેપાર (Oil Trade) પર અસર પડી છે. પરિણામે વૈશ્વિક સ્તરે પેટ્રોલ અને ઈંધણના ભાવ (Fuel Prices)માં વધારો થયો છે. તેલના ભાવ વધવાથી અમેરિકન પરિવારોના ઘરખર્ચ પર પણ અસર પડી છે. મોંઘવારી (Inflation) ઘટાડવાનું વચન આપીને સત્તામાં આવેલા ટ્રમ્પ માટે આ સ્થિતિ રાજકીય રીતે મુશ્કેલી ઊભી કરી શકે છે.

યુદ્ધ ટૂંક સમયમાં સમાપ્ત કરવાનું આપ્યું હતું વચન

રાષ્ટ્રપતિ ચૂંટણી દરમિયાન ટ્રમ્પે મોંઘવારી ઘટાડવા ઉપરાંત લાંબા સમય સુધી ચાલતા યુદ્ધોથી અમેરિકાને દૂર રાખવાનું વચન આપ્યું હતું. ઈરાન સાથે તણાવ શરૂ થયો ત્યારે પણ તેમણે સંકેત આપ્યો હતો કે આ ટકરાવ થોડા અઠવાડિયામાં સમાપ્ત થઈ જશે. જોકે, સમય જતાં બંને દેશો વચ્ચેનો તણાવ ઓછો થવાને બદલે વધુ ગંભીર બન્યો. હાલ પરિસ્થિતિમાં થોડો ઘટાડો જોવા મળ્યો હોવા છતાં સ્ટ્રેટ ઓફ હોર્મુઝ (Strait of Hormuz) મારફતે તેલની અવરજવર હજુ પણ પ્રભાવિત થઈ રહી છે.

આ સમગ્ર સ્થિતિ વચ્ચે વધતી મોંઘવારી, ઈંધણના ભાવ અને લાંબા ચાલતા આંતરરાષ્ટ્રીય તણાવને કારણે અમેરિકન મતદારોમાં ટ્રમ્પ સરકાર પ્રત્યે અસંતોષ વધ્યો હોવાનું જણાય છે. પરિણામે તેમની Approval Rating 33% પર આવી ગઈ છે, જે તેમના વર્તમાન કાર્યકાળની સૌથી નીચી સપાટી છે.

આ પણ વાંચો : Trump on India Election : ટ્રમ્પ પણ બન્યા ભારતની ચૂંટણી વ્યવસ્થાના ફેન! અમેરિકામાં ભારતનું ઉદાહરણ આપીને કરી આ મોટી ડિમાન્ડ