Earthquake in China: ચીનમાં ભૂકંપના આંચકા, રિક્ટર સ્કેલ પર તીવ્રતા 4.5

• વહેલી સવારે ચીનમાં ભૂકંપના આંચકા આવ્યા
• કોઈ જાન-માલના નુકસાનના સમાચાર નથી
• લોકોને ઇમરજન્સી પ્રોટોકોલનું પાલન કરવા અપીલ

Earthquake in China: ભારતના પાડોશી દેશ ચીનમાં 16 મે, 2025ની વહેલી સવારે ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (NSC) અનુસાર, ભૂકંપની તીવ્રતા રિક્ટર સ્કેલ પર 4.5 માપવામાં આવી હતી. આ ભૂકંપના કારણે હજુ સુધી કોઈ જાન-માલના નુકસાનના સમાચાર નથી, પરંતુ સ્થાનિક લોકોએ આંચકા અનુભવ્યા હોવાનું જણાવ્યું છે.

આ ઘટના તાજેતરમાં તુર્કીમાં આવેલા 5થી વધુ તીવ્રતાના ભૂકંપ બાદ બની છે, જેની સરખામણીએ ચીનનો ભૂકંપ ઓછી તીવ્રતાનો હતો. તેમ છતાં, આવા આંચકા લોકોમાં ચિંતા ઉભી કરે છે. ચીન ઉપરાંત, અફઘાનિસ્તાનમાં પણ ગત રાત્રે 12:47 વાગ્યે હળવા ભૂકંપના આંચકા નોંધાયા હતા, જેની પુષ્ટિ પણ NSC દ્વારા કરવામાં આવી છે.

આ પણ વાંચો :  Turkey earthquake : તુર્કીમાં અચાનક ધરતી ધ્રુજી ઉઠી!,રિક્ટર સ્કેલ પર 5.2ની તીવ્રતા નોંધાઇ

ચીનમાં ભૂકંપનું કેન્દ્રસ્થળ અને ઊંડાઈ અંગે હજુ વધુ માહિતી મળી નથી, પરંતુ સ્થાનિક અધિકારીઓ સ્થિતિ પર નજર રાખી રહ્યા છે. નિષ્ણાતોનું માનવું છે કે આવા હળવા આંચકા ટેક્ટોનિક પ્લેટ્સની હિલચાલને કારણે થાય છે, જે હિમાલયની નજીકના ક્ષેત્રોમાં સામાન્ય છે.

આ ઘટનાએ ફરી એકવાર ભૂકંપની આગાહી અને સુરક્ષા વ્યવસ્થાની મહત્તા ઉજાગર કરી છે. લોકોને સાવચેત રહેવા અને ઇમરજન્સી પ્રોટોકોલનું પાલન કરવા અપીલ કરવામાં આવી છે.

આ પણ વાંચો :  Apple Production In India: ભારતમાં એપ્પલ 17નું ઉત્પાદન વધારીશું: કૂક