હું ભાગેડુ નથી – લલિત મોદી

લલિત મોદીએ સ્પષ્ટ શબ્દોમાં કહ્યું કે તેઓ સમગ્ર વિશ્વમાં મુસાફરી કરે છે અને જો તેઓ ખરેખર ભાગી રહ્યા હોત તો ક્યારેય ખુલ્લેઆમ ફરતા ન હોત. તેમણે ભારત સરકાર (Government of India) પર સીધો આક્ષેપ ન કરતા મીડિયા (Media)ને વધુ જવાબદાર ગણાવ્યું. તેમના મુજબ તેમના વિશે ઘણી બાબતોને વધારી-ચઢાવીને રજૂ કરવામાં આવી રહી છે, જે કાનૂની સત્ય (Legal Truth)થી દૂર છે. લલિત મોદીએ પોતાના વિરુદ્ધ ચાલી રહેલી તપાસોનો પણ ઉલ્લેખ કર્યો, જેમાં એન્ફોર્સમેન્ટ ડિરેક્ટોરેટ (Enforcement Directorate - ED) અને ભારતીય ક્રિકેટ કંટ્રોલ બોર્ડ (Board of Control for Cricket in India - BCCI)ની કાર્યવાહી સામેલ છે. તેમના પર મની લોન્ડરિંગ (Money Laundering), ફોરેન એક્સચેન્જ મેનેજમેન્ટ એક્ટ (FEMA)ના ઉલ્લંઘન અને IPL દરમિયાન નાણાકીય ગેરરીતિઓના આરોપ છે. તેમ છતાં તેમણે દાવો કર્યો કે અત્યાર સુધી કોઈપણ કેસમાં તેમના વિરુદ્ધ ફોજદારી દોષ (Criminal Conviction) સાબિત થયો નથી.

Advertisement

ન્યાયમાં વિલંબ પણ સજા સમાન (Lalit Modi Statement)

ભારતીય ન્યાયિક પ્રક્રિયા (Judicial System) અંગે બોલતાં લલિત મોદીએ કહ્યું કે, ભારતમાં કેસોનો નિકાલ ખૂબ ધીમો છે. તેમણે જણાવ્યું કે, “ન્યાયમાં વિલંબ એ પણ એક પ્રકારની સજા છે.” તેમના અનુસાર, લાંબા સમય સુધી કેસ પેન્ડિંગ રહેવાને કારણે વ્યક્તિ માનસિક અને સામાજિક રીતે અસરગ્રસ્ત થાય છે. પોતાના ભવિષ્ય વિશે વાત કરતાં લલિત મોદીએ જણાવ્યું કે હવે તેમની પ્રાથમિકતાઓ (Priorities) બદલાઈ ગઈ છે. તેઓ હવે પોતાને નિર્દોષ સાબિત કરવાની ઈચ્છા રાખતા નથી. તેમના મુજબ એક સમય હતો જ્યારે તેઓ ભારત પાછા ફરવા ઈચ્છતા હતા, પરંતુ હવે તેમને કોઈને કંઈ સાબિત કરવાની જરૂર નથી.

#WATCH | 'भगोड़ा' कहे जाने पर, IPL के संस्थापक और पहले चेयरमैन ललित मोदी ने कहा, "मैं बिल्कुल भी भाग नहीं रहा हूँ... भारत सरकार की पहुँच बहुत लंबी है। आप भारत सरकार से पंगा नहीं ले सकते। और मेरा ऐसा कोई इरादा भी नहीं है, और न ही मैं ऐसा करना चाहता हूँ... मेरे खिलाफ एक भी केस दर्ज… pic.twitter.com/oAzmWgresw

— ANI_HindiNews (@AHindinews) June 4, 2026

ધરપકડ અને કાયદાકીય પ્રશ્નો પર લલિત મોદીએ શું કહ્યું?

લલિત મોદીએ તેમની સંભવિત ધરપકડ (Arrest) અંગે પણ સવાલ ઉઠાવ્યા. તેમણે કહ્યું કે, જો કોઈ કાર્યવાહી કરવી હોય તો તેને કોર્ટમાં રજૂ કરવું જરૂરી છે. તેમના જણાવ્યા મુજબ, ઘણા વર્ષો વીતી ગયા છતાં તેમની સામે કોઈ સ્પષ્ટ કાનૂની પરિણામ આવ્યું નથી, એટલે હવે ધરપકડ અંગે પ્રશ્નો ઉભા કરવું યોગ્ય નથી. બીજી તરફ, ભારતીય તપાસ એજન્સીઓ હજુ પણ સક્રિય છે. ED અને વિદેશ મંત્રાલય (Ministry of External Affairs - MEA) દ્વારા પ્રત્યાર્પણ (Extradition) સહિતની કાયદાકીય પ્રક્રિયા આગળ વધારવામાં આવી રહી છે. લલિત મોદી વિરુદ્ધ નાણાકીય અનિયમિતતાઓ અને અનધિકૃત ટ્રાન્ઝેક્શન અંગે તપાસ ચાલુ છે.

આ પણ વાંચો : Bollywood breakup story : સુષ્મિતા સેન સાથે કેમ થયુ હતુ બ્રેકઅપ? લલિત મોદીએ ભૂતકાળ પરથી ઉઠાવ્યો પડદો