• પેન્ટાગનના પૂર્વ અધિકારીએ દેખાડ્યો USને અરિસો
• પાકિસ્તાનને આતંકી દેશ જાહેર કરવાની કરી માગણી
• પૂર્વ અમેરિકી અધિકારી માઈકલ રૂબિનની પ્રતિક્રિયા
• Asim Munir ની ભાષા બિન લાદેન જેવીઃ માઈકલ રૂબિન
• પરમાણુ હુમલાની મુનીરની ધમકીને અસ્વીકાર્ય ગણાવી
• રૂબિને અમેરિકી જનરલો સામે પણ ઉઠાવ્યા અનેક સવાલ
• અસીમ મુનીર સહિતના અધિકારીઓને PNG કરોઃ રૂબિન
• પાકિસ્તાન સ્પષ્ટકીકરણ કરે અને માફી માગેઃ રૂબિન

Asim Munir : વોશિંગ્ટન ડીસીમાંથી પેન્ટાગોનના પૂર્વ અધિકારી માઈકલ રુબિન (former Pentagon official Michael Rubin) દ્વારા એક ચોંકાવનારી પ્રતિક્રિયા સામે આવી છે. રુબિને પાકિસ્તાનના સેના પ્રમુખ અસીમ મુનીર (Pakistan's Army Chief Asim Munir) ની તુલના સીધા ઓસામા બિન લાદેન (Osama bin Laden) સાથે કરી છે. તેમના મતે, મુનીરની ભાષા અને વિચારસરણી આતંકવાદી કટ્ટરપંથીથી પ્રેરિત છે અને આ નીતિઓ વૈશ્વિક શાંતિ માટે ગંભીર ખતરો ઊભો કરે છે.

ટ્રમ્પ પર પણ નિશાન

રુબિને આ સાથે અમેરિકાને ચેતવણી આપી કે પાકિસ્તાનના પરમાણુ શસ્ત્રો વિષે વિશેષ સતર્ક રહેવાની જરૂર છે. તેમણે જણાવ્યું કે જો જરૂરી બને તો, અમેરિકાને તેની સુરક્ષા સુનિશ્ચિત કરવા માટે તાત્કાલિક અને કડક પગલાં ભરવા જોઈએ. રુબિને માત્ર પાકિસ્તાન પર જ નહીં, પરંતુ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર પણ તીખા શબ્દોમાં ટીકા કરી. તેમના મતે, ટ્રમ્પ એક સોદાબાજ ઉદ્યોગપતિ છે જે વ્યવસાયિક કરાર કરવામાં માંહિર છે, પરંતુ ક્યારેક ખોટી શાંતિ કરાર પણ યુદ્ધને પ્રોત્સાહન આપી શકે છે, જે ટ્રમ્પ સમજવામાં નિષ્ફળ રહ્યા છે. તેમણે આક્ષેપ કર્યો કે ટ્રમ્પ નોબેલ શાંતિ પુરસ્કાર જીતવાની ઇચ્છામાં એવા નિર્ણયો લઈ શકે છે, જે વૈશ્વિક સુરક્ષા માટે જોખમી સાબિત થાય.

Asim Munir ના પાકિસ્તાનને “આતંકી દેશ” જાહેર કરવાની માગણી

રુબિને આટલાથી ન અટક્યા અને તેમણે પાકિસ્તાનના સેના પ્રમુખ અસીમ મુનીરની તુલના ઓસામા બિન લાદેન સાથે કરી દીધી. આ સાથે તેમણે ખુલ્લેઆમ અમેરિકાને પાકિસ્તાનને આતંકવાદ પ્રોત્સાહિત કરનાર દેશ તરીકે જાહેર કરવાની માગણી કરી. તેમણે જણાવ્યું કે પાકિસ્તાને પોતાની વિશ્વસનીયતા ગુમાવી દીધી છે અને તેના વર્તમાન પરમાણુ નીતિઓ વિશ્વ માટે એક મોટો ખતરો છે. તેમના મતે, આંતરરાષ્ટ્રીય સમુદાય અને ખાસ કરીને અમેરિકા, પાકિસ્તાન નીતિ પર ફરીથી વિચાર કરે તે સમય આવી ગયો છે.

પરમાણુ શસ્ત્રોની સુરક્ષા મુદ્દે ચેતવણી

રુબિને સ્પષ્ટ કર્યું કે, ભવિષ્યની અમેરિકન સરકારોએ પાકિસ્તાનમાં જઈને તેના પરમાણુ શસ્ત્રોના રક્ષણ માટે કડક પગલાં લેવા જોઈએ. જો આ પગલાં નહીં લેવાય તો વૈશ્વિક સુરક્ષા જોખમમાં મુકાઈ શકે છે. તેમણે ભારપૂર્વક જણાવ્યું કે હવે રાહ જોવાનો સમય નથી, કારણ કે પરિસ્થિતિ ગંભીર બની રહી છે.

યુએસ-રશિયા બેઠકના સંદર્ભમાં નિવેદન

આ તીખું નિવેદન એવા સમયે આવ્યું છે, જ્યારે અમેરિકા અને રશિયા વચ્ચે આગામી બેઠકમાં વૈશ્વિક સુરક્ષા, આતંકવાદ વિરોધી વ્યૂહરચના અને પરમાણુ હથિયારો નિયંત્રણ જેવા મહત્વપૂર્ણ મુદ્દાઓ પર ચર્ચા થવાની છે. આ બેઠકનો મુખ્ય હેતુ વિશ્વમાં સ્થિર શાંતિ સ્થાપિત કરવાનો અને વધતા આતંકવાદી ખતરાને કાબૂમાં લેવા માટે પ્રભાવી પગલાં ભરવાનો છે.

વૈશ્વિક સમુદાય માટે સંદેશ

માઈકલ રુબિનના શબ્દો માત્ર અમેરિકાની નીતિ નહીં પરંતુ સમગ્ર વિશ્વ માટે એક ચેતવણી છે. પેન્ટાગોનના ભૂતપૂર્વ અધિકારી તરીકે, તેમને સુરક્ષા અને સંરક્ષણ મુદ્દાઓની ઊંડાણપૂર્વક સમજ છે. તેમના મતે, પાકિસ્તાનમાં ચાલી રહેલી અસ્થિરતા અને પરમાણુ શસ્ત્રોના સંદર્ભમાં વૈશ્વિક સમુદાયે વધુ સતર્કતા દાખવવી પડશે. ઉલ્લેખનીય છે કે, રુબિનના આ વિચારોને અવગણવું મુશ્કેલ છે, ખાસ કરીને જ્યારે આંતરરાષ્ટ્રીય સ્તરે જટિલ પરિસ્થિતિ વચ્ચે સ્થાયી શાંતિ માટે સખત નિર્ણયો લેવાની જરૂર છે. આવનારી યુએસ-રશિયા બેઠકમાં પાકિસ્તાન અંગે નવી નીતિઓ પર વિચાર થવાની પૂરી શક્યતા છે, જે ભવિષ્યમાં વૈશ્વિક સુરક્ષા માળખાને વધુ મજબૂત બનાવી શકે છે.

આ પણ વાંચો :  ડોનાલ્ડ ટ્રમ્પે પૂરી કરી પાકિસ્તાનની મેલી મુરાદ! BLA અને માજિદ બ્રિગેડને જાહેર કર્યું વિદેશી આતંકી સંગઠન