ફ્રાન્સે રશિયન તેલ ટેન્કર જપ્ત કરતા દરિયાઈ સરહદ પર વધ્યો તણાવ,રશિયાએ આપી ચેતવણી

Russian Oil Tanker Seized :  એટલાન્ટિક મહાસાગર (Atlantic Ocean) માં એક અત્યંત મહત્વની અને ચર્ચાસ્પદ ઘટના સામે આવી છે. ફ્રાન્સ (France) દ્વારા રશિયા (Russia) ના એક ઓઈલ ટેન્કર 'ટાગોર' (Tagore) ને આંતરરાષ્ટ્રીય જળસીમામાં જપ્ત કરી લેવામાં આવતા વૈશ્વિક રાજકારણમાં ગરમાવો આવ્યો છે. રશિયાએ આ કાર્યવાહીને સંપૂર્ણપણે ગેરકાયદેસર ગણાવીને ફ્રાન્સને આકરી ચેતવણી આપી છે.

Russian Oil Tanker Seized : 'શેડો ફ્લીટ' સામે ફ્રાન્સની મોટી કાર્યવાહી

ફ્રાન્સના રાષ્ટ્રપતિ ઇમેન્યુઅલ મેક્રોન (Emmanuel Macron) ના જણાવ્યા અનુસાર, આ જહાજ યુક્રેન યુદ્ધ (Ukraine War) દરમિયાન પશ્ચિમી દેશો દ્વારા લાદવામાં આવેલા આર્થિક પ્રતિબંધોને તોડવા માટે વપરાતા રશિયન "શેડો ફ્લીટ" (Shadow Fleet) નો હિસ્સો હોવાની શંકા છે. બ્રિટન (UK) અને અન્ય સાથી દેશોના સહયોગથી કરવામાં આવેલી આ કાર્યવાહીનો મુખ્ય હેતુ રશિયાના યુદ્ધ ભંડોળને રોકવાનો છે.

રશિયાનો પ્રહાર: 'આંતરરાષ્ટ્રીય આતંકવાદ'

ક્રેમલિન (Kremlin) ના પ્રવક્તા દિમિત્રી પેસ્કોવ (Dmitry Peskov) એ ફ્રાન્સના આ પગલાની તીવ્ર નિંદા કરી છે. તેમણે કહ્યું કે, "અમે આ કાર્યવાહીને ગેરકાયદેસર માનીએ છીએ. આ જહાજની અટકાયત 'આંતરરાષ્ટ્રીય આતંકવાદ' (International Terrorism) જેવું કૃત્ય છે." રશિયાએ સ્પષ્ટ કર્યું છે કે તે પોતાના દરિયાઈ કાર્ગો અને શિપિંગ કામગીરી (Shipping Operations) ની સુરક્ષા માટે હવે વધુ કડક પગલાં લેશે.

ધ્વજ બદલવાનો ખેલ અને શંકાસ્પદ હિલચાલ

ફ્રેન્ચ અધિકારીઓ મુજબ, આ ટેન્કર રશિયાના મુર્મન્સ્ક (Murmansk) થી નીકળ્યું હતું. પકડાયું ત્યારે જહાજ રહસ્યમય રીતે પોતાનો ધ્વજ બદલી રહ્યું હતું. બ્રિટ્ટેની (Brittany) થી 400 નોટિકલ માઈલ દૂર આંતરરાષ્ટ્રીય પાણીમાં તેને આંતરવામાં આવ્યું હતું. આ ઘટના સાબિત કરે છે કે પશ્ચિમી દેશો રશિયાના ગેરકાયદેસર વેપાર પર નજર રાખી રહ્યા છે.

આ પણ વાંચો:  China એ બનાવ્યું ત્રણ-સ્તરીય પરમાણુ ચક્રવ્યૂહ, અમેરિકાની ઊંઘ ઉડી!