Asif Ali Zardari Statement: "અમે 4% હિન્દુઓને સહન કરી રહ્યા છીએ" પાકિસ્તાનના રાષ્ટ્રપતિએ ભારત સામે ઝેર ઓક્યું

આંકડાઓની વાસ્તવિકતા અને સવાલો

રાષ્ટ્રપતિ જરદારી દ્વારા જણાવવામાં આવેલા આંકડાઓ પર પણ સવાલો ઉઠી રહ્યા છે. પાકિસ્તાનની વર્ષ 2023ની સત્તાવાર વસ્તીગણતરી (Census 2023) ના આંકડા મુજબ દેશમાં હિન્દુઓની કુલ વસ્તી આશરે ૫૨ લાખ એટલે કે કુલ જનસંખ્યાના માત્ર 2.17 ટકા જ છે, જે રાષ્ટ્રપતિ દ્વારા દાવા કરાયેલા 3 થી 4 ટકા કરતા ઘણી ઓછી છે. જરદારીએ વધુમાં એવું પણ નિવેદન આપ્યું હતું કે 'અમે મુસલમાન છીએ, તેઓ નથી. પરંતુ અમારી વિચારધારા એવી છે કે અમે 3-4 ટકા હિન્દુ વસ્તીને બર્દાસ્ત કરીએ છીએ' અને પાકિસ્તાનમાં હિન્દુઓ સંપૂર્ણ આઝાદીથી રહેવાનું પસંદ કરે છે. આ નિવેદન તેમણે ઇસ્લામાબાદમાં 'યાદગાર-એ-ફતહ' વિજય સ્મારક સમારોહ દરમિયાન આપ્યું હતું.

ભારતીય વિશેષજ્ઞો અને કાયદાકીય ક્ષેત્રથી તીખી પ્રતિક્રિયા

પાકિસ્તાની રાષ્ટ્રપતિના આ નિવેદન સામે ભારતમાં તીખી પ્રતિક્રિયાઓ જોવા મળી છે. કેરળ હાઈકોર્ટના વકીલ રોહિક મડાસ્સેરિલ (Rohit Madasseril) અને ઓબ્ઝર્વર રિસર્ચ ફાઉન્ડેશન (ORF) ના સંશોધક તથા લેખક અમિત કૃષ્ણકાંત પૉલ (Amit Krishnakant Paul) એ આ ટિપ્પણીની આકરી આલોચના કરી છે. પૉલના જણાવ્યા અનુસાર, પાકિસ્તાનના રાષ્ટ્રપતિ આજે પણ આઝાદીના દાયકાઓ પછી સ્વતંત્રતા દિવસ પર ભારતનો ઉલ્લેખ કરીને જૂની વિભાજનકારી માનસિકતાને પ્રોત્સાહન આપી રહ્યા છે.

દેશના રાષ્ટ્રપતિ દ્વારા આવા શબ્દો કેટલા યોગ્ય?

જ્યારે પાકિસ્તાનનું બંધારણ ધાર્મિક સ્વતંત્રતા અને લઘુમતીઓના અધિકારોની ગેરંટી આપવાનો દાવો કરે છે, ત્યારે બીજી તરફ આંતરરાષ્ટ્રીય માનવ અધિકાર અહેવાલોમાં અવારનવાર ત્યાં હિન્દુઓ અને અન્ય લઘુમતીઓ સામે ધર્મ પરિવર્તન (Forced Conversions), અપહરણ, ભેદભાવ અને ભીડ હિંસા (Mob Violence) જેવી ઘટનાઓ સામે આવતી રહે છે. આવા સંજોગોમાં દેશના રાષ્ટ્રપતિ દ્વારા 'બર્દાસ્ત જેવા શબ્દનો પ્રયોગ કરવો એ લઘુમતીઓની વાસ્તવિક સ્થિતિને ઉજાગર કરતો મોટો વિષય બન્યો છે.

આ પણ વાંચો: Bhavnagar: 6 જેટલા માથાભારે વ્યાજખોરોના ત્રાસથી યુવકનો આપઘાત, પોલીસ કાર્યવાહી તેજ