હોર્મુઝ પર તણાવ વચ્ચે ટ્રમ્પે અલ્ટીમેટમ આપ્યું! ઈરાનને ટેકો આપતા આ દેશ પર બોમ્બમારો કરવાની ધમકી

ટેફિકને સુચારુ બનાવવા રૂટ નક્કી કરવાની કોશિશ

આ વિવાદનું મુખ્ય કારણ એ છે કે 28 ફેબ્રુઆરી 2026થી શરૂ થયેલા સંઘર્ષ બાદ ઈરાન અને ઓમાન આ મહત્વપૂર્ણ દરિયાઈ માર્ગથી જહાજોના સુરક્ષિત આવનજાવન (Maritime Traffic) માટે એક અસ્થાયી વ્યવસ્થા પર ચર્ચા કરી રહ્યા છે. એક રિપોર્ટ મુજબ, બંને દેશો વિના ટોલના ટેફિકને સુચારુ બનાવવા માટે રૂટ નક્કી કરવાની કોશિશ કરી રહ્યા છે. જોકે, ટ્રમ્પ પ્રશાસન આ વ્યૂહાત્મક માર્ગ પર પોતાની સ્થિતિ મજબૂત રાખવા માંગે છે, જેના કારણે અમેરિકા અને ઓમાન વચ્ચે તણાવ ચરમસીમા પર પહોંચ્યો છે.

ઓઈલના ભાવમાં થઈ શકે છે વધારો

ઓમાનની ભૌગોલિક સ્થિતિ આ સંકટમાં ખૂબ જ મહત્વપૂર્ણ છે કારણ કે આ સ્ટ્રેટના દક્ષિણ ભાગ ઓમાનની નજીક છે, અને તે લાંબા સમયથી પશ્ચિમ અને ઈરાન વચ્ચે મધ્યસ્થ (Mediator) ની ભૂમિકા ભજવતો આવ્યો છે. આ કટોકટી વચ્ચે 60 દિવસની અસ્થાયી સીઝફાયર ડેડલાઈન (Ceasefire Deadline) પણ પૂરી થવાની આરે છે. જો અમેરિકા ખરેખર ઓમાન પર હુમલો કરે છે, તો તેનાથી આ ક્ષેત્રમાં ભારે યુદ્ધ ફાટી નીકળવાની અને ઓઈલ ટેન્કરોની અવરજવર પ્રભાવિત થવાથી વૈશ્વિક સ્તરે ઓઈલની કિંમતો (Global Oil Prices) માં ભારે ઉછાળો આવવાની આશંકા સર્જાઈ છે, જેની સીધી અસર ભારત જેવા એશિયન દેશોની ઉર્જા જરૂરિયાતો પર પણ પડી શકે છે.

આ પણ વાંચો: કેવડિયામાં ઐતિહાસિક ફેરફાર: 2018 પછી પહેલીવાર સવારના બદલે સાંજે યોજાશે રાષ્ટ્રીય એકતા પરેડ