Hungarian viral dance Video : Peter Magyar બન્યા હંગેરીના નવા PM, શપથ ગ્રહણ સમયે MP ના ડાન્સે મચાવી ધૂમ
- Hungarian viral dance Video
- Peter Magyar બન્યા હંગેરીના નવા વડા પ્રધાન
- હંગેરીમાં બદલાવની શરૂઆત, મેગ્યારનો શપથ ગ્રહણ
- Viktor Orbánના 16 વર્ષના શાસનનો અંત
- શપથ સમારોહમાં ડાન્સથી ચર્ચામાં Zsolt Hegedus
Hungarian viral dance Video : હંગેરીના રાજકીય ઇતિહાસમાં એક મોટું પરિવર્તન (Transformation) આવ્યું છે. શનિવારે 45 વર્ષીય પીટર મેગ્યારે હંગેરીના નવા વડાપ્રધાન તરીકે પદભાર સંભાળ્યો છે. નવી સંસદના ઉદ્ઘાટન સત્રમાં થયેલા મતદાન બાદ તેમની વિધિવત નિમણૂક કરવામાં આવી હતી. આ શપથ ગ્રહણ સાથે જ હંગેરીમાં વિક્ટર ઓર્બન (Viktor Orban) ના 16 વર્ષ લાંબા શાસનનો અંત આવ્યો છે. 12 એપ્રિલના રોજ યોજાયેલી સંસદીય ચૂંટણીમાં મેગ્યારની ટિસ્ઝા પાર્ટી (Tisza Party) એ 199 બેઠકોમાંથી 141 બેઠકો મેળવીને પ્રચંડ બહુમતી (Landslide Victory) હાંસલ કરી હતી.
સત્તા નહીં, સેવાનો સંકલ્પ
પોતાના શપથ ગ્રહણ બાદ રાષ્ટ્રને સંબોધતા પીટર મેગ્યારે (Peter Magyar) ભાવુક અને મક્કમ સૂરે જણાવ્યું હતું કે, "હું હંગેરી પર શાસન કરવા નથી આવ્યો, પરંતુ મારા દેશની સેવા (Service) કરવા આવ્યો છું." તેમણે દેશની વ્યવસ્થામાં આમૂલ પરિવર્તન લાવવાનું વચન આપ્યું હતું. મેગ્યારે સોશિયલ મીડિયા પ્લેટફોર્મ X પર એક વીડિયો શેર કરતા લખ્યું કે, "હંગેરિયન બનવું ક્યારેય આટલું સુખદ નહોતું." તેમણે સ્પષ્ટ કર્યું કે, તેમની સરકાર માત્ર સત્તા ભોગવવા માટે નહીં, પરંતુ સમગ્ર સિસ્ટમ (System) બદલવા માટે કામ કરશે. મેગ્યારે હંગેરીના નાગરિકોનો આભાર માનતા કહ્યું કે, લાખો લોકોએ પરિવર્તન માટે જે વિશ્વાસ મૂક્યો છે, તે તેમના માટે એક નૈતિક જવાબદારી (Moral Responsibility) છે. તેમણે આ જીતને કોઈ એક વ્યક્તિની નહીં પણ સમગ્ર જનતાની જીત ગણાવી હતી.
આ પણ વાંચો : ચીન અને દુબઈ સહિતની 10 કંપનીઓ પર પ્રતિબંધ, Donald Trump ના ચીન પ્રવાસ પહેલાં લેવાયો નિર્ણય
સાંસદનો ડાન્સ સોશિયલ મીડિયામાં વાયરલ
આ ગંભીર રાજકીય કાર્યક્રમમાં આકર્ષણનું કેન્દ્ર માત્ર ભાષણ જ નહીં, પરંતુ એક અનોખો ડાન્સ (Dance) પણ બન્યો હતો. મેગ્યારના સાથી સાંસદ અને જાણીતા ઓર્થોપેડિક સર્જન (Orthopedic Surgeon) ડૉ. ઝ્સોલ્ટ હેગેડુસે સંસદના પગથિયાં પર એક ઉત્સાહી ડાન્સ સ્ટેપ કરીને સૌનું ધ્યાન ખેંચ્યું હતું. આરોગ્ય પ્રધાન (Health Minister) પદના પ્રબળ દાવેદાર એવા હેગેડુસે ડેન્યુબ નદીના કિનારે એકઠા થયેલા હજારો સમર્થકો સામે આ ડાન્સનું પુનરાવર્તન કર્યું હતું. આ વીડિયો સોશિયલ મીડિયા પર અત્યંત ઝડપથી વાયરલ (Viral) થઈ રહ્યો છે, જેમાં વડાપ્રધાન મેગ્યાર પોતે પણ અન્ય સાંસદો સાથે તાળીઓ પાડતા જોવા મળે છે.
The new government of Hungary after inauguration.
Never been so cool to be Hungarian. pic.twitter.com/9B4f1P6opA— SzabadonMagyarul 🇬🇧🇭🇺🇺🇦🇪🇺 (@SzabadonMagyar) May 9, 2026
યુરોપિયન યુનિયન સાથેના સંબંધોમાં પરિવર્તન
રાજકીય વિશ્લેષકો (Political Analysts) નું માનવું છે કે મેગ્યારના નેતૃત્વમાં હંગેરીની વિદેશ નીતિ અને યુરોપિયન યુનિયન (EU) સાથેની રાજકીય ગતિશીલતા (Political Dynamics) માં મોટો બદલાવ આવશે. અગાઉની વિક્ટર ઓર્બન સરકારે ઘણીવાર EU ના મહત્વના નિર્ણયોમાં વીટો (Veto) વાપર્યો હતો, ખાસ કરીને પડોશી દેશ યુક્રેનને સમર્થન આપવા બાબતે હંગેરીનું વલણ અલગ હતું. હવે પીટર મેગ્યારની નવી સરકાર યુરોપિયન દેશો સાથેના સંબંધોને ફરીથી સંતુલિત કરે તેવી પૂરેપૂરી શક્યતા છે.
આ પણ વાંચો : હંગેરીમાં સત્તા પરિવર્તન US- Europe માં દક્ષિણપંથી રાજનીતિની ઉલટી ગણતરીના સંકેત!