S.Jaishankar : એસ.જયશંકરે ફ્રાન્સના રાષ્ટ્રપતિ ઇમેન્યુઅલ મેક્રોન સાથે કરી મુલાકાત ! મેક્રોન ફેબ્રુઆરીમાં આવશે ભારત
S.Jaishankar : વિદેશ મંત્રી એસ.જયશંકર લક્ઝમબર્ગની મુલાકાત બાદ હવે ફ્રાન્સની મુલાકાતે છે. આ મુલાકાત દરમિયાન તેમણે પેરિસમાં ફ્રાન્સના રાષ્ટ્રપતિ ઇમેન્યુઅલ મેક્રોન સાથે મુલાકાત કરી અને વડા પ્રધાન નરેન્દ્રભાઈ મોદી તરફથી શુભેચ્છાઓ પાઠવી હતી. તેમજ એસ જયશંકરે ફ્રેન્ચ રાજદૂતોના સંમેલનને સંબોધિત કર્યું હતું.
ફ્રાન્સના રાષ્ટ્રપતિ ઇમેન્યુઅલ મેક્રોન સાથે મુલાકાત કરી તેના ફોટા X પર શેર કર્યાં હતા. જેમાં લખ્યું હતુ કે "આજે ફ્રેન્ચ રાષ્ટ્રપતિ ઇમેન્યુઅલ મેક્રોનને મળીને અને પીએમ નરેન્દ્રભાઈ મોદીના ઉષ્માભર્યા શુભેચ્છાઓ પાઠવીને આનંદ થયો. હું સમકાલીન વૈશ્વિક વિકાસ પરના તેમના દ્રષ્ટિકોણ અને આપણી વ્યૂહાત્મક ભાગીદારી પ્રત્યેની તેમની સકારાત્મક લાગણીઓની ખૂબ પ્રશંસા કરું છું."
Delighted to call on President @EmmanuelMacron of France today and convey warm wishes of PM @narendramodi.
Deeply appreciate his perspectives on contemporary global developments and positive sentiments for our Strategic Partnership.
🇮🇳 🇫🇷 pic.twitter.com/hFKoafAtlD
— Dr. S. Jaishankar (@DrSJaishankar) January 8, 2026
S.Jaishankar : મુલાકાત બાદ X પર શેર કર્યો ફોટા
અગાઉની પોસ્ટમાં, તેમણે ફ્રેન્ચ રાજદૂતોના સંમેલન વિશે માહિતી શેર કરી હતી. જેમાં તેમણે લખ્યું, "આજે પેરિસમાં ફ્રેન્ચ રાજદૂતોના સંમેલનને સંબોધિત કરવું મારા માટે સન્માનની વાત હતી. મેં વેપાર, નાણાં, ટેકનોલોજી, ઉર્જા, સંસાધનો અને કનેક્ટિવિટીમાં થઈ રહેલા વર્તમાન વૈશ્વિક ફેરફારો પર ભાર મૂક્યો. માનસિકતામાં પરિવર્તન એક મુખ્ય પરિબળ રહ્યું છે." ઉપરાંત, અમે બહુ-ધ્રુવીયતા અને વ્યૂહાત્મક સ્વાયત્તતાને પ્રોત્સાહન આપવા માટે ભારત-ફ્રાન્સ ભાગીદારીના મહત્વની ચર્ચા કરી.
ફ્રાન્સના રાષ્ટ્રપતિ ઇમેન્યુઅલ મેક્રોન આવતા મહિને એટલે ફેબ્રુઆરીમાં ભારતની મુલાકાતે આવશે. તેમણે જણાવ્યું હતું કે તેઓ ભારતમાં AI ઇમ્પેક્ટ સમિટમાં હાજરી આપશે.
An honour to address the Ambassadors’ Conference of France in Paris today.
Underlined contemporary global shifts driven by trade, finance, technology, energy, resources and connectivity. Changes in mindset have been the crucial factor.
As well as the significance of India… pic.twitter.com/RwEQqZtGFQ
— Dr. S. Jaishankar (@DrSJaishankar) January 8, 2026
ફ્રાન્સના રાષ્ટ્રપતિ આવશે ભારત
ફ્રાન્સના રાષ્ટ્રપતિ ઇમેન્યુઅલ મેક્રોનએ કહ્યું, "ગયા વર્ષે, અમે AI પર એક સમિટ યોજી હતી, અને આખું વિશ્વ અમને જોવા આવ્યું હતું. વડા પ્રધાન મોદી અમારી સાથે હતા. આવતા મહિને, હું આ પ્રયાસોને આગળ વધારવા માટે ભારત જઈ રહ્યો છું. ભારત સાથે મળીને, અમે એક આંતરરાષ્ટ્રીય કરાર બનાવ્યો છે જે બહુપક્ષીયતાના હૃદયમાં છે, જે નવીનતામાં વિશ્વાસ રાખે છે પણ વાજબી નિયમન પણ ઇચ્છે છે."
વડા પ્રધાન નરેન્દ્રભાઈ મોદીએ ફ્રાન્સ AI એક્શન સમિટમાં 'ભારત-AI ઇમ્પેક્ટ સમિટ 2026' ની જાહેરાત કરી હતી. આ સમિટ 19-20 ફેબ્રુઆરીએ નવી દિલ્હીમાં યોજાવાની છે. તે ગ્લોબલ સાઉથમાં આયોજિત પ્રથમ વૈશ્વિક AI સમિટ હશે.
આ પણ વાંચો : Iran Protest : ઈરાનમાં ભારે વિરોધ પ્રદર્શન ! 100 શહેર સળગી ઉઠ્યાં, દેશમાં ઈન્ટરનેટ સેવા ઠપ