India South Korea Relations : ચિપ્સથી લઈને શીપ સુધી 15 મોટા કરાર, PM મોદીએ K-Popના કર્યા વખાણ
- India South Korea Relations : ભારત અને દક્ષિણ કોરિયા વચ્ચે ઐતિહાસિક 15 કરારો
- ચિપ્સથી લઈને જહાજો સુધીના સોદા પર હસ્તાક્ષર
- 2030 સુધીમાં દ્વિપક્ષીય વેપાર $50 બિલિયન સુધી પહોંચાડવાનો પીએમ મોદી અને રાષ્ટ્રપતિ લીનો લક્ષ્યાંક
- પીએમ મોદીએ K-Pop અને K-Dramaની લોકપ્રિયતાને બિરદાવી, સાંસ્કૃતિક સંબંધો પર આપ્યો ભાર
- વિકસિત ભારતના સંકલ્પમાં કોરિયા મહત્વનું ભાગીદાર: પીએમ મોદીનું સંયુક્ત પ્રેસ નિવેદન
- વર્ષ 2028માં યોજાશે 'ભારત-દક્ષિણ કોરિયા મિત્રતા મહોત્સવ', અયોધ્યા સાથેના પ્રાચીન સંબંધોની થશે ઉજવણી
India South Korea Relations : ભારત અને દક્ષિણ કોરિયા (South Korea) વચ્ચેના દ્વિપક્ષીય સંબંધોમાં એક નવો અધ્યાય ઉમેરાયો છે. વડાપ્રધાન નરેન્દ્ર મોદી અને દક્ષિણ કોરિયાના રાષ્ટ્રપતિ લી જે-મ્યુંગ (Lee Jae-myung) વચ્ચે સોમવારે યોજાયેલી ઉચ્ચ સ્તરીય બેઠકમાં વેપાર, ટેકનોલોજી અને સંરક્ષણ સહિતના ક્ષેત્રોમાં 15 મહત્વપૂર્ણ કરારો (MoUs) પર હસ્તાક્ષર કરવામાં આવ્યા હતા. બંને દેશોએ વર્ષ 2030 સુધીમાં દ્વિપક્ષીય વેપારને $50 બિલિયન (50 Billion Dollars) સુધી લઈ જવાનો મહત્વાકાંક્ષી લક્ષ્યાંક નક્કી કર્યો છે.
India South Korea Relations : ભવિષ્યની ભાગીદારી પર ભાર
પીએમ મોદીએ સંયુક્ત નિવેદનમાં જણાવ્યું હતું કે, ભારત અને કોરિયા હવે 'વિશ્વાસની ભાગીદારી'ને 'ભવિષ્યની ભાગીદારી'માં પરિવર્તિત કરી રહ્યા છે. આ સહયોગમાં સેમિકન્ડક્ટર ચિપ્સ (Chips), જહાજ નિર્માણ (Shipbuilding), આર્ટિફિશિયલ ઈન્ટેલિજન્સ (AI) અને સપ્લાય ચેઈન જેવા વ્યૂહાત્મક ક્ષેત્રો પર વિશેષ ધ્યાન આપવામાં આવશે. કોરિયન કંપનીઓ માટે ભારતમાં રોકાણ સરળ બનાવવા 'કોરિયન ઈન્ડસ્ટ્રિયલ ટાઉનશીપ' સ્થાપવાની પણ જાહેરાત કરવામાં આવી છે.
'ભારત-દક્ષિણ કોરિયા મિત્રતા મહોત્સવ' (Friendship Festival) યોજાશે.
વડાપ્રધાને બંને દેશોના હજારો વર્ષ જૂના સંબંધોને યાદ કરતા અયોધ્યાની રાજકુમારી સુરીરત્ન અને કોરિયાના રાજા કિમ-સુરોની પૌરાણિક કથાનો ઉલ્લેખ કર્યો હતો. તેમણે ભારતમાં વધી રહેલા કે-પોપ (K-Pop) અને કે-ડ્રામા (K-Drama) ના ક્રેઝ વિશે પણ વાત કરી હતી. પીએમ મોદીએ ખુશી વ્યક્ત કરી હતી કે દક્ષિણ કોરિયાના રાષ્ટ્રપતિ પોતે ભારતીય સિનેમાના પ્રશંસક છે. આ મૈત્રીને ઉજવવા વર્ષ 2028માં 'ભારત-દક્ષિણ કોરિયા મિત્રતા મહોત્સવ' (Friendship Festival) યોજાશે.
#WATCH | Delhi | In a joint press statement with South Korean President Lee Jae Myung, PM Modi says, "Today, K-pop and K-dramas are getting extremely popular in India. Similarly, the recognition of Indian cinema and culture is growing in Korea too. We are happy that President Lee… pic.twitter.com/tMDqkEYQHC
— ANI (@ANI) April 20, 2026
15 મુખ્ય કરારો અને જાહેરાતો (Key Agreements)
બંને દેશો વચ્ચે નાના અને મધ્યમ ઉદ્યોગોમાં સહયોગ વધારવા તેમજ દરિયાઈ વારસો કરાર અને વેપાર કરારને અપગ્રેડ કરવા અંગે સહમતી સધાઈ છે. આ ઉપરાંત, વિજ્ઞાન અને ટેકનોલોજી, નાણાકીય સોફ્ટવેર અને સિસ્ટમ્સ તેમજ આંતરરાષ્ટ્રીય ચુકવણી કરાર દ્વારા આર્થિક અને ડિજિટલ જોડાણને મજબૂત બનાવવામાં આવશે, જે 'ભારત-દક્ષિણ કોરિયા ડિજિટલ બ્રિજ' તરીકે ઉભરી આવશે.
પર્યાવરણ સુરક્ષાના ભાગરૂપે આબોહવા પરિવર્તન અને પેરિસ કરાર હેઠળ સહયોગ વધારવા પર ભાર અપાયો છે. સામાજિક સ્તરે સાંસ્કૃતિક સહયોગ, સાંસ્કૃતિક વિનિમય અને રમતગમત ક્ષેત્રે થયેલા કરારો બંને દેશોના નાગરિકો વચ્ચેના સંબંધોને વધુ ગાઢ બનાવશે. આ મુલાકાત દરમિયાન કેટલીક મુખ્ય જાહેરાતો પણ કરવામાં આવી છે, જેમાં આર્થિક સુરક્ષા સંવાદ, વિશિષ્ટ મુલાકાતી કાર્યક્રમ અને વિદેશ મંત્રી સ્તરીય સંવાદની શરૂઆતનો સમાવેશ થાય છે. નોંધનીય છે કે દક્ષિણ કોરિયા હવે 'ભારત પેસિફિક મહાસાગર પહેલ' અને 'આંતરરાષ્ટ્રીય સૌર જોડાણ'માં સામેલ થયું છે. આ મજબૂત ભાગીદારીની ઉજવણીના ભાગરૂપે વર્ષ 2028-29ને 'ભારત-દક્ષિણ કોરિયા મિત્રતા વર્ષ' તરીકે જાહેર કરવામાં આવ્યું છે.
આ પણ વાંચો : India US Trade Deal અંતિમ તબક્કામાં ! જાણો ભારતીય બજાર પર શું થશે અસર