બાંગ્લાદેશના ઢાકામાં સાર્ક સેમિનાર દરમિયાન ભારતનો ખોટો નકશો અને વિવાદ
બાંગ્લાદેશ ઇન્સ્ટિટ્યૂટ ઓફ ઇન્ટરનેશનલ એન્ડ સ્ટ્રેટેજિક સ્ટડીઝ (BIISS) ના ઓડિટોરિયમમાં એક મહત્વપૂર્ણ વિદેશ નીતિ સેમિનારનું આયોજન કરવામાં આવ્યું હતું. "રીબિલ્ડિંગ ટ્રસ્ટ, રિન્યૂઇંગ રીજનલ ઇન્ટિગ્રેશન: પાથવેઝ ફોર રિવાઇટલાઇઝિંગ સાર્ક" શીર્ષક હેઠળના આ સેમિનારમાં દક્ષિણ એશિયાના અનેક રાજદ્વારીઓ હાજર હતા (Bangladesh Dhaka Seminar Map).
આ હાઈ-પ્રોફાઈલ ઇવેન્ટમાં જ્યારે ભારતમાં બાંગ્લાદેશના પૂર્વ હાઈકમિશનર અહેમદ તારિક કરીમ પોતાનું પ્રેઝન્ટેશન રજૂ કરી રહ્યા હતા, ત્યારે સ્ક્રીન પર એક મોટો વિવાદાસ્પદ નકશો સામે આવ્યો. આ નકશામાં ભારતના મુગટ સમાન જમ્મુ-કાશ્મીર ક્ષેત્રને સત્તાવાર સરહદથી અલગ પાડીને પાકિસ્તાનના હિસ્સા તરીકે પ્રદર્શિત કરવામાં આવ્યું હતું. આ નકશો જોતાં જ ત્યાં હાજર ભારતીય પ્રતિનિધિ મંડળ એક્શનમાં આવ્યું હતું.
"જમ્મુ-કાશ્મીર ભારતનો અભિન્ન ભાગ છે" - યુવા અધિકારીનો ત્વરિત અને કડક જવાબ
ત્યાં હાજર ભારતીય હાઈકમિશનના સેકન્ડ સેક્રેટરી (પોલિટિકલ એન્ડ ઇન્ફોર્મેશન) પૂજા કુમારી ઝાએ એક ક્ષણનો પણ વિલંબ કર્યા વિના પ્રેઝન્ટેશનની વચ્ચે જ ઉભા થઈને સખત વાંધો ઉઠાવ્યો હતો (IFS Officer India Map Protest). તેમણે સ્પષ્ટ અને મક્કમ અવાજમાં કહ્યું, "સર, આ નકશો તદ્દન ખોટો છે. જમ્મુ અને કાશ્મીર એ ભારતનો અભિન્ન અને અવિભાજ્ય હિસ્સો છે અને અહીં તેને સદંતર ખોટી રીતે રજૂ કરાયો છે." (Jammu Kashmir Integral Part)
ત્યારબાદ પૂર્વ હાઈકમિશનર તારિક કરીમે બચાવ કરતાં કહ્યું કે આ નકશો માત્ર સાંકેતિક હેતુ માટે જ ઉપયોગમાં લેવાયો છે અને તે વાસ્તવિક સરહદો પ્રદર્શિત કરતો નથી. જો કે, ભારતીય રાજદ્વારી પોતાના વલણ પર અડગ રહ્યા હતા અને ભારપૂર્વક જણાવ્યું હતું કે સાર્વભૌમત્વના મુદ્દે આવી ક્ષતિ સ્વીકારી શકાય નહીં. અંતે બાંગ્લાદેશી રાજદ્વારીએ પોતાની ભૂલ સ્વીકારવી પડી હતી અને 'પોઇન્ટ નોટેડ' કહીને આગળ વધ્યા હતા. આ સમગ્ર ઘટનાનો વિડીયો સોશિયલ મીડિયા પર વાયરલ થતાં જ ભારતભરમાં પૂજા ઝાની પ્રશંસા થઈ રહી છે.
કોણ છે યુવા IFS અધિકારી પૂજા કુમારી ઝા? સંઘર્ષ અને જ્વલંત સફળતાનું બેકગ્રાઉન્ડ
આંતરરાષ્ટ્રીય સ્તરે ભારતની મજબૂત અવાજ બનનારાં પૂજા કુમારી ઝા વર્ષ 2022 બેચના 25 વર્ષીય ઇન્ડિયન ફોરેન સર્વિસ (IFS) અધિકારી છે. તેઓ મૂળ બિહારના સીતામઢી જિલ્લાના પુરનહિયા ગામના વતની છે. પૂજા ઝાએ વર્ષ 2021 ની અત્યંત કઠિન ગણાતી UPSC સિવિલ સર્વિસીસ પરીક્ષામાં પોતાના પ્રથમ જ પ્રયાસમાં ઑલ ઇન્ડિયા રેન્ક 82 મેળવીને ઇતિહાસ રચી દીધો હતો (UPSC Topper Success Story).
ઢાકામાં તેમની આ પ્રથમ સત્તાવાર પોસ્ટિંગ છે, અને આ પહેલાં તેમની કઠિન રાજદ્વારી તાલીમ તાઈવાનમાં સફળતાપૂર્વક પૂર્ણ થઈ હતી. તેમની આ જ્વલંત યાત્રા ભારતના લાખો મધ્યમવર્ગીય પરિવારો અને ખાસ કરીને દીકરીઓ માટે ભારે પ્રેરણાદાયી છે.
કઠિન પરિસ્થિતિઓ, સામાજિક અસમાનતા અને સરકારી શાળામાંથી UPSC રેન્ક 82 સુધીની સફર
પૂજા ઝાની આ સફળતા પાછળ વર્ષોનો આકરો સંઘર્ષ છુપાયેલો છે. તેમનો પરિવાર દિલ્હીની ગીચ ગલીઓમાં એક સામાન્ય ભાડાના મકાનમાં રહેતો હતો. તેમના પિતા છેલ્લા આશરે 40 વર્ષથી ગુરુગ્રામની એક ખાનગી કંપનીમાં ઓફિસ હેલ્પર (પટાવાળા) તરીકે સાધારણ નોકરી કરે છે અને માતા ગૃહિણી છે. આર્થિક સંકડાશને કારણે પૂજા અને તેમના ભાઈ-બહેનોને પ્રાઈવેટ સ્કૂલ છોડીને સરકારી તેમજ MCD ની શાળાઓમાં અભ્યાસ કરવો પડ્યો હતો.
તેઓ પોતાના પરિવારમાં પાંચ બહેનોમાં પાંચમી દીકરી છે. તેમણે એક ઈન્ટરવ્યુમાં સ્વીકાર્યું હતું કે તેઓ જે સામાજિક પૃષ્ઠભૂમિમાંથી આવે છે, ત્યાં દીકરીઓ કરતાં દીકરાના જન્મને વધુ મહત્વ અપાતું હતું. ઘરમાં અને સમાજમાં જોવા મળતી આ લિંગ અસમાનતા અને પક્ષપાતને તેમણે ખૂબ નજીકથી જોયો હતો. આ જ ભેદભાવે તેમનામાં સમાજમાં પોતાની અલગ ઓળખ ઊભી કરવાનો અને આંતરરાષ્ટ્રીય પ્લેટફોર્મ પર દેશનું પ્રતિનિધિત્વ કરવાનો દ્રઢ સંકલ્પ પેદા કર્યો (International Platform Sovereignty Stand).
આ પણ વાંચો : US Iran Conflict News : યુદ્ધના ભણકારા! પિતાના મોતનો બદલો લેવા ઈરાનના નવા સુપ્રિમ લીડર મોજતબા ખામેનેઈએ ખાધા સોગંદ
