Gulf Countries માં યુદ્ધની અસર, 90 લાખ ભારતીયોની નોકરી પર લટકતી તલવાર!

કેટલા ભારતીયો Gulf Countries માં છે?

એક અંદાજ મુજબ, સંયુક્ત આરબ અમીરાત (UAE), સાઉદી અરેબિયા, કતાર, કુવૈત, ઓમાન અને બહેરીન જેવા દેશોમાં અંદાજે 80 થી 90 લાખ ભારતીયો કાર્યરત છે. આ વિશ્વના કોઈપણ પ્રદેશમાં ભારતીય પ્રવાસીઓની સૌથી મોટી સંખ્યા છે. આમાં માત્ર મજૂરો જ નહીં, પરંતુ એન્જિનિયરો, ડોક્ટરો, ટેકનિશિયન અને મેનેજરોનો પણ સમાવેશ થાય છે.

કયા ક્ષેત્રોમાં છે સૌથી વધુ અસર?

ખાડી દેશોમાં ભારતીયો સૌથી વધુ બાંધકામ ક્ષેત્ર (Construction Sector) માં કામ કરે છે. યુદ્ધના વાતાવરણને કારણે અનેક મોટા પ્રોજેક્ટ્સ અટકી પડ્યા છે અથવા ધીમા પડ્યા છે. આ સિવાય ઓઈલ અને ગેસ ઈન્ડસ્ટ્રી, હોસ્પિટાલિટી (હોટલ-રેસ્ટોરન્ટ) અને હેલ્થકેર સેક્ટરમાં પણ છટણી (Layoffs) શરૂ થઈ છે. કંપનીઓ ખર્ચમાં કાપ (Cost Cutting) મૂકી રહી છે, જેની સીધી અસર ભારતીય કામદારો પર પડી રહી છે.

કયા રાજ્યો પર વધુ જોખમ?

ભારતમાંથી સૌથી વધુ કેરળ, ઉત્તર પ્રદેશ, બિહાર, તેલંગાણા અને પંજાબના લોકો ખાડી દેશોમાં જાય છે. ખાસ કરીને યુપી અને બિહારના શ્રમિકો બાંધકામ ક્ષેત્રમાં મોટી સંખ્યામાં છે, જેમના માટે અત્યારે વતન પરત ફરવા સિવાય કોઈ વિકલ્પ દેખાઈ રહ્યો નથી. જો આ સ્થિતિ લાંબી ચાલશે તો ભારત આવતા રેમિટન્સ (Remittance) પર પણ મોટી અસર પડી શકે છે.

આ પણ વાંચો : Bhopal : કાળજું કંપાવતો અકસ્માત, ચાલતી ટ્રેન પકડવા જતાં પ્લેટફોર્મ અને ટ્રેન વચ્ચે ફસાયો યુવક, જુઓ Viral Video