IndiGo : CEO પીટર એલ્બર્સનું રાજીનામું, હવે રાહુલ ભાટિયા સંભાળશે એરલાઇનનું સુકાન
- IndiGo એરલાઇનના CEO પીટર એલ્બર્સનું રાજીનામું!
- ઓપરેશનલ મુશ્કેલીઓ વચ્ચે કંપનીના ટોચના સ્તરે મોટો ફેરફાર
- MD રાહુલ ભાટિયા હવે એરલાઇનનું મેનેજમેન્ટ સીધું સંભાળશે
- 4500 ફ્લાઈટ્સ રદ થવાના વિવાદ બાદ લેવાયો મહત્વનો નિર્ણય
- નવા CEOની શોધ ચાલુ, કંપની કલ્ચર મજબૂત કરવા પર મૂકાયો ભાર
- નેતૃત્વ પરિવર્તન વચ્ચે ઇન્ડિગોના શેરમાં 3.46% નો નોંધપાત્ર ઉછાળો
ભારતની સૌથી મોટી એરલાઇન ઇન્ડિગો (IndiGo) માં નેતૃત્વ પરિવર્તનના મોટા સમાચાર સામે આવ્યા છે. કંપનીના સીઈઓ પીટર એલ્બર્સે (Pieter Elbers) મંગળવારે પોતાના પદ પરથી રાજીનામું આપી દીધું છે. એરલાઇન દ્વારા જારી કરવામાં આવેલી સત્તાવાર યાદી મુજબ, નવા લીડરની નિમણૂક ન થાય ત્યાં સુધી કંપનીના મેનેજિંગ ડિરેક્ટર રાહુલ ભાટિયા (Rahul Bhatia) મેનેજમેન્ટની સંપૂર્ણ જવાબદારી સંભાળશે.
IndiGo માં ઓપરેશનલ મુશ્કેલીઓ બની કારણ?
નોંધનીય છે કે ડિસેમ્બરના શરૂઆતના અઠવાડિયામાં ઇન્ડિગોએ લગભગ 4,500 ફ્લાઇટ્સ કેન્સલ (Flight Cancellation) કરવી પડી હતી. પાઇલોટ્સ માટેના કડક નિયમોના અમલીકરણમાં રોસ્ટર મેનેજમેન્ટની નિષ્ફળતાને કારણે એરલાઇનને ભારે ટીકાઓનો સામનો કરવો પડ્યો હતો. ઇન્ટરગ્લોબ એવિએશનના ચેરમેન વિક્રમ સિંહ મહેતાએ જણાવ્યું હતું કે, રાહુલ ભાટિયા કંપનીના કલ્ચરને મજબૂત કરવા અને ગ્રાહકોને વધુ સારી સેવા આપવા માટે ફરી મેનેજમેન્ટમાં સક્રિય થયા છે.
રાહુલ ભાટિયાએ વચગાળાના ધોરણે એરલાઇનનું સંચાલન સંભાળ્યું
હાલમાં ઇન્ડિગોના મેનેજિંગ ડિરેક્ટર રાહુલ ભાટિયાએ વચગાળાના ધોરણે એરલાઇનનું સંચાલન સંભાળ્યું છે. સપ્ટેમ્બર 2022 માં સીઈઓ તરીકે એલ્બર્સના લગભગ ત્રણ વર્ષના કાર્યકાળ દરમિયાન ઇન્ડિગોએ 10 અરબ ડોલરથી વધુની આવક મેળવી હતી. આ દરમિયાન એયરલાઇનનો કાફલો પણ નોંધપાત્ર રીતે વિસ્તર્યો, જેમાં 440 થી વધુ વિમાનો સુધી પહોચ્યો. ઇન્ડિગોએ એરબસ સાથે 500 વિમાનો માટે ઐતિહાસિક ઓર્ડર પણ આપ્યો.
IndiGo CEO Pieter Elbers resigned from his position with immediate effect for personal reasons, months after mass flight cancellations left tens of thousands of passengers stranded and drew regulatory scrutiny. The airline said its managing director, Rahul Bhatia… pic.twitter.com/HHYD3xWJz3
— ANI (@ANI) March 10, 2026
શેરબજારમાં તેજીનો માહોલ
નેતૃત્વમાં ફેરફાર છતાં મંગળવારે ઇન્ડિગોની પેરેન્ટ કંપની ઇન્ટરગ્લોબ એવિએશનના શેરમાં (IndiGo Share Price) 3.46% નો ઉછાળો જોવા મળ્યો હતો. શેર રૂ. 4,382.45 પર બંધ થયો હતો. બજારના જાણકારોનું માનવું છે કે કાચા તેલની કિંમતોમાં ઘટાડો અને વૈશ્વિક સ્તરે યુદ્ધના વિરામની આશાને કારણે એવિએશન સેક્ટરમાં આ તેજી જોવા મળી છે. રાહુલ ભાટિયા, જેઓ કંપનીમાં 35.69% હિસ્સો ધરાવે છે, તેમના આગમનથી રોકાણકારોમાં ફરી વિશ્વાસ જાગ્યો છે.
આ પણ વાંચો : US Iran War: ટ્રમ્પની 'Madman Theory', ક્યારેક શાંતિ - ક્યારેક ભીષણ યુદ્ધની ધમકી!