Strait of Hormuz Update: ઇરાને હોર્મુઝ સ્ટ્રેટને લઇને કરી મોટી જાહેરાત, હવે આ જહાજોની અવરજવર માટે આપી છૂટછાટ!
- આવશ્યક ચીજવસ્તુઓ લઈ જતા જહાજો માટે હોર્મુઝ સ્ટ્રેટના દ્વાર ખુલ્યા (Strait of Hormuz Update)
- પસાર થતા પહેલા ઈરાની સત્તાવાળાઓ સાથે વાટાઘાટો કરવી રહેશે ફરજિયાત
- વૈશ્વિક બજારમાં ક્રૂડ ઓઈલના ભાવ 100 ડોલર પ્રતિ બેરલને પાર પહોંચ્યા
પશ્ચિમ એશિયા (West Asia) માં ચાલી રહેલા ભયાનક સંઘર્ષની વચ્ચે ઈરાને એક વ્યૂહાત્મક જાહેરાત કરી છે. વિશ્વની સૌથી મહત્વપૂર્ણ ગણાતી દરિયાઈ પટ્ટી હોર્મુઝ સ્ટ્રેટ (Strait of Hormuz) અંગે તેહરાન સરકારે મહત્વનો આદેશ જારી કર્યો છે. આ નિર્ણયથી વૈશ્વિક પુરવઠા શૃંખલા (Global Supply Chain) અને ખાસ કરીને આવશ્યક ચીજવસ્તુઓના પરિવહન પર મોટી અસર પડશે.
Strait of Hormuz Update: ઈરાને લીધો મોટો નિર્ણય
નોંધનીય છે કે ઈરાની ન્યૂઝ એજન્સી તસ્નીમ (Tasnim News Agency) ના અહેવાલ મુજબ, ઈરાન સરકારે હવે આવશ્યક ચીજવસ્તુઓ લઈ જતા જહાજોને હોર્મુઝ સ્ટ્રેટમાંથી પસાર થવાની મંજૂરી આપી છે. આ છૂટછાટ એવા સમયે આપવામાં આવી છે જ્યારે ઈરાન પોતે અમેરિકા (USA) અને ઇઝરાયેલ (Israel) ના બોમ્બમારાનો સામનો કરી રહ્યું છે. જોકે, આ જહાજોએ પસાર થતા પહેલા ઈરાની સત્તાવાળાઓ સાથે વાટાઘાટો અને સંકલન કરવું અનિવાર્ય રહેશે.
વૈશ્વિક અર્થતંત્ર અને ક્રૂડ ઓઈલ
ઉલ્લેખનીય છે કે યુદ્ધના કારણે ભારત (India) જેવા દેશો ક્રૂડ ઓઈલ અને ગેસની અછતનો સામનો કરી રહ્યા છે. આંતરરાષ્ટ્રીય બજારમાં ક્રૂડ ઓઈલના ભાવ પ્રતિ બેરલ 100 ડોલર ($100 per barrel) ને પાર કરી ગયા છે. ઈરાન પર લદાયેલા પ્રતિબંધો અને યુદ્ધની સ્થિતિને કારણે ત્યાં પણ જીવનજરૂરી ચીજવસ્તુઓની અછત સર્જાઈ હતી, જેના ઉકેલ માટે હવે દરિયાઈ માર્ગે જહાજોને પ્રવેશ આપવાનો નિર્ણય લેવાયો છે.
🇮🇷 Iran announces that ships carrying essential goods and humanitarian aid are now permitted to pass through the Strait of Hormuz en route to Iran and the Sea of Oman.
Source: Tasnim News https://t.co/TMhrmRKMiM pic.twitter.com/bemKcpBE2e
— Mario Nawfal (@MarioNawfal) April 4, 2026
અમેરિકા અને ઇઝરાયેલની મુશ્કેલીઓ
ઈરાનમાં શાસન પરિવર્તનનું સ્વપ્ન જોનારા પશ્ચિમી દેશો અત્યારે પોતે જ આ સંઘર્ષમાં ફસાયેલા જોવા મળે છે. ઈરાનના હળવા ડ્રોન (Drones) હુમલાઓએ સમગ્ર ગલ્ફ ક્ષેત્ર (Gulf Region) માં તહલકો મચાવ્યો છે. ઈરાની હવાઈ સંરક્ષણને નષ્ટ કરવાનો દાવો કરનાર અમેરિકાએ તાજેતરમાં તેના બે ફાઈટર જેટ્સ ગુમાવ્યા છે, જે વોશિંગ્ટન માટે મોટો આંચકો છે.
આ પણ વાંચો: US Fighter Jets Destroyed : અમેરિકાનો ઘમંડ ચકનાચૂર, ઇરાને અત્યાર સુધી USના 7 અતિઆધુનિક વિમાન નેસ્તનાબૂદ!