Hormuz Strait conflict: ઈરાનના વિદેશ મંત્રી અરાઘચીએ હોર્મુઝ સ્ટ્રેટને લઇને આપ્યું મોટું નિવેદન,જાણો શું કહ્યું...
- વિદેશ મંત્રી અરાઘચીએ હોર્મુઝ સ્ટ્રેટ પર સ્થિતિ સ્પષ્ટ કરી (Hormuz Strait conflict)
- અમેરિકા અને ઇઝરાયલના જહાજો પર પ્રવેશબંધી લાદવામાં આવી
- રશિયા અને ચીન ઈરાનના વ્યૂહાત્મક ભાગીદાર હોવાની કબૂલાત
- ભારતીય જહાજો સહિત અનેક વેપારી જહાજો મધદરિયે અટવાયા
ઇઝરાયલ (Israel) અને અમેરિકા (USA) સાથે વધતા તણાવ વચ્ચે ઈરાને વ્યૂહાત્મક રીતે અત્યંત મહત્વના ગણાતા હોર્મુઝ સ્ટ્રેટ (Hormuz Strait) અંગે સ્થિતિ સ્પષ્ટ કરી છે. ઈરાનના વિદેશ મંત્રી અબ્બાસ અરાઘચી (Abbas Araghchi) એ એક મહત્વના નિવેદનમાં જણાવ્યું છે કે આ દરિયાઈ માર્ગ તમામ દેશો માટે બંધ કરવામાં આવ્યો નથી, પરંતુ ચોક્કસ દેશો સામે પ્રતિબંધો લાદવામાં આવ્યા છે.
Hormuz Strait conflict: કોના માટે રસ્તો બંધ છે?
વિદેશ મંત્રી અરાઘચી (Araghchi) એ સ્પષ્ટતા કરી હતી કે, "હોર્મુઝ સ્ટ્રેટ (Hormuz Strait) વાસ્તવમાં ખુલ્લું જ છે. તે માત્ર અમારા દુશ્મનોના ટેન્કરો અને જહાજો માટે જ બંધ કરવામાં આવ્યું છે, જેઓ ઈરાન અથવા અમારા સાથી દેશો પર હુમલો કરી રહ્યા છે." તેમણે વધુમાં ઉમેર્યું કે અન્ય તમામ દેશોના જહાજોની અવરજવર પર કોઈ પણ પ્રકારનો પ્રતિબંધ મૂકવામાં આવ્યો નથી.
ભારતીય જહાજોની સ્થિતિ
નોંધનીય છે કે પર્સિયન ગલ્ફ (Persian Gulf) અને ઓમાનના અખાત (Gulf of Oman) વચ્ચેના આ સાંકડા માર્ગમાં હાલમાં ઘણા ભારતીય જહાજો (Indian Ships) સહિત સેંકડો વેપારી જહાજો અટવાયેલા છે. ઈરાને આ નાકાબંધી પાછળ 'સુરક્ષા ચિંતાઓ' (Security Concerns) ને મુખ્ય કારણ ગણાવ્યું છે. અરાઘચીએ જણાવ્યું કે ઘણા દેશો પોતાની સુરક્ષાના ડરથી આ માર્ગનો ઉપયોગ કરવા માંગતા નથી, જેમાં ઈરાનનો કોઈ સીધો હસ્તક્ષેપ નથી.
રશિયા-ચીન સાથે વ્યૂહાત્મક મિત્રતા
લશ્કરી સહાયના પ્રશ્ન પર અરાઘચીએ ખુલ્લેઆમ સ્વીકાર્યું કે રશિયા (Russia) અને ચીન (China) ઈરાનના વ્યૂહાત્મક ભાગીદારો છે. તેમણે કહ્યું, "અમે ભૂતકાળમાં પણ ગાઢ સહયોગ કર્યો છે અને તે અત્યારે પણ ચાલુ છે. આ સહયોગમાં લશ્કરી (Military) અને ગુપ્તચર (Intelligence) સહાયનો પણ સમાવેશ થાય છે." તેમણે ભારપૂર્વક જણાવ્યું કે આ માર્ગ માત્ર અમેરિકન (American) અને ઈઝરાયલી (Israeli) જહાજો માટે જ બંધ છે.