ટેક્સી ડ્રાઈવરના પરિવાર પર તૂટી પડ્યો વિનાશ

એક અહેવાલ મુજબ, હુમલાના સમયે કૈસર જાફરી પોતાના પરિવાર સાથે ઘરે હાજર હતા. બોમ્બ પડતા જ આખું મકાન ધરાશાયી થઈ ગયું. આ દુર્ઘટનામાં કૈસર, તેમની પત્ની ઝહરા (Zahra) અને પુત્રી સના (Sana)ના મોત થયા હોવાનું અહેવાલોમાં જણાવાયું છે, જ્યારે તેમના 2 બાળકો ગંભીર રીતે ઘાયલ થતાં હોસ્પિટલમાં સારવાર હેઠળ છે.

30 ફૂટનો ખાડો, વિસ્તારમાં ફેલાયો ભય

907 કિલોગ્રામના શક્તિશાળી માર્ક-84 બોમ્બના વિસ્ફોટથી ઘટનાસ્થળે અંદાજે 30 ફૂટ પહોળો ખાડો સર્જાયો હતો અને ધુમાડાના વિશાળ ગોટેગોટા આકાશમાં ફેલાઈ ગયા હતા. હુમલો રહેણાંક વિસ્તારમાં થયો હોવાથી આસપાસ આવેલા 100થી વધુ ઘરોના લોકોમાં ભારે ભયનો માહોલ સર્જાયો હતો. સ્થાનિક અધિકારીઓના જણાવ્યા પ્રમાણે હુમલા બાદ 2 ડઝનથી વધુ પરિવારો સુરક્ષાના ડરે વિસ્તાર છોડીને અન્ય સ્થળે જવા મજબૂર બન્યા છે.

CENTCOMએ તપાસ શરૂ કરી

આ ઘટનાને લઈને સેન્ટ્રલ કમાન્ડ (CENTCOM)ના પ્રવક્તા કેપ્ટન ટિમ હોકિન્સ (Captain Tim Hawkins)એ જણાવ્યું કે તેઓ આ અહેવાલોથી વાકેફ છે અને સમગ્ર ઘટનાની તપાસ કરવામાં આવી રહી છે. તેમણે દાવો કર્યો કે અમેરિકી સૈન્ય ક્યારેય જાણી જોઇને નાગરિકોને નિશાન બનાવતું નથી.

અગાઉ પણ નાગરિક વિસ્તારો પર હુમલાના આરોપ

આ પહેલી વખત નથી જ્યારે અમેરિકા પર ઈરાનના નાગરિક વિસ્તારોને નિશાન બનાવવાનો આરોપ લાગ્યો હોય. યુદ્ધની શરૂઆત દરમિયાન ઈરાનની મીનાબ સ્કૂલ (Minab School) પર હુમલાના પણ આરોપ લાગ્યા હતા, જેમાં 100થી વધુ બાળકોના મોત થયા હોવાનો ઈરાની પક્ષનો દાવો છે.

હોર્મુઝ સ્ટ્રેટ નજીક કેશમ ટાપુનું વ્યૂહાત્મક મહત્વ

કેશમ ટાપુ (Qeshm Island) હોર્મુઝ સ્ટ્રેટ (Strait of Hormuz) નજીક આવેલું છે, જે વિશ્વના સૌથી મહત્વપૂર્ણ તેલ અને ગેસ પરિવહન માર્ગોમાંનું એક માનવામાં આવે છે. ઈરાન માટે આ વિસ્તાર વ્યૂહાત્મક રીતે અત્યંત મહત્વનો હોવાથી અહીં થયેલા હુમલાને માત્ર સૈન્ય કાર્યવાહી નહીં પરંતુ ઈરાનના ઊર્જા પુરવઠા (Energy Supply) પર દબાણ બનાવવાના પ્રયાસ તરીકે પણ જોવામાં આવી રહ્યો છે.

આ પણ વાંચો : Iran-US Conflict : અમેરિકાના સાથી દેશોને ઈરાનની મોટી ચેતવણી, શું હવે મધ્ય પૂર્વમાં ફાટી નીકળશે મહાયુદ્ધ?