1. અમેરિકાના શહેરોમાં નેશનલ ગાર્ડની તૈનાતીનો દાવો
એક અહેવાલ અનુસાર, જ્યુકિનની પ્રથમ ભવિષ્યવાણી અમેરિકાની ઈમિગ્રેશન નીતિ (Immigration Policy) સાથે સંબંધિત છે. તેમનું માનવું છે કે આગામી સમયમાં ટ્રમ્પ વહીવટીતંત્ર ઈમિગ્રેશન એન્ડ કસ્ટમ્સ એન્ફોર્સમેન્ટ એટલે કે ICE ને વધુ સત્તા આપી શકે છે. ICE અમેરિકાના ઈમિગ્રેશન કાયદાઓ (Immigration Laws)ના અમલ માટે જવાબદાર ફેડરલ એજન્સી છે. ટ્રમ્પ સરકારની કડક ઈમિગ્રેશન નીતિઓને કારણે અમેરિકાના વિવિધ વિસ્તારોમાં અગાઉ પણ વિરોધ પ્રદર્શન થઈ ચૂક્યાં છે. જ્યુકિનનું અનુમાન છે કે આર્થિક અસ્થિરતા (Economic Turmoil) અને મિલિટરી ડ્રાફ્ટની તૈયારીઓ વચ્ચે અમેરિકાના મોટા શહેરોમાં નેશનલ ગાર્ડ (National Guard) તૈનાત કરવાની સ્થિતિ ઊભી થઈ શકે છે.
Advertisement ![Navratri Banner]()
2. અમેરિકામાં ‘ગૃહયુદ્ધ જેવી’ સ્થિતિ સર્જાવાની આગાહી
જ્યુકિનની બીજી આગાહી વધુ ગંભીર છે. તેમનું કહેવું છે કે 2027 દરમિયાન અમેરિકામાં એવા સંજોગો ઊભા થઈ શકે છે, જે ગૃહયુદ્ધ (Civil War) જેવી સ્થિતિ તરફ દોરી જાય. જોકે, તેઓ 2 સંગઠિત સેનાઓ વચ્ચે સીધી લડાઈની વાત કરતા નથી. તેમના મતે દેશભરમાં અસંતોષ (Discontent), રમખાણો (Riots), વિરોધ પ્રદર્શન (Protests) અને બળવો (Rebellion) વધી શકે છે. આવી ઘટનાઓના કારણે લાંબા સમય સુધી ચાલતા લો-લેવલ કોન્ફ્લિક્ટ (Low-Level Conflict) જેવી સ્થિતિ ઊભી થઈ શકે છે.
3. યુવાનો માટે ફરજિયાત મિલિટરી ડ્રાફ્ટની શક્યતા
ત્રીજી આગાહીમાં જ્યુકિને અમેરિકામાં ફરજિયાત સૈન્ય ભરતી (Compulsory Military Draft)ની વાત કરી છે. તેમના જણાવ્યા પ્રમાણે, ઈરાન સાથે વધી રહેલા તણાવને કારણે અમેરિકા 2027માં 18 વર્ષ કે તેથી વધુ ઉંમરના યુવાનોને સૈન્યમાં ભરતી કરવાની તૈયારી કરી શકે છે. જ્યુકિનનું અનુમાન છે કે જો ઈરાનમાં જમીની લડાઈ (Ground War) જેવી સ્થિતિ ઊભી થાય, તો અમેરિકાને મોટી સંખ્યામાં સૈનિકોની જરૂર પડી શકે છે. જોકે, આ તેમનો દાવો છે અને તેને કોઈ નિશ્ચિત સરકારી નિર્ણય તરીકે જોવો જોઈએ નહીં.
4. 2026ની મિડટર્મ ચૂંટણીમાં મોટો ફેરફાર?
અમેરિકામાં નવેમ્બર 2026માં યોજાનારી મિડટર્મ ચૂંટણી (Midterm Elections)ને લઈને પણ જ્યુકિને મોટો દાવો કર્યો છે. આ ચૂંટણી દ્વારા અમેરિકન કોંગ્રેસ (US Congress) પર કઈ પાર્ટીનું નિયંત્રણ રહેશે તે નક્કી થશે. તેમના જણાવ્યા અનુસાર, ચૂંટણીના પરિણામોમાં અણધાર્યા ફેરફારો જોવા મળી શકે છે. તેમણે ચૂંટણી રદ થવાની વાત કરી નથી, પરંતુ મતદાન પ્રક્રિયા (Voting Process)માં મોટા ફેરફારોની શક્યતા અંગે ચર્ચા કરી છે. તેમણે ખાસ કરીને SAVE America Actનો ઉલ્લેખ કર્યો છે. આ પ્રસ્તાવિત કાયદા હેઠળ મતદાન કરતા પહેલાં અમેરિકન નાગરિકતાનો પુરાવો (Proof of Citizenship) રજૂ કરવાની જરૂર પડી શકે છે અને નાગરિકતાની વધુ કડક તપાસ થઈ શકે છે.
5. લાંબું ઈરાન યુદ્ધ અમેરિકાની અર્થવ્યવસ્થાને નુકસાન પહોંચાડશે?
જ્યુકિનની પાંચમી અને સૌથી ગંભીર આગાહી વૈશ્વિક અર્થવ્યવસ્થા (Global Economy)ને લઈને છે. તેમનું માનવું છે કે જો અમેરિકા ઈરાન સામે લાંબું જમીની યુદ્ધ શરૂ કરે અને આ યુદ્ધ 4થી 5 વર્ષ સુધી ચાલે, તો તેની અમેરિકાની અર્થવ્યવસ્થા (US Economy) પર ભારે અસર પડી શકે છે. તેમના દાવા પ્રમાણે, જો અમેરિકા આ પ્રકારનું લાંબું યુદ્ધ હારી જાય તો અમેરિકન અર્થતંત્રમાં મોટો કડાકો આવી શકે છે અને તેની અસર માત્ર અમેરિકા સુધી મર્યાદિત નહીં રહે. જ્યુકિનનું અનુમાન છે કે આવી સ્થિતિમાં વૈશ્વિક અર્થવ્યવસ્થા પણ ગંભીર સંકટમાં મુકાઈ શકે છે.
જ્યુકિન પોતાની ભવિષ્યવાણી કેવી રીતે કરે છે?
જિયાંગ જ્યુકિનના જણાવ્યા પ્રમાણે, તેઓ પોતાની આગાહીઓ માટે ‘ગેમ થિયરી’ (Game Theory)નો ઉપયોગ કરે છે. ગેમ થિયરીમાં કોઈ પરિસ્થિતિમાં સામેલ અલગ-અલગ પક્ષો કેવી રીતે વર્તન કરશે તેનું વિશ્લેષણ કરવામાં આવે છે. તેમના કહેવા પ્રમાણે, કોઈપણ પરિસ્થિતિ સમજવા માટે સૌથી પહેલાં તેના નિયમો, માળખું અને દરેક પક્ષના ફાયદા સમજવા જરૂરી છે. ત્યારબાદ અલગ-અલગ ખેલાડીઓ કઈ વ્યૂહરચના (Strategy) અપનાવી શકે તેનું અનુમાન કરી શકાય છે.
જ્યુકિન જિયોપોલિટિક્સ (Geopolitics)ને પણ આ જ રીતે જુએ છે. તેમના મતે અમેરિકા, ઈરાન, ઈઝરાયેલ (Israel) અને સાઉદી અરેબિયા (Saudi Arabia) જેવા દેશો એકબીજા સામે પોતાના હિતો (Interests)ને આગળ વધારવા માટે અલગ-અલગ વ્યૂહરચનાઓ અપનાવે છે. આ દેશોના સંભવિત નિર્ણયો અને પરસ્પર સંબંધોના વિશ્લેષણના આધારે તેઓ ભવિષ્યની ઘટનાઓ અંગે પોતાના અનુમાન રજૂ કરે છે. નોંધનીય છે કે આ તમામ આગાહીઓ જ્યુકિનના દાવા અને અનુમાન છે. ભવિષ્યમાં આમાંથી કેટલી વાતો સાચી સાબિત થાય છે તે સમય જ નક્કી કરશે.
આ પણ વાંચો : Donald Trump AI Video: ઈમિગ્રેશન રોકવા ડોનાલ્ડ ટ્રમ્પ બન્યા સુપર હીરો!, વ્હાઈટ હાઉસે જાહેર કર્યો વીડિયો
