ડેમોક્રેટિક ગાલામાં ટ્રમ્પ પર આકરા પ્રહાર
મેરીલેન્ડ (Maryland)ના બાલ્ટિમોર (Baltimore) શહેરમાં યોજાયેલા ડેમોક્રેટિક પાર્ટી (Democratic Party)ના ગાલા કાર્યક્રમ દરમિયાન જો બાઇડને પોતાના સંબોધનમાં ડોનાલ્ડ ટ્રમ્પની અનેક નીતિઓ અને નિર્ણયોની ટીકા કરી હતી. તેમણે ખાસ કરીને લિંકન મેમોરિયલ રિફ્લેક્ટિંગ પૂલ (Lincoln Memorial Reflecting Pool)ના વિવાદાસ્પદ રિનોવેશન (Renovation)નો ઉલ્લેખ કરતાં ટ્રમ્પ પર વ્યક્તિગત પ્રતિષ્ઠા માટે સરકારી સંસાધનોનો ઉપયોગ કરવાનો આરોપ લગાવ્યો હતો. બાઇડને કહ્યું કે, "આ માત્ર તેમના વેનિટી પ્રોજેક્ટ્સ (Vanity Projects) નથી. પોતાના બૉલરૂમ માટે જગ્યા બનાવવા વ્હાઇટ હાઉસ (White House)ના ઈસ્ટ વિંગ (East Wing)ને તોડવો, કેનેડી સેન્ટર (Kennedy Center) પર પોતાનું નામ લખાવવું, પોતાના સન્માનમાં આર્ચ બનાવવું અને રિફ્લેક્ટિંગ પૂલ માટે પોતાના પસંદગીના વ્યક્તિને કામ સોંપવું... વાહ! શું લૂઝર છે."
ભ્રષ્ટાચારના આરોપો પણ લગાવ્યા
મીડિયા અહેવાલો મુજબ, બાઇડને પોતાના ભાષણમાં ટ્રમ્પ પ્રશાસન (Trump Administration) પર ભ્રષ્ટાચાર (Corruption)ના ગંભીર આરોપો પણ લગાવ્યા હતા. તેમણે કહ્યું કે, રિફ્લેક્ટિંગ પૂલનું રિનોવેશન માત્ર એક પ્રોજેક્ટ નથી, પરંતુ તે વર્તમાન પ્રશાસનની સંકુચિત વિચારસરણી અને અયોગ્યતાનું પ્રતીક છે. તેમના જણાવ્યા મુજબ અમેરિકાના ઈતિહાસમાં આ સ્તરનો ખુલ્લેઆમ ભ્રષ્ટાચાર અગાઉ ક્યારેય જોવા મળ્યો નથી. આ ઉપરાંત બાઇડને કાર્યક્રમમાં હાજર લોકોને પૂછ્યું કે શું તેમણે ધ્યાન આપ્યું છે કે ઘણા અમેરિકનો માને છે કે બાઇડન પ્રશાસન (Biden Administration) દરમિયાન દેશની અર્થવ્યવસ્થા ટ્રમ્પના કાર્યકાળ કરતાં વધુ સારી હતી.
ભાષણ બાદ સ્ટેજ પર જ મૂંઝવણમાં દેખાયા
જોકે બાઇડનનું ભાષણ જેટલું ચર્ચામાં રહ્યું, એટલું જ ભાષણ બાદનું દૃશ્ય પણ વાયરલ બન્યું. સંબોધન પૂર્ણ થયા બાદ તેઓ સ્ટેજ પરથી નીચે ઉતરવાનો યોગ્ય રસ્તો શોધવામાં થોડા સમય માટે મૂંઝવણમાં જોવા મળ્યા હતા. વીડિયોમાં તેઓ આસપાસ નજર કરતા અને મદદ માટે ઈશારો કરતા પણ જોવા મળે છે. ઉલ્લેખનીય છે કે રાષ્ટ્રપતિ તરીકેના તેમના કાર્યકાળ દરમિયાન પણ તેમની ઉંમર (Age) અને માનસિક સ્વાસ્થ્ય (Mental Health) અંગે સતત સવાલો ઉઠતા રહ્યા હતા. આ જ કારણસર તેમણે વર્ષ 2024ની રાષ્ટ્રપતિ ચૂંટણી (Presidential Election 2024)માંથી પોતાની ઉમેદવારી પાછી ખેંચી લીધી હતી.
આ પહેલા પણ આવી ઘટના બની હતી
આ પહેલી વખત નથી જ્યારે જો બાઇડન જાહેર મંચ પર મૂંઝવણમાં જોવા મળ્યા હોય. અગાઉ શિકાગો (Chicago)માં બરાક ઓબામા (Barack Obama) પ્રેસિડેન્ટિયલ લાઇબ્રેરી (Presidential Library)ના ઉદ્ઘાટન કાર્યક્રમ દરમિયાન પણ તેઓ થોડા સમય માટે અસમંજસમાં ઉભા રહ્યા હતા. તે સમયે તેમણે પોડિયમ તરફ જતાં પૂછ્યું હતું, "મારી પૌત્રી ક્યાં છે?" આ પ્રસંગે તેમની પત્ની જિલ બાઇડન (Jill Biden) તેમની સાથે હાજર હતી અને તેમણે બાઇડનને યોગ્ય દિશા બતાવી મદદ કરી હતી.
આ પણ વાંચો : US Iran Peace Talks : જો માહિતી ખોટી નીકળી તો.." ઇરાન સાથેની ડીલ પર ટ્રમ્પનો આકરો મિજાજ
