આત્મઘાતી વિસ્ફોટ બાદ ગ્રેનેડ અને અંધાધૂંધ ફાયરિંગ

મળતી માહિતી મુજબ, આત્મઘાતી કાર બોમ્બનો વિસ્ફોટ (Blast) અત્યંત શક્તિશાળી હતો, જેના ધડાકાનો અવાજ અનેક કિલોમીટર દૂર સુધી સંભળાયો હતો. વિસ્ફોટના કારણે આસપાસની અનેક ઇમારતોના કાચ તૂટી ગયા હતા. વિસ્ફોટ બાદ આતંકવાદીઓએ રેન્જર્સના કેમ્પ પર અનેક ગ્રેનેડ (Grenades) ફેંક્યા અને ઘાતકી હુમલો (Ambush) કરીને અંધાધૂંધ ગોળીબાર (Heavy Firing) શરૂ કર્યો. આ હુમલાથી સમગ્ર વિસ્તારમાં ભારે દહેશત અને અફરાતફરીનો માહોલ સર્જાયો હતો.

સમગ્ર વિસ્તાર સીલ, સર્ચ ઓપરેશન શરૂ

ઘટનાની જાણ થતાં જ પાકિસ્તાન સેના (Pakistan Army), રેન્જર્સ અને પોલીસ (Police)ની વધારાની ટુકડીઓ તાત્કાલિક સ્થળ પર પહોંચી ગઈ હતી. સુરક્ષા દળોએ ગુલિસ્તાન-એ-જૌહર વિસ્તારને ચારેય તરફથી સીલ કરી દીધો છે અને હુમલાખોરોને જીવતા અથવા મૃત હાલતમાં પકડવા માટે વ્યાપક સર્ચ ઓપરેશન (Search Operation) હાથ ધર્યું છે.

સિંધ સરકાર હરકતમાં, રેડ એલર્ટ જાહેર

આ હુમલા બાદ સિંધ (Sindh)ના મુખ્યમંત્રી સૈયદ મુરાદ અલી શાહ (Syed Murad Ali Shah)એ ઘટનાની ગંભીર નોંધ લીધી છે. તેમણે આ હુમલા અંગે આઈજી સિંધ (IG Sindh) અને એડિશનલ આઈજી કરાચી (Additional IG Karachi) પાસેથી સુરક્ષા વ્યવસ્થામાં થયેલી ખામી અને સમગ્ર ઘટનાની વિગતવાર તાત્કાલિક રિપોર્ટ માંગ્યો છે.

સાથે જ સિંધના ગૃહમંત્રી (Home Minister)એ પણ સુરક્ષા અધિકારીઓ સાથે સતત સંપર્કમાં રહી હુમલાખોરો સામે કડક કાર્યવાહી કરવા સૂચના આપી છે. હાલ હુમલામાં કેટલું જાનમાલનું નુકસાન થયું છે તેની સત્તાવાર માહિતી જાહેર થઈ નથી, પરંતુ પ્રત્યક્ષદર્શીઓના જણાવ્યા અનુસાર મોટું નુકસાન થયાની આશંકા વ્યક્ત કરવામાં આવી રહી છે. સમગ્ર કરાચીમાં સુરક્ષા વ્યવસ્થા વધુ કડક બનાવી દેવામાં આવી છે અને શહેરમાં રેડ એલર્ટ (Red Alert) જાહેર કરવામાં આવ્યું છે.

આ પણ વાંચો : Ukraine Drone Strike Russia : યુક્રેનનો રશિયા પર અત્યાર સુધીનો સૌથી મોટો હુમલો, સેટેલાઇટ કેન્દ્રો અને ગેસ પ્લાન્ટ તબાહ