Lahore Foreign Women Gangrape: પાકિસ્તાનમાં વિદેશી મહિલા સાથે ગેંગરેપ, ક્રિપ્ટો અને ડિપ્ટી PM ઈશાક ડારના પરિવારનું કનેક્શન?

Lahore Foreign Women Gangrape: ક્રિપ્ટોકરન્સી અને મુલાકાતનું રહસ્ય

તપાસ દરમિયાન પોલીસને જાણવા મળ્યું છે કે આરોપી મુહમ્મદ રઝા ડાર અને બંને પીડિત મહિલાઓ વચ્ચે લાંબા સમયથી સંપર્ક હતો. ગત વર્ષે સિંગાપુરમાં આ મુલાકાત થઈ હતી, જ્યાં તેઓ એકસાથે ક્રિપ્ટોકરન્સીના વ્યવસાયમાં ભાગીદાર બન્યા હતા. આપને જણાવી દઈએ કે, મુહમ્મદ રઝા ડાર પાકિસ્તાનના ડેપ્યુટી PM ઈશાક ડારના પૌત્ર છે. રઝા ડારે પોતે જ આ મહિલાઓના પાકિસ્તાન આવવા માટે બિઝનેસ વિઝાની વ્યવસ્થા કરી હતી, જે હવે તપાસ એજન્સીઓ માટે મહત્વની કડી બની ગઈ છે.

Lahore Foreign Women Gangrape: બંધક બનાવીને પૈસાની માંગણી

કોર્ટમાં નોંધાયેલા નિવેદન મુજબ, પીડિત મહિલાઓ જ્યારે પાકિસ્તાનમાં એક ઘરમાં રોકાઈ હતી ત્યારે ત્યાં હથિયારબંધ લોકો પહોંચ્યા હતા. આરોપીઓએ બંને મહિલાઓને એક રૂમમાં બંધક બનાવી લીધી હતી. મુહમ્મદ રઝા ડાર સતત ક્રિપ્ટોકરન્સીના પૈસા અને તે ધરાવતા કમ્પ્યુટરની માંગણી કરતો રહ્યો હતો. મહિલાએ જ્યારે કમ્પ્યુટર લીલા રંગની બેગમાં હોવાનું જણાવ્યું, ત્યારે પણ તેને છોડવામાં આવી ન હતી.

જીવનું જોખમ અને ગંભીર આરોપો

પીડિત મહિલાએ ગંભીર આક્ષેપ કર્યો છે કે, તેને બંધક બનાવી રાખવામાં આવી ત્યારે તેના માથા પર પ્રહાર કરવામાં આવ્યો હતો. આરોપીઓએ જીવથી મારી નાખવાની ધમકી આપી હતી. મહિલાના જણાવ્યા અનુસાર, કેદ દરમિયાન બે લોકોએ તેની સાથે દુષ્કર્મ આચર્યું હતું. વધુમાં, પીડિતાનો દાવો છે કે રઝા ડારે તેનું મોબાઈલ ફોન પણ છીનવી લીધો હતો. મુક્તિ માટે આરોપીને 100000 અમેરિકી ડોલરની ચૂકવણી કરવી પડી હતી. આ મામલાએ પાકિસ્તાન સરકાર અને ઈશાક ડારની વિશ્વસનીયતા પર મોટા સવાલો ઉભા કર્યા છે.

આ પણ વાંચો--- Ali Khamenei Funeral Rituals : પૌત્રીના તાબૂત સાથે ખામેનેઈની અંતિમયાત્રા; ગ્રાન્ડ મોસાલામાં હિબકે ચડ્યા લાખો સમર્થકો