નુકસાન અંગે હજુ સત્તાવાર માહિતી નહીં

પ્રાથમિક અહેવાલો મુજબ, ભૂકંપના આંચકા અનેક નજીકના વિસ્તારોમાં પણ અનુભવાયા હતા. જોકે, અત્યાર સુધી કોઈ મોટા જાનહાનિ (Casualties) કે સંપત્તિના નુકસાન (Property Damage) અંગે સત્તાવાર માહિતી સામે આવી નથી. સ્થાનિક વહીવટી તંત્ર પરિસ્થિતિનું સતત મૂલ્યાંકન કરી રહ્યું છે, જ્યારે રાહત અને બચાવ દળો (Rescue Teams)ને એલર્ટ પર રાખવામાં આવ્યા છે. આ સાથે સંબંધિત એજન્સીઓ સુનામી (Tsunami)નો કોઈ ખતરો છે કે નહીં તેનું પણ મૂલ્યાંકન કરી રહી છે. અધિકારીઓએ લોકોને સતર્ક રહેવા અને સ્થાનિક પ્રશાસન દ્વારા આપવામાં આવતી સૂચનાઓનું પાલન કરવાની અપીલ કરી છે.

ન્યૂઝીલેન્ડમાં પણ આવ્યો હતો ભૂકંપ

આ પહેલાં ગુરુવારે ન્યૂઝીલેન્ડ (New Zealand)ના સાઉથ આઇલેન્ડ (South Island) વિસ્તારમાં 6.3ની તીવ્રતાનો ભૂકંપ નોંધાયો હતો. અધિકારીઓએ એ સમયે સુનામીની ચેતવણી (Tsunami Warning) પણ જાહેર કરી હતી. ભૂકંપનું કેન્દ્ર તે અનાઉ (Te Anau) શહેરથી આશરે 40 કિલોમીટર ઉત્તર તરફ હતું, જે ફિયોર્ડલેન્ડ (Fiordland) જેવા લોકપ્રિય પર્યટન સ્થળનું પ્રવેશદ્વાર માનવામાં આવે છે.

ગુજરાતના કચ્છમાં પણ 3 મિનિટમાં બે આંચકા

બીજી તરફ ભારતમાં ગુજરાત (Gujarat)ના કચ્છ (Kutch) જિલ્લામાં પણ ગુરુવારે માત્ર 3 મિનિટના અંતરે ભૂકંપના 2 આંચકા અનુભવાયા હતા. ઇન્સ્ટિટ્યૂટ ઓફ સિસ્મોલોજિકલ રિસર્ચ (ISR), ગાંધીનગરના જણાવ્યા મુજબ પ્રથમ આંચકો બપોરે 2:20 વાગ્યે 3.6ની તીવ્રતાનો હતો, જેનું કેન્દ્ર ખાવડા (Khavda)થી 32 કિલોમીટર ઉત્તર-પૂર્વમાં હતું. ત્યારબાદ બપોરે 2:23 વાગ્યે 3.2ની તીવ્રતાનો બીજો આંચકો આવ્યો, જેનું કેન્દ્ર ધોળાવીરા (Dholavira)થી 32 કિલોમીટર પશ્ચિમ-ઉત્તર વિસ્તારમાં નોંધાયું હતું.

આ પણ વાંચો : Earthquake in Delhi NCR : અફઘાનિસ્તાનના હિન્દુકુશમાં 6.2ની તીવ્રતાનો ભૂકંપ, ભારત સહિત અનેક દેશોમાં અનુભવાયા આંચકા