ભારત અને નેપાળની સુપ્રીમ કોર્ટ વચ્ચે MoU, હવે બંને દેશો વચ્ચે ન્યાયિક સહયોગ થશે મજબૂત
ભારતની સુપ્રીમ કોર્ટે અને નેપાળની સુપ્રીમ કોર્ટે આજે સોમવારે ન્યાયિક સહયોગના ક્ષેત્રમાં MoU સાઈન કર્યા છે. ભારતના મુખ્ય ન્યાયાધીશ સંજીવ ખન્ના અને નેપાળના મુખ્ય ન્યાયાધીશ પ્રકાશ માન સિંહ રાઉત આ પ્રસંગે ખાસ ઉપસ્થિત રહ્યા હતા. આ એમઓયુનો ઉદ્દેશ બંને દેશોના ન્યાયતંત્રો વચ્ચે સહયોગ મજબૂત કરવા માટેનો છે.
Advertisement
- ન્યાયતંત્રના વિવિધ સ્તરે ન્યાયાધીશો અને અધિકારીઓ વચ્ચેના સુમેળ વધશે
- ન્યાયાધીશો અને અધિકારીઓ વચ્ચે આદાનપ્રદાનને મળશે પ્રોત્સાહન
- ટેકનોલોજી સંબંધિત માહિતીના આદાનપ્રદાનની પણ જોગવાઈ સામેલ
ભારતની સર્વોચ્ચ અદાલતે આજે ભારત અને નેપાળ વચ્ચે ન્યાયિક સહયોગ વિકસાવવા, પ્રોત્સાહન આપવા અને મજબૂત કરવા માટે એક સમજૂતી કરાર પર હસ્તાક્ષર કર્યા છે. આ પ્રસંગે ભારતના મુખ્ય ન્યાયાધીશ સંજીવ ખન્ના અને નેપાળના મુખ્ય ન્યાયાધીશ પ્રકાશ માન સિંહ રાઉત આ પ્રસંગે ખાસ ઉપસ્થિત રહ્યા હતા. આ એમઓયુ ટૂંકા અને લાંબા ગાળાના તાલીમ અને શૈક્ષણિક કાર્યક્રમો દ્વારા ન્યાયાધીશો અને અધિકારીઓ વચ્ચે આદાનપ્રદાનને પણ પ્રોત્સાહન આપશે.