Nepal માં કોમી હિંસા ફાટી નીકળતા ભારત-નેપાળ બોર્ડર સીલ
- (Nepal Communal Violence ) નેપાળમાં ફરી એકવાર હિંસા ભડકી
- નેપાળમાં કોમી હિંસા ફાટી નીકળતા પરિસ્થિતિ તંગ
- આ કોમી હિંસાને લઇને ભાર--નેપાળ બોર્ડર સીલ કરવામાં આવી
ભારતના પાડોશની દેશ નેપાળમાં ફરી એકવાર હિંસાની ઝપેટામાં આવી ગયો છે. ભારતની સીમા પાસે આવેલા નેપાળના જિલ્લાઓમાં હિંસા ફાટી નીકળવાના મોટા સમાચાર સામે આવ્યા છે. હાલ આ જિલ્લાઓમાં હાઇએલર્ટના નિર્દેશ જાહેર કરી દેવામાં આવ્યા છે. આ પરિસ્થિતિને ધ્યાનમાં લઇને હાલ ભારત-નેપાળની સરહદ સીલ કરી દેવામાં આવી છે.
નેપાળમાં ફાટી નીકળી કોમી હિંસા
નોંધનીય છે કે ભારતની સરહદ પર આવેલા નેપાળમાં કોમી હિંસા (Nepal Communal Violence ) ફાટી નીકળી છે જેના લીધે પરિસ્થિતિ વધુ તંગ બની છે. નેપાળના નેપાળના પારસા અને ધનુષા ધામ જિલ્લામાં હિંસા ફાટી નીકળી છે.ધનુષા જિલ્લામાં એક મસ્જિદમાં તોડફોડ થયા બાદ નેપાળમાં કોમી હિંસા ફાટી નીકળી છે, જેની તસવીરો સોશિયલ મીડિયા પર સામે આવી છે.પારસાના બિરગંજમાં હિંસક વિરોધ પ્રદર્શનોને કાબુમાં લેવા માટે પોલીસે ટીયર ગેસના શેલ છોડ્યા. પારસા જિલ્લો બિહારના રક્સૌલ જિલ્લાની સરહદ સાથે જોડાયેલો છે. દક્ષિણ નેપાળમાં સરહદ પારથી થતી અવરજવરને રોકવા માટે ભારતીય સરહદ પણ સીલ કરવામાં આવી છે.
શું છે આખો મામલો?
Nepal Communal Violence : નેપાળ પોલીસના જણાવ્યા અનુસાર, ધનુષાના સખુવા મારન વિસ્તારમાં કેટલાક વ્યક્તિઓએ એક મસ્જિદમાં તોડફોડ કરી હતી. આ ઘટનાનો એક વીડિયો સોશિયલ મીડિયા પર આગની જેમ ફેલાઈ ગયો, જેના કારણે હિન્દુ સમુદાય વિરુદ્ધ નફરતભર્યા ભાષણો ફેલાવા લાગ્યા. સોશિયલ મીડિયાથી પ્રભાવિત થઈને, મુસ્લિમ સમુદાયના યુવાનોએ હિંસક વિરોધ પ્રદર્શનો શરૂ કર્યા.
પોલીસે ટીયર ગેસના શેલ છોડ્યા
ધનુષામાં પ્રદર્શનકારીઓએ ટાયરો સળગાવી વિરોધ કર્યો. પોલીસનું કહેવું છે કે જ્યારે તેમણે પરિસ્થિતિને કાબુમાં લેવાનો પ્રયાસ કર્યો ત્યારે પ્રદર્શનકારીઓએ તેમના પર પથ્થરમારો શરૂ કરી દીધો. પરિસ્થિતિને કાબુમાં લાવવા માટે પોલીસે ટીયર ગેસના શેલ છોડ્યા.
આ પણ વાંચો: વેનેઝુએલા બાદ અમેરિકા ઈરાનને નિશાન બનાવે તેવી શક્યતા, દેખાવોમાં 35ના મોતની આશંકા