સુનિતા વિલિયમ્સના અવકાશમાંથી પરત ફરવા પર ટ્રમ્પે કહ્યું, ' મેં જે વચન આવ્યું હતું, તે પાળ્યું'

• સુનિતા વિલિયમ્સ અવકાશમાંથી પરત ફર્યા
• સુનીતા વિલિયમ્સની વાપસી પર ડોનાલ્ડ ટ્રમ્પે નિવેદન આપ્યુ
• એલોન મસ્ક, સ્પેસએક્સ અને નાસાનો આભાર: વ્હાઇટ હાઉસ

Donald Trump on sunita williams returns:  અમેરિકન અવકાશયાત્રી સુનિતા વિલિયમ્સ અને બૂચ વિલ્મોર 286 દિવસ બાદ અવકાશમાંથી પરત ફર્યા છે. આ બંને સ્પેસએક્સના ડ્રેગન કેપ્સ્યુલ દ્વારા ફ્લોરિડાના સમુદ્રમાં ઉતર્યા હતા. સુનીતા વિલિયમ્સની વાપસી પર અમેરિકી રાષ્ટ્રપતિ ડોનાલ્ડ ટ્રમ્પનું નિવેદન સામે આવ્યું છે. તેમણે કહ્યું કે, મેં જે વચન આપ્યું હતું તે પૂરું કર્યું છે.

મીડિયા સાથે વાત કરતા રાષ્ટ્રપતિ ટ્રમ્પે કહ્યું, રાષ્ટ્રપતિ બન્યા પછી, જ્યારે હું ઓફિસમાં આવ્યો, ત્યારે મેં એલોન મસ્કને કહ્યું કે, આપણે તેમને (સુનીતા વિલિયમ્સ અને બૂચ વિલ્મોરને) પાછા લાવવા પડશે. બિડેને તેમને છોડી દીધા છે. હવે તેઓ પાછા આવી ગયા છે. જ્યારે તે સ્વસ્થ થઈ જશે, ત્યારે તે ઓવલ ઓફિસ (રાષ્ટ્રપતિ કાર્યાલય) આવશે.

જે વચન આપ્યુ હતુ, તે પાળ્યું: વ્હાઇટ હાઉસ

સુનીતા વિલિયમ્સ અને વિલ્મોરની વાપસી પર વ્હાઇટ હાઉસે ટ્વિટર પર લખ્યું, જે વચન આપવામાં આવ્યું હતું તે પાળ્યું. રાષ્ટ્રપતિ ટ્રમ્પે 9 મહિના સુધી અવકાશમાં ફસાયેલા અવકાશયાત્રીઓને બચાવવાનું વચન આપ્યું હતું. આજે તેઓએ પૃથ્વી પર સુરક્ષિત ઉતરાણ કર્યું છે. એલોન મસ્ક, સ્પેસએક્સ અને નાસાનો આભાર.

આ પણ વાંચો :  Sunita Williams returns: સમુદ્રમાં ઉતરતા જ ડોલ્ફિન્સે સુનિતા વિલિયમ્સનું સ્વાગત કર્યું, એલોન મસ્કે શેર કર્યો Video

ફ્લોરિડાના સમુદ્રમાં લેન્ડ થયુ કેપ્સ્યુલ

સુનિતા વિલિયમ્સ અને બૂચ વિલ્મોર લગભગ 9 મહિના પછી પૃથ્વી પર પાછા ફર્યા છે. બંને અવકાશયાત્રીઓ સ્પેસએક્સના ડ્રેગન કેપ્સ્યુલ દ્વારા પૃથ્વી પર પાછા ફર્યા છે. ડ્રેગન કેપ્સ્યુલ બુધવારે (19 માર્ચ) સવારે 3.27 વાગ્યે ફ્લોરિડા સમુદ્રમાં ઉતર્યું. તેમના પૃથ્વી પર પાછા ફરવા પર દુનિયામાં ઉજવણીનો માહોલ છે.

8 જૂન, 2024 ના રોજ અવકાશ માટે રવાના થયા હતા

અમેરિકન સ્પેસ એજન્સી નાસાના અવકાશયાત્રી સુનિતા વિલિયમ્સ અને બેરી બુચ વિલ્મોર 8 જૂન, 2024 ના રોજ બોઇંગના સ્ટારલાઇનર અવકાશયાન દ્વારા અવકાશમાં ગયા હતા. આ નાસાનું 8 દિવસનું અવકાશ મિશન હતું, પરંતુ આ અવકાશયાનમાં ટેકનિકલ ખામીને કારણે બંનેનું પરત ફરવાનું મુલતવી રાખવામાં આવ્યું હતું. દરમિયાન, નાસાએ તેમને પાછા લાવવા માટે ઘણી વાર પ્રયાસ કર્યો, પરંતુ બંને અવકાશયાત્રીઓ પાછા આવી શક્યા નહીં. આખરે, નવ મહિના પછી, બંનેને સ્પેસએક્સના ડ્રેગન કેપ્સ્યુલ દ્વારા પૃથ્વી પર પાછા લાવવામાં આવ્યા.

આ પણ વાંચો :  Welcome Back Sunita Williams : 286 દિવસ પછી સુનિતા વિલિયમ્સ સ્માઇલ સાથે પૃથ્વી પર પાછા ફર્યા, જુઓ તે ક્ષણનો Video