Pakistan-Afghanistan War: પાકિ. ના ઓપરેશન ગજબ લિલ-હકમાં 274 અફઘાની સૈનિકો મર્યા

. Pakistan નું અફઘાનિસ્તાન વિરુદ્ધ ઓપરેશન ગઝબ લિલ હક
. Afghanistan ના 274 સૈનિકો પાકિસ્તાને કર્યા ઠાર
. પાકિસ્તાનને પણ થયું છે મોટું નુકશાન

Pakistan-Afghanistan War: પાકિસ્તાન (Pakistan) અને અફઘાનિસ્તાન (Afghanistan ) ની વચ્ચે તણાવ હવે એક વિનાશકારી વળાંક લઈ ચુક્યો છે. પાકિસ્તાની સેનાના પ્રવક્તા લેફ્ટિનેન્ટ જનરલ શરીફ ચૌધરીએ ઓપરેશન ગજબ લિલ-હક (Opretion Ghazab Lil Haq) ની જાણકારી આપતા તાલિબાન (Taliban) સરકાર પર આકરા વાકપ્રહારો પણ કર્યા છે. પાકિસ્તાન (Pakistan), જે ક્યારેક તાલિબાનોની વાપસીનો જશ્ન મનાવતું હતું, હવે તેને જ આતંકીઓના માસ્ટર પ્રોક્સી અને એક આંતરરાષ્ટ્રીય આતંકી સંગઠન ગણાવી રહ્યું છે. સીમા પર ચાલી રહેલા ભીષણ ઘર્ષણમાં બંને તરફ ભારે નુકશાનના અહેવાલ છે.

Taliban બન્યા Pakistan ના દુશ્મન નંબર-1

ડીજી આઈએસપીઆર (ISPR) એ પોતાની પ્રેસ કોન્ફરન્સમાં અફઘાન-તાલિબાન (Afghan - Taliban) શાસનને આતંકીઓનું મુખ્ય સંરક્ષક ગણાવ્યું છે. પાકિસ્તાને આરોપ લગાવ્યો છે કે તાલિબાન સરકાર ખુદ એક માસ્ટર પ્રોક્સીની જેમ કામ કરી રહી છે અને આતંકવાદીઓની સાથે મળીને પાકિસ્તાની સીમા પર હુમલા કરી રહી છે.

આ પાકિસ્તાનની નીતિમાં 180 ડિગ્રીનો બદલાવ છે. 2021માં જે તાલિબાનોને પાકિસ્તાન પોતાના રણનીતિક સાથીદાર ગણાવી રહ્યું હતું, આજે તેને જ એક ઘોષિત આતંકી સંગઠન ગણાવી રહ્યું છે.

આ પણ વાંચો: પાકિસ્તાન અને અફઘાનિસ્તાન વચ્ચે War શરૂ! તાલિબાને પાકિસ્તાની વાયુસેનાના જેટને તોડી પાડ્યાં

DG ISPR એ ઓપરેશન ગઝબ લિલ-હકની તબાહીનું વિવરણ આપ્યું

પાકિસ્તાની સેનાનો દાવો છે કે તેણે અફઘાનિસ્તાનની અંદર ઘૂસીને મોટા પ્રમાણમાં સૈન્ય ઠેકાણાઓને તબાહ કર્યા છે. સેનાનો દાવો છે કે આ ઓપરેશનમાં અત્યાર સુધીમાં 274 અફઘાન સૈનિકો ઠાર થયા છે અને આતંકીઓ પણ માર્યા ગયા છે. 400થી વધુ ઘાયલ પણ થયા છે.

પાકિસ્તાન મુજબ, તેણે તાલિબાનોની 115 ટેન્કો, બખ્તરબંધ ગાડીઓ અને તોપો નષ્ટ કરી છે. તેના સિવાય 83 ચોકીઓ પણ સંપૂર્ણપણે તબાહ કરી દેવામાં આવી છે. કાબુલ, કંદહાર અને ખોસ્ત સહીત 22 મુખ્ય લોકેશન્સ પર હુમલા કરવામાં આવ્યા છે. તેમાં તાલિબાનના બ્રિગેડ મુખ્યમથક, દારૂગોળાનો ડેપો અને લોજિસ્ટિક બેઝ સામેલ હતા.

આ પણ વાંચો:  PAK-Afghanistan War: પાકિસ્તાન–અફઘાનિસ્તાન વચ્ચે યુદ્ધ, સરહદ પર ભીષણ સંઘર્ષ, રશિયાએ કરી શાંતિની આપીલ

પાકિસ્તાનને પણ નુકશાન થયું

ભલે પાકિસ્તાની સેના પોતાની સરસાઈના દાવા કરી રહી છે, પરંતુ તેણે પોતાના સૈનિકોના મોતના અહેવાલો પણ સ્વીકાર્ય છે. આ ઘર્ષણમાં પાકિસ્તાનના 12 સૈનિકો માર્યા ગયા છે અને 27 ઘાયલ થયા છે. જ્યારે એક સૈનિક ગુમ છે. બીજી તરફ અફઘાનિસ્તાનના અધિકારીઓનો દાવો છે કે તેણે ઘણી પાકિસ્તાની ચોકીઓ પર કબજો કરી લીધો છે અને ડૂરંડ લાઈન પર પાકિસ્તાની સેનાને મોટું નુકશાન થયું છે.

આ પણ વાંચો: Pakistan-Afghan War: 5 વર્ષમાં યુદ્ધભૂમિમાં કેવી રીતે પહોંચી ગયા પાકિસ્તાન - અફઘાનિસ્તાન?