Pakistan Bus Accident: કાબૂ ગુમાવતા બસ પથ્થરો ભરેલી ખીણમાં પડી
બલૂચિસ્તાન સરકારના પ્રવક્તા શાહિદ રિંદના જણાવ્યા અનુસાર, આ અકસ્માત દાના સર વિસ્તારમાં થયો હતો. મુસાફરોથી ભરેલી આ બસ હાઈવે પર ખૂબ જ તેજ ગતિએ દોડી રહી હતી. અચાનક ચાલકે વાહન પરથી પોતાનો કાબૂ ગુમાવી દીધો હતો. કાબૂ ગુમાવ્યા બાદ બસ રોડ પરથી નીચે ઉતરી ગઈ હતી અને સીધી પથ્થરોથી ભરેલી ઊંડી ખીણમાં જઈને ખાબકી હતી.
Pakistan Bus Accident: ઓવરલોડિંગ બન્યું અકસ્માતનું મુખ્ય કારણ
તપાસ અધિકારીઓએ અકસ્માતના કારણો અંગે ચોંકાવનારી વિગતો આપી છે. આ બસ પોતાના નિર્ધારિત મુસાફરોથી પહેલેથી જ સંપૂર્ણ ભરેલી હતી. આ દરમિયાન રસ્તામાં અન્ય એક બસ ખરાબ થઈ ગઈ હતી. વહીવટી તંત્ર કે ચાલકે તે બસના તમામ મુસાફરોને પણ આ જ બસમાં બેસાડી દીધા હતા. બસમાં ક્ષમતા કરતાં વધુ લોકો સવાર હોવાથી ઓવરલોડિંગ થઈ ગયું હતું. પ્રાથમિક તપાસમાં ઓવરલોડિંગ અને તેજ ગતિ જ આ ભયાનક અકસ્માતનું મુખ્ય કારણ હોવાનું સામે આવ્યું છે. હાલમાં બચાવ ટીમ ઘટનાસ્થળે પહોંચીને રાહત કામગીરી ચલાવી રહી છે.
Pakistan Bus Accident: રાષ્ટ્રપતિ અને મુખ્યમંત્રીએ વ્યક્ત કર્યું દુઃખ
આ ભયાનક અકસ્માત અંગે પાકિસ્તાનના રાષ્ટ્રપતિ આસિફ અલી ઝરદારીએ શોક વ્યક્ત કર્યો છે. તેમણે અકસ્માતમાં જીવ ગુમાવનારા લોકોના પરિવારો પ્રત્યે સંવેદના વ્યક્ત કરી છે. રાષ્ટ્રપતિએ તંત્રને ઘાયલ થયેલા લોકોને તાત્કાલિક શ્રેષ્ઠ સારવાર આપવા માટે આદેશ કર્યા છે. બલૂચિસ્તાનના મુખ્યમંત્રી સરફરાજ બુગતીએ પણ આ ઘટના અંગે દુઃખ વ્યક્ત કર્યું છે. તેમણે સ્થાનિક વહીવટી તંત્રને રાહત અને બચાવ કાર્ય ઝડપી બનાવવા સૂચના આપી છે. ઘાયલોની સારવારમાં કોઈ ખામી ન રહે તે માટે તેમણે ખાસ તાકીદ કરી છે.
પાકિસ્તાનમાં વારંવાર સર્જાતી દુર્ઘટનાઓ
પાકિસ્તાનના પહાડી વિસ્તારોમાં આ પ્રકારના અકસ્માતો ખૂબ જ સામાન્ય બની ગયા છે. ત્યાં ખરાબ રસ્તાઓ, ટ્રાફિક નિયમોનું નબળું પાલન અને બેદરકારીપૂર્વક વાહન ચલાવવું એ અકસ્માતનું મુખ્ય કારણ બને છે. આ પહેલા મે મહિનામાં પણ ઉત્તર-પશ્ચિમ પાકિસ્તાનમાં એક માર્ગ અકસ્માત થયો હતો. તે સમયે એક મિની બસ ઊભેલી બસ સાથે અથડાઈ હતી, જેમાં 17 લોકોના મોત થયા હતા અને 5 લોકો ઘાયલ થયા હતા.
આ પણ વાંચો--- Khamenei Funeral : ઇરાનના દિવંગત સુપ્રીમ લીડરના અંતિમ સંસ્કારમાં કેમ સામેલ નહીં થાય તેમનો પુત્ર મુજ્તબા? જાણો કારણ
