Taimoor Missile : પાકિસ્તાને ‘તૈમૂર’ મિસાઈલનું કર્યું પરીક્ષણ: ભારતની સ્કેલ્પ મિસાઈલ જેવી ક્ષમતા હોવાનો દાવો

•  Taimoor Missile : પાકિસ્તાન વાયુસેનાએ તૈમૂર એર-લોન્ચ ક્રુઝનું કર્યું પરીક્ષણ
• 600 કિમીની રેન્જ ધરાવતી મિસાઇલનું કર્યુ પરીક્ષણ
• સોશિયલ મીડિયા યુઝર્સ દ્વારા પરીક્ષણના ફૂટેજ પર ઉઠ્યા સવાલ

પાકિસ્તાન વાયુસેના (PAF) એ સ્વદેશી રીતે વિકસિત 'તૈમૂર' (Taimoor) એર-લોન્ચ ક્રુઝ મિસાઇલનું સફળતાપૂર્વક ઉડાન પરીક્ષણ કર્યું છે. ISPR ના જણાવ્યા અનુસાર આ મિસાઇલ 600 કિમીની રેન્જ ધરાવે છે. તે જમીન અને સમુદ્ર બંને પરના લક્ષ્યોને સચોટતાથી વીંધવાની ક્ષમતા ધરાવે છે. આ મિસાઇલ અત્યાધુનિક નેવિગેશન સિસ્ટમથી સજ્જ છે. તે ખૂબ જ ઓછી ઊંચાઈએ ઉડીને દુશ્મનના રડાર અને એર ડિફેન્સ સિસ્ટમને છેતરી શકે છે. પાકિસ્તાને તેને રાષ્ટ્રીય સંરક્ષણ ક્ષમતાઓમાં એક મહત્વપૂર્ણ સીમાચિહ્ન ગણાવ્યું છે.

સોશિયલ મીડિયા પર પરીક્ષણ મામલે ઉભી થઇ શંકા

Taimoor Missile:  નોંધનીય છે કે  સત્તાવાર જાહેરાતની સાથે જ સોશિયલ મીડિયા પર અનેક અહેવાલો અને વીડિયો ચર્ચામાં આવ્યા છે. સોશિયલ મીડિયા પર દાવો કરવામાં આવી રહ્યો છે કે મિસાઇલ લક્ષ્ય પર હિટ કરવામાં નિષ્ફળ રહી છે. કેટલાક સંરક્ષણ વિશ્લેષકો અને યુઝર્સે ફૂટેજ પર સવાલો ઉઠાવ્યા છે. તેમના મતે મિસાઇલ ટાર્ગેટને ચૂકી ગઈ હતી. જોકે, પાકિસ્તાની સૈન્ય આ દાવાઓને નકારીને પરીક્ષણને સંપૂર્ણ સફળ ગણાવી રહ્યું છે. આ પરીક્ષણને ભારતના તાજેતરના મિસાઇલ પરીક્ષણો સામેના વળતા જવાબ તરીકે જોવામાં આવે છે.

તૈમૂર મિસાઇલની તકનીકી વિશેષતાઓ

Taimoor Missile: ઉલ્લેખનીય છે કે     તૈમૂર એ ફાઇટર એરક્રાફ્ટ દ્વારા છોડવામાં આવતી પાકિસ્તાનની અત્યાધુનિક સબસોનિક ક્રુઝ મિસાઇલ છે. તેને દુશ્મનના અભેદ સંરક્ષણ કવચને તોડવા માટે ડિઝાઇન કરવામાં આવી છે. આ મિસાઇલનું વજન આશરે 1,100 થી 1,200 કિલોગ્રામ છે. તે 600 કિલોમીટર સુધી મારક ક્ષમતા ધરાવે છે. તેની સચોટતા માટે તેમાં INS, GPS અને ટેરેન રેફરન્સિંગ જેવી મલ્ટિ-લેયર પ્રણાલી છે. અંતિમ તબક્કા માટે તેમાં ઇમેજિંગ ઇન્ફ્રારેડ (IIR) સીકરનો ઉપયોગ થયો છે.આ મિસાઇલ અત્યંત ઓછી ઊંચાઈએ 'ટેરેન-હગિંગ' અને 'સી-સ્કીમિંગ' પદ્ધતિથી ઉડી શકે છે. આ સ્ટીલ્થ ક્ષમતા દુશ્મન રડારથી બચવામાં મદદ કરે છે. આ મિસાઇલ GIDS અને એર વેપન્સ કોમ્પ્લેક્સ દ્વારા વિકસાવવામાં આવી છે. તેને ભારતની 'સ્ટોર્મ શેડો/સ્કેલ્પ' (SCALP) મિસાઇલના જવાબ તરીકે જોવામાં આવે છે. આ પ્રોજેક્ટનું પ્રથમ પ્રદર્શન ૨૦૨૨ ના 'IDEAS' એક્ઝિબિશનમાં થયું હતું.

પરીક્ષણ પર પ્રતિક્રિયા

આ પરીક્ષણ વાયુસેનાના વરિષ્ઠ અધિકારીઓ, વૈજ્ઞાનિકો અને ઇજનેરોની હાજરીમાં થયું. એર ચીફ માર્શલ ઝહીર અહેમદ બાબર સિદ્ધુએ ટીમની પ્રશંસા કરી હતી. તેમણે આ પરીક્ષણને ટેકનોલોજીકલ સ્વનિર્ભરતા તરફ એક મોટું પગલું ગણાવ્યું. રાષ્ટ્રપતિ આસિફ અલી ઝરદારી અને વડા પ્રધાન શાહબાઝ શરીફે પણ ટીમને અભિનંદન આપ્યા હતા. આ મિસાઇલ વાયુસેનાની ઓપરેશનલ ક્ષમતામાં વધારો કરશે.

ભારતની સ્કેલ્પ મિસાઇલ સાથે સરખામણી

ભારત પાસે ફ્રેન્ચ કંપની MBDA દ્વારા નિર્મિત સ્કેલ્પ (SCALP) સિસ્ટમ છે. ભારતે આ મિસાઇલ અબજો ડોલરના રાફેલ સોદામાં ખરીદી હતી. સ્કેલ્પ મિસાઇલ પણ 500-600 કિમીની રેન્જ અને સ્ટીલ્થ સુવિધાઓ ધરાવે છે. પાકિસ્તાન સ્વદેશી 'તૈમૂર' દ્વારા ઓછા ખર્ચે સમાન ક્ષમતા મેળવવા માંગે છે. તૈમૂરને JF-17, J-10CE અથવા મિરાજ વિમાનોમાં ફીટ કરવામાં આવશે. આનાથી પાકિસ્તાનની પ્રહાર ક્ષમતા મજબૂત બનશે. ભારત પણ બ્રહ્મોસ અને પ્રલય જેવી મિસાઇલો વિકસાવી રહ્યું છે, જે દક્ષિણ એશિયાના સંરક્ષણ સંતુલનને અસર કરશે.

આ પણ વાંચો: બ્રિટન અને ફ્રાન્સે આ દેશ પર કર્યો મોટો હુમલો,ISIS બેઝ પર IV ગાઇડેડ બોમ્બથી હુમલો કરાયો