Pakistan Blast : ખૈબર પખ્તુનખ્વામાં આત્મઘાતી હુમલો, 3 મહિલાઓ અને એક બાળક સહિત 5 ના મોત

Pakistan Blast : પોલીસ સ્ટેશનની ઇમારત ધરાશાયી

પોલીસ સૂત્રોના જણાવ્યા અનુસાર, આ હુમલો ગુરુવારે મોડી રાત્રે કરવામાં આવ્યો હતો. એક આત્મઘાતી હુમલાખોરે વિસ્ફોટકોથી ભરેલી કાર (Car Bomb) ને પૂરઝડપે ચલાવીને પોલીસ સ્ટેશનની દિવાલ સાથે અથડાવી દીધી હતી. વિસ્ફોટ એટલો શક્તિશાળી હતો કે તેનો અવાજ દૂર-દૂર સુધી સંભળાયો હતો. આ ધમાકાને કારણે પોલીસ સ્ટેશનની ઇમારતને ભારે નુકસાન પહોંચ્યું છે. એટલું જ નહીં, આસપાસના અનેક ઘરોની છત અને દિવાલો પણ ધરાશાયી થઈ ગઈ છે, જેના કારણે સ્થાનિક લોકોમાં ભારે ગભરાટ ફેલાયો છે.

વિસ્ફોટ બાદ ગોળીબાર અને સર્ચ ઓપરેશન

કાર વિસ્ફોટ બાદ તરત જ વિસ્તારમાં અંધારાનો લાભ લઈને હુમલાખોરો દ્વારા ગોળીબાર (Firing) શરૂ કરવામાં આવ્યો હતો. એવું માનવામાં આવે છે કે આ હુમલામાં આત્મઘાતી હુમલાખોર એકલો નહોતો, તેની સાથે અન્ય આતંકવાદીઓ પણ સામેલ હતા. સુરક્ષા દળોએ તુરંત જ સમગ્ર વિસ્તારને ઘેરી લીધો હતો અને હુમલાખોરોને પકડવા માટે ઓપરેશન હાથ ધર્યું હતું. જોકે, હુમલાખોરો અંધારાનો ફાયદો ઉઠાવીને ભાગી છૂટવામાં સફળ રહ્યા હતા. પોલીસે મૃતદેહોને બહાર કાઢીને પોસ્ટમોર્ટમ માટે મોકલી આપ્યા છે અને ઘાયલ પોલીસકર્મીઓને નજીકની હોસ્પિટલમાં દાખલ કરવામાં આવ્યા છે.

The attack was a suicide has damaged the wall of Domail police station in Bannu. The explosion caused damage to nearby civilian homes, Market and a mosque. However, Several people, including the family of Naqeebullah, are reportedly trapped under the rubble 2️⃣ pic.twitter.com/T8GLSsPyfL

— Jawad Yousafzai (@JawadYousufxai) April 2, 2026

ખૈબર પખ્તુનખ્વા ફરી એકવાર નિશાન પર

નોંધનીય છે કે પાકિસ્તાનનો ખૈબર પખ્તુનખ્વા પ્રાંત લાંબા સમયથી આતંકવાદી પ્રવૃત્તિઓનું કેન્દ્ર રહ્યો છે. છેલ્લા કેટલાક મહિનાઓમાં અહીં અને બલુચિસ્તાન (Balochistan) પ્રાંતમાં સુરક્ષા દળો અને પોલીસ પરના હુમલાઓમાં નોંધપાત્ર વધારો થયો છે. પાકિસ્તાન સરકાર અવારનવાર તહરીક-એ-તાલિબાન પાકિસ્તાન (TTP) પર અફઘાનિસ્તાન (Afghanistan) ની ધરતીનો ઉપયોગ કરીને હુમલા કરવાનો આરોપ લગાવતી રહી છે, જેના કારણે બંને દેશો વચ્ચે તણાવ પણ વધ્યો છે.

આ પણ વાંચો :  Iran Israel War Attacks : હોસ્પિટલો, સ્ટીલ પ્લાન્ટ અને વ્યૂહાત્મક પુલ ધ્વસ્ત, હૈયુ હચમચાવી દેતા Photos આવ્યા સામે