પાકિસ્તાની એક્ટ્રેસિસનો વીડિયો વાયરલ

વાયરલ વીડિયોમાં 5 પાકિસ્તાની હસીનાઓ હાથમાં પાકિસ્તાનનો રાષ્ટ્રીય ધ્વજ (National Flag) લઈને ખુશીથી ઉજવણી કરતી જોવા મળે છે. તેઓ હસી રહી છે અને ઝૂમતી નજરે પડે છે. પરંતુ આ ઉજવણી દરમિયાન જે ગીત વાગી રહ્યું છે, તેને લઈને સમગ્ર મામલો ચર્ચામાં આવ્યો છે. વીડિયોમાં પાકિસ્તાની અભિનેત્રીઓ ભારતની ફિલ્મ 'રાજી' (Raazi)ના લોકપ્રિય દેશભક્તિ ગીત 'ઐ વતન... વતન મેરે... આબાદ રહે તૂ' પર પાકિસ્તાનનો ઝંડો લહેરાવતી જોવા મળે છે.

 

View this post on Instagram

 

A post shared by D R E J A Z W A R I S (@drejazwaris)

આ ગીત ભારતીય દેશભક્તિ ગીત (Patriotic Song) છે. ખાસ વાત એ છે કે 'રાજી' ફિલ્મની વાર્તા પાકિસ્તાન સાથે જોડાયેલા સંવેદનશીલ મુદ્દાઓ પર આધારિત છે. આ કારણે ભારતીય ગીત પર પાકિસ્તાનના સ્વતંત્રતા દિવસની ઉજવણી કરવાના મુદ્દે સોશિયલ મીડિયા પર તેમની મજાક ઉડાવવામાં આવી રહી છે.

પાકિસ્તાની ઇન્ફ્લુએન્સરે પણ સવાલ ઉઠાવ્યા

આ વીડિયો પાકિસ્તાની ઇન્ફ્લુએન્સર (Pakistani Influencer) ડ્રૈઝ વારિસે શેર કર્યો હતો. તેમણે અભિનેત્રીઓ દ્વારા પસંદ કરવામાં આવેલા ગીત પર સવાલ ઉઠાવતા કહ્યું કે જાણીતી હસ્તીઓ (Public Figures)એ આવી બાબતોમાં વધુ સાવચેત રહેવું જોઈએ. તેમણે આ ગીતને પાકિસ્તાન વિરોધી ફિલ્મ સાથે જોડાયેલું ગણાવીને કહ્યું કે આ પ્રકારની ભૂલથી લોકો મજાક ઉડાવી શકે છે. તેમના જણાવ્યા મુજબ, ભારતીય લોકો પણ આ વીડિયો જોઈને પાકિસ્તાનની મજાક ઉડાવી શકે છે. તેમણે પોતાના દાવાને સમર્થન આપવા માટે ભારતીય વ્લોગર્સ (Indian Vloggers)ની કેટલીક રીલ્સ (Reels)નો ઉલ્લેખ પણ કર્યો.

ઇન્ફ્લુએન્સરે વધુમાં સ્પષ્ટ કર્યું કે, આ મુદ્દો બોલિવૂડ (Bollywood) અથવા ભારતીય સંગીત (Indian Music)ના વિરોધ વિશે નથી. પરંતુ સ્વતંત્રતા દિવસ જેવા રાષ્ટ્રીય મહત્વના પ્રસંગે પોતાના દેશ સાથે જોડાયેલા ગીતની પસંદગી અંગે સાવચેતી રાખવી જરૂરી છે. તેમણે સવાલ કર્યો કે, પાકિસ્તાની અભિનેત્રીઓએ પોતાના રાષ્ટ્રીય ધ્વજ સાથે ભારતીય દેશભક્તિ ગીત પર ઉજવણી કરવી ખરેખર યોગ્ય હતી કે નહીં.

આ પણ વાંચો : Shehbaz Sharif Latest Statement : 14 ઓગસ્ટે પણ ભારત વિરુદ્ધ શહબાઝ શરીફે ઓક્યું ઝેર, સિંધુ જળ સંધિને લઈને આપી યુદ્ધની ધમકી