• એક સેન્ડવીચની દુકાનથી અબજોપતિ બન્યા પીટર કેન્ક્રો
• લોનથી શરૂ કરેલો બિઝનેસ: 67 હજાર કરોડની કંપની સુધીની સફર
• માત્ર 17 વર્ષની ઉંમરે શરૂ કરેલો બિઝનેસ બન્યો વૈશ્વિક બ્રાન્ડ
• Jersey Mike's Subs: કોચની લોનથી આંતરરાષ્ટ્રીય સફળતા સુધી
• સાચા સંકલ્પ અને મહેનતથી કેન્ક્રોએ રચ્યો નવો ઇતિહાસ
• ફૂટબોલ કોચની મદદથી સેન્ડવીચ દુકાનથી શરૂ કર્યો સફર
• "Jersey Mike's Subs": 1 કરોડ રૂપિયાથી 67 હજાર કરોડ સુધીનો ઉપક્રમ
• પ્રેરણાદાયક: યુવાન ઉદ્યોગસાહસિકની અદમ્ય મન્ઝિલ
• અભ્યાસ છોડીને ધંધામાં કર્યો ધબધબાટ

Jersey Mike's Peter Cancro : પીટર કેન્ક્રોની કહાની દુનિયાભર માટે એક શાંદર પ્રેરણાસ્ત્રોત છે. 1975માં, જ્યારે કેન્ક્રો માત્ર હાઇસ્કૂલનો વિદ્યાર્થી હતો, ત્યારે તેણે પોતાના ફૂટબોલ કોચ પાસેથી $125,000 (તે સમયે લગભગ 1 કરોડ રૂપિયાની) લોન લીધી હતી. આ લોનનો ઉપયોગ કરીને તેણે ન્યુ જર્સીમાં આવેલી એક સેન્ડવીચની દુકાન ખરીદી. તે પછી પીટરે આનું નામ બદલીને "Jersey Mike's Subs" રાખ્યું. આજે, આ બ્રાન્ડની દુનિયાભરમાં લગભગ 3,000 આઉટલેટ્સ છે અને તે પીટરને અબજોપતિ બનાવવામાં સફળ રહી છે.

માનું સૂચન અને બિઝનેસ પ્રત્યેનો અભિગમ

કેન્ક્રો યુનિવર્સિટી ઓફ નોર્થ કેરોલિનામાં કાયદા અને રાજકીય વિજ્ઞાનનો અભ્યાસ કરવા માંગતો હતો, પરંતુ તેની માતાએ તેને સલાહ આપી કે તે ધંધામાં હાથ અજમાવે. આ વાતથી પ્રેરાઈને, 14 વર્ષની ઉંમરે જ પીટરે આ બિઝનેસ તરફ ધ્યાન આપ્યું. તે પોતાની રેસ્ટોરન્ટ શરૂ કરવા માટે જાગૃત થયો. એક દિવસ તેણે સીધો રેસ્ટોરન્ટના માલિકને ફોન કર્યો અને દુકાન ખરીદવા માટે વાત કરી. માલિકે તેને આ પ્રસ્તાવ સ્વીકારવા માટે એક અઠવાડિયાનો સમય આપ્યો અને દુકાન માટે $125,000ની કિંમત રાખી.

લોનની મદદથી સફળતાની શરુઆત

કેન્ક્રોએ તેના ભૂતપૂર્વ ફૂટબોલ કોચ, જે બેંકર પણ હતા, સાથે આ આઈડિયા શેર કર્યો હતો. કોચ પીટરના ઉત્સાહથી પ્રભાવિત થયા અને તેને લોન આપવા તૈયાર થઈ ગયા. કેન્ક્રોએ પોતાની જીંદગીનું મોટું જોખમ લેતા આ દુકાન ખરીદી હતી. જણાવી દઇએ કે, Jersey Mike's Subs એ 50 વર્ષમાં આંતરરાષ્ટ્રીય સ્તરે પ્રસિદ્ધિ મેળવી છે. 2023માં, આ બ્રાન્ડે $3.3 બિલિયનનું એકંદરે વેચાણ નોંધાવ્યું. તાજેતરમાં પ્રાઈવેટ ઈક્વિટી જાયન્ટ બ્લેકસ્ટોને પીટરની કંપનીમાં બહુમતી હિસ્સો ખરીદી લીધો છે, જેની કિંમત આશરે $8 બિલિયન (67.4 હજાર કરોડ રૂપિયા) છે.

પડકારો છતાં હાર ન માનવાનું મનોબળ

કેન્ક્રો માને છે કે, સફળતાના શિખરોને સ્પર્શ કરવા માટે અનેક મુશ્કેલીઓનો સામનો કરવો પડ્યો, પરંતુ તેમણે ક્યારેય પીછેહઠ કરી નથી. આજે, પીટરની સફળતાની કહાની દુનિયાભરના યુવાન ઉદ્યોગસાહસિકો માટે પ્રેરણાદાયક બની છે. પીટર કેન્ક્રોની કહાની સાબિત કરે છે કે સાચી મહેનત, સમજદારીથી લીધેલા જોખમ અને આત્મવિશ્વાસ સાથે મોટા સપનાને હકીકતમાં રૂપાંતરિત કરી શકાય છે. 17 વર્ષની ઉંમરે શરૂ કરેલા આ સાહસે તેમને વૈશ્વિક સ્તરે અદ્ભુત સફળતાની ગાથા લખવા દોર્યા છે.

આ પણ વાંચો:  Elon Musk એલિયન છે! જાણો કેમ શરૂ થઇ આ ચર્ચા