Facebook પર ધમકીભરી ટિપ્પણીથી મચ્યો હડકંપ

ઓસ્ટ્રેલિયાની મીડિયા રિપોર્ટ્સ અનુસાર, મેલબર્નના માર્વેલ સ્ટેડિયમ (Marvel Stadium) ખાતે યોજાનારા સમુદાય કાર્યક્રમના પ્રચાર માટે કરવામાં આવેલી Facebook પોસ્ટ નીચે ધમકીભરી ટિપ્પણી કરવામાં આવી હતી. આ કાર્યક્રમને વડાપ્રધાન મોદીના ઓસ્ટ્રેલિયા પ્રવાસનું સૌથી મહત્વપૂર્ણ આકર્ષણ માનવામાં આવી રહ્યું છે. રિપોર્ટ મુજબ, 'Abu Mustafa' નામના એક ફેસબુક એકાઉન્ટ પરથી કરવામાં આવેલી ટિપ્પણીમાં લખવામાં આવ્યું હતું કે, "કાર્યક્રમ દરમિયાન સ્ટેડિયમની છત બંધ રાખવી વધુ સારું રહેશે, નહીં તો તેઓ ઓસ્ટ્રેલિયા પોતાની મોત માટે આવી રહ્યા છે." આ ટિપ્પણી સામે આવતા જ મામલો તરત જ AFP સુધી પહોંચાડવામાં આવ્યો હતો.

તપાસ એજન્સીઓએ IP Address ની ઓળખ કરી

પ્રાથમિક તપાસ દરમિયાન સુરક્ષા એજન્સીઓએ આ સોશિયલ મીડિયા પોસ્ટ સાથે જોડાયેલા IP Address ની ઓળખ કરી લીધી હોવાનું જાણવા મળ્યું છે. હવે અધિકારીઓ એ શોધી રહ્યા છે કે આ પોસ્ટ કોણે કરી હતી, તેની પાછળનો હેતુ શું હતો અને શું આ ઘટનામાં કોઈ ફોજદારી કાયદા (Criminal Law) નો ભંગ થયો છે કે નહીં. જોકે ઓસ્ટ્રેલિયન ફેડરલ પોલીસ (AFP) તરફથી હજુ સુધી કોઈ સત્તાવાર નિવેદન જાહેર કરવામાં આવ્યું નથી, પરંતુ સ્થાનિક મીડિયા અનુસાર કોઈપણ વિદેશી રાષ્ટ્રપ્રમુખ અથવા સરકારના વડાને આપવામાં આવેલી ધમકીને ઓસ્ટ્રેલિયાની સુરક્ષા એજન્સીઓ અત્યંત ગંભીરતાથી લે છે.

PM મોદીની સુરક્ષા માટે અનેક એજન્સીઓ રહેશે તૈનાત

વડાપ્રધાન મોદીના ઓસ્ટ્રેલિયા પ્રવાસ દરમિયાન તેમની સુરક્ષાની જવાબદારી માત્ર એક જ નહીં પરંતુ અનેક સુરક્ષા એજન્સીઓ સંભાળશે. તેમાં Australian Federal Police (AFP), રાજ્ય પોલીસ (State Police) તેમજ વિશેષ સુરક્ષા દળો (Special Security Units) નો સમાવેશ થશે. પ્રવાસ દરમિયાન યોજાનારા દરેક કાર્યક્રમની સુરક્ષા વ્યવસ્થાની વિસ્તૃત સમીક્ષા કરવામાં આવી રહી છે.

ભારતીય સમુદાયને પણ કરશે સંબોધન

વડાપ્રધાન નરેન્દ્ર મોદી (PM Narendra Modi) પોતાના ઓસ્ટ્રેલિયા પ્રવાસ દરમિયાન દ્વિપક્ષીય બેઠકઓ (Bilateral Meetings) માં ભાગ લેશે તેમજ ત્યાં વસતા ભારતીય સમુદાય (Indian Community) ને પણ સંબોધિત કરશે. ખાસ કરીને મેલબર્નમાં યોજાનારો કાર્યક્રમ રાજકીય અને સામાજિક રીતે ખૂબ જ મહત્વનો માનવામાં આવે છે. સોશિયલ મીડિયા પર મળેલી ધમકી બાદ સુરક્ષા એજન્સીઓ કોઈપણ સંભવિત જોખમને ધ્યાનમાં રાખીને સતત નજર રાખી રહી છે અને સમગ્ર મામલે ઊંડાણપૂર્વક તપાસ ચાલુ રાખી છે.

આ પણ વાંચો : PM Modi In Sanand: "સુનતે હો ન વિનોદ, કામ બોલતા હૈ", PM મોદીએ સાણંદમાં સેમિકન્ડક્ટર પ્લાન્ટનું ઉદ્ઘાટન કર્યું