વોશિંગ્ટન: ભારત અને અમેરિકા વચ્ચે ટ્રેડ ડીલ એટલા માટે થઈ શકી નહીં, કારણ કે વડાપ્રધાન નરેન્દ્ર મોદીએ ખુદ અમેરિકાના રાષ્ટ્રપ્રમુખ ડોનાલ્ડ ટ્રમ્પને ફોન કર્યો ન હતો. આવો દાવો અમેરિકાના કોમર્સ સેક્રેટરી હૉવર્ડ લટનિકે કર્યો છે. લટનિકે એક પોડકાસ્ટમાં કહ્યુ કે "મેં ડીલ સેટ કરી હતી. પરંતુ તેના માટે (પીએમ) મોદીને રાષ્ટ્રપ્રમુખ ટ્રમ્પને ફોન કરવાનો હતો. તે (ભારત) આનાથી અસહજ હતા. માટે, મોદીએ ફોન કર્યો નહીં"
પૉડકાસ્ટમાં અમેરિકાના કોમર્સ સેક્રેટરીનો દાવો
લટનિક, ઓલ ઈન પોડકાસ્ટમાં બોલી રહ્યા હતા. તેને સિલિકોન વેલીના 4 વેન્ચર કેપિટલિસ્ટ અને એન્ટરપ્રેન્યોર્સ હોસ્ટ કરી રહ્યા હતા. લટનિકે કહ્યુ કે તેમણે પહેલા અન્ય દેસો સાથે નિગોશિએશન કર્યું, કારણ કે તે માનતા હતા કે ભારતની સાથે તો ડીલ પહેલા જ થઈ જશે.
અમેરિકાના કોમર્સ સેક્રેટરી પ્રમાણે, "સાફ-સાફ કહું તો આ તેમની (ટ્રમ્પની) ડીલ છે. તે તેને ક્લોઝ કરે છે. તેમણે કર્યું. બધું સેટ હતું, બસ મોદીએ રાષ્ટ્રપ્રમુખ ટ્રમ્પને ફોન કરવાનો હતો. તેવો આમ કરવામાં અસહજ હતા. માટે મોદીએ ફોન કર્યો નહીં. શુક્રવારની આપવામાં આવેલી વિંડો ઓવર થયા બાદ આગામી સપ્તાહે અમે ઈન્ડોનેશિયા, ફિલિપિન્સ, વિયતનામ સાથે ડીલ કરી, અમે ઘણી બંધી ડીલની ઘોષણા કરી. અમે તેમની સાથે નિગોશિએશન કર્યું હતું અને ભારતને લઈને એ માની લીધું કે ભારતની સાથે ડીલ તેમનાથી પહેલા જ થઈ જશે. માટે અમે તેમની સાથે વધુ રેટ પર વાતચીત કરી હતી. પછી ભારત પાછળ હટી ગયું અને બાદમાં કહ્યું, ઠીક છે, અમે તૈયાર છીએ. મેં કહ્યુ, કઈ વાત માટે તૈયાર છો?"
![]()
લટનિકનો એ પણ દાવો છે કે જે શરતો પર ભારત અને અમેરિકા ટ્રેડ ડીલને આખરી ઓપ આપવાના હતા, તે હવે ટેબલ પર નથી. લટનિક પ્રમાણે, અમેરિકા તે ટ્રેડ ડીલમાંથી પાછળ હટી ગયું છે, જેના પર અમે પહેલા સંમત થયા હતા. હવે અત્યારે આના સંદર્ભે વિચારી રહ્યા નથી.
લટનિકની આ ટીપ્પણી અમેરિકાના રાષ્ટ્ર્પ્રમુખ ડોનાલ્ડ ટ્રમ્પ દ્વારા દ્વિપક્ષીય રશિયા પ્રતિબંધ વિધેયકને મંજૂરી આપ્યાના એક દિવસ બાદ આવી છે. આ બિલ ટ્રમ્પે રશિયાના વ્યાપારિક ભાગીદારો પર રશિયન ઓઈલની ખરીદી માટે દંડ લગાવવાનો વ્યાપક અધિકાર આપે છે. રશિયાના ટ્રેડ પાર્ટનર્સમાં ભારત, ચીન અને બ્રાઝિલ સામેલ છે.
