PM Modi UAE Visit: ગુજરાતના વાડિનારને મળી મોટી ભેટ, શિપ રિપેરિંગ હબ બનશે

આતંકી હુમલાની નિંદા અને હોર્મુઝ સ્ટ્રેટ અંગે આપ્યું નિવેદન

દ્વિપક્ષીય બેઠક દરમિયાન પીએમ મોદીએ UAE પર થયેલા તાજેતરના હુમલાઓની કડક શબ્દોમાં નિંદા કરી હતી. તેમણે સ્પષ્ટ કર્યું કે ભારત સંકટના સમયે UAE ની સાથે મક્કમતાથી ઉભું છે. વડાપ્રધાને દરિયાઈ સુરક્ષા માટે મહત્વપૂર્ણ ગણાતા હોર્મુઝ સ્ટ્રેટ (Strait of Hormuz) ને ખુલ્લો રાખવા પર ભાર મૂક્યો હતો, જે વૈશ્વિક ઊર્જા સુરક્ષા માટે અનિવાર્ય છે. તેમણે કહ્યું કે પશ્ચિમ એશિયા (West Asia) ના સંકટની અસર સમગ્ર વિશ્વ પર પડી રહી છે અને ભારત અહીં વહેલી તકે શાંતિ ઈચ્છે છે.

I thank my brother HH Sheikh Mohamed bin Zayed Al Nahyan, President of the UAE, for the special gesture of receiving me at Abu Dhabi airport. I look forward to our discussions towards furthering India-UAE ties across key sectors like energy, investment, supply chains and more.… pic.twitter.com/3RPRCipnsr

— Narendra Modi (@narendramodi) May 15, 2026

ઉર્જા અને સુરક્ષા ક્ષેત્રે મહત્વના કરારો થયા

આ મુલાકાત દરમિયાન બંને દેશો વચ્ચે 'સામરિક સંરક્ષણ ભાગીદારી' (Strategic Defense Partnership) સહિત અનેક મહત્વના કરારો થયા હતા. ગુજરાત (Gujarat) ના વાડિનાર (Vadinar) ખાતે 'શિપ રિપેર ક્લસ્ટર' (Ship Repair Cluster) સ્થાપવા માટે એક MoU પર હસ્તાક્ષર કરવામાં આવ્યા છે. આ ઉપરાંત, વ્યૂહાત્મક પેટ્રોલિયમ રિઝર્વ અને LPG સપ્લાય અંગે પણ મહત્વની સહમતિ સધાઈ છે.

5 અબજ અમેરિકી ડોલરના રોકાણની જાહેરાત

આર્થિક મોરચે પણ આ મુલાકાત સફળ રહી છે. ભારતીય ઈન્ફ્રાસ્ટ્રક્ચર સેક્ટર તેમજ RBL બેંક (RBL Bank) અને 'સમ્માન કેપિટલ' (Samman Capital) માં કુલ 5 અબજ અમેરિકી ડોલરના રોકાણની જાહેરાત કરવામાં આવી છે. પીએમ મોદીએ મુશ્કેલ સમયમાં UAE માં વસતા ભારતીયોની કાળજી લેવા બદલ ત્યાંની રોયલ ફેમિલી (Royal Family) નો આભાર માન્યો હતો.

આ પણ વાંચો: Bloomberg BJP Report: આગામી 10 વર્ષ સુધી દેશમાં કોઈ હટાવી નહીં શકે મોદી સરકાર, જુઓ બ્લૂમબર્ગનો રિપોર્ટ