શું રશિયા અને ઈરાન મળીને અમેરિકા વિરુદ્ધ રચશે સાજિશ! Putin અને ઈરાની વિદેશ મંત્રી વચ્ચે થઇ બેઠક
- રશિયાના સેન્ટ પીટર્સબર્ગમાં પુતિને અરાઘચી સાથે કરી મંત્રણા (Putin and Abbas Araghchi Meeting)
- પુતિને ઈરાની લોકોની બહાદુરીના વખાણ કરી સર્વોચ્ચ નેતાને પાઠવી શુભેચ્છાઓ
- પાકિસ્તાનમાં અમેરિકા-ઈરાન વાટાઘાટો નિષ્ફળ રહ્યા બાદ આ બેઠક મહત્વની
- રશિયા મધ્ય પૂર્વમાં શાંતિ અને સ્થિરતા માટે મધ્યસ્થી કરવા તૈયાર હોવાના સંકેત
- બંને દેશો વચ્ચે વ્યૂહાત્મક સંબંધોને વધુ મજબૂત કરવા પર મુકાયો ભાર
વિશ્વભરની નજર હાલમાં રશિયા અને ઈરાન વચ્ચેના મજબૂત થતા સંબંધો પર છે. રશિયાના રાષ્ટ્રપતિ વ્લાદિમીર પુતિને (Vladimir Putin) રશિયાના સેન્ટ પીટર્સબર્ગમાં ઈરાનના વિદેશ મંત્રી અબ્બાસ અરાઘચી (Abbas Araghchi) સાથે ખાસ મુલાકાત કરી હતી. આ બેઠક એવા સમયે થઈ છે જ્યારે અમેરિકા-ઈઝરાયેલ અને ઈરાન વચ્ચે યુદ્ધ જેવી સ્થિતિ બાદ સીઝફાયર (Ceasefire) ની કોશિશો તેજ થઈ છે.
Putin and Abbas Araghchi Meeting : પુતિનનો ઈરાનના સર્વોચ્ચ નેતાને ખાસ સંદેશ
બેઠક દરમિયાન પુતિને ઈરાનના સર્વોચ્ચ નેતા (Supreme Leader) આયાતુલ્લા અલી ખામેની પ્રત્યે આદર વ્યક્ત કર્યો હતો. પુતિને અરાઘચીને વિનંતી કરી કે તેઓ ઈરાનના ટોચના નેતૃત્વને તેમની શુભેચ્છાઓ અને સારા સ્વાસ્થ્યની કામના પહોંચાડે. આ પગલાને બંને દેશો વચ્ચેની વ્યૂહાત્મક ભાગીદારી (Strategic Partnership) વધુ ગાઢ બનાવવાના સંકેત તરીકે જોવામાં આવી રહ્યો છે.
ઈરાની લોકોની બહાદુરીના વખાણ
પુતિને જણાવ્યું હતું કે ઈરાની લોકો આ મુશ્કેલ સમયનો (Difficult Period) અત્યંત બહાદુરી અને હિંમતથી સામનો કરી રહ્યા છે. તેમણે વિશ્વાસ વ્યક્ત કર્યો કે ટૂંક સમયમાં જ પ્રદેશમાં શાંતિ (Peace) સ્થપાશે અને પરિસ્થિતિમાં સુધારો થશે. રશિયાએ સ્પષ્ટ કર્યું કે તે મધ્ય પૂર્વમાં સ્થિરતા (Stability) જાળવવા માટે તમામ પ્રયાસો કરશે અને ઈરાનના હિતોને (Interests) ધ્યાનમાં રાખીને કામ કરશે.
શું રશિયા બનશે મધ્યસ્થી?
ઉલ્લેખનીય છે કે હાલમાં જ પાકિસ્તાનના ઈસ્લામાબાદમાં (Islamabad Talks) અમેરિકા અને ઈરાન વચ્ચે શાંતિ વાટાઘાટો નિષ્ફળ રહી હતી. ડોનાલ્ડ ટ્રમ્પે (Donald Trump) અમેરિકી પ્રતિનિધિઓને પાકિસ્તાન મોકલવાનો ઈન્કાર કર્યા બાદ હવે રશિયાની ભૂમિકા મહત્વની બની છે. અરાઘચી પાકિસ્તાન અને ઓમાનની મુલાકાત બાદ સીધા રશિયા પહોંચ્યા છે, જે સૂચવે છે કે હવે રશિયા અમેરિકા અને ઈરાન વચ્ચે વાટાઘાટોને સરળ બનાવવા માટે મધ્યસ્થી (Mediation) કરી શકે છે.
આ પણ વાંચો: US Iran Conflict : ટ્રમ્પની ચેતવણી બાદ ઇરાને પણ આપી ખતરનાક ધમકી