રશિયાએ યુક્રેનની રાજધાની કિવ પર કર્યો સૌથી મોટો હાઈપરસોનિક મિસાઈલથી હુમલો

• રશિયાએ યુક્રેન પર  સૌથી વિનાશક 'ઓરેશ્નિક' મિસાઈલથી હુમલો (Russia Oreshnik Missile Strike)
• એર રેડ સાયરન અને જોરદાર વિસ્ફોટો વચ્ચે આ હુમલામાં બે લોકોના મોત થયા
• રશિયાના ભીષણ હુમલામાં યુક્રેન હાઈ એલર્ટ પર

રશિયા અને યુક્રેન વચ્ચે ચાલી રહેલા ભીષણ યુદ્ધમાં [Russia Ukraine War] સ્થિતિ વધુ વણસી ગઈ છે. રવિવારે રશિયાએ યુક્રેનની રાજધાની કિવ [Kyiv] પર અત્યાર સુધીનો સૌથી મોટો આક્રમક હુમલો કર્યો છે, જેના કારણે સમગ્ર શહેરમાં ભય અને અફરાતફરીનો માહોલ સર્જાયો છે. યુક્રેનના રાષ્ટ્રપતિ વોલોડીમીર ઝેલેન્સકીએ [Volodymyr Zelenskyy] સત્તાવાર દાવો કર્યો છે કે મોસ્કોએ આ હવાઈ હુમલામાં તેની અત્યંત ઘાતક અને અદ્યતન હાઈપરસોનિક "ઓરેશ્નિક" મિસાઈલનો [Oreshnik Missile] ઉપયોગ કર્યો છે. આ એ જ વિનાશક હથિયાર છે જેના વિશે રાષ્ટ્રપતિ ઝેલેન્સકીએ થોડા દિવસો પહેલા જ આંતરરાષ્ટ્રીય સ્તરે ગંભીર ચેતવણી આપી હતી. ડ્રોન અને બેલિસ્ટિક મિસાઈલોના આ સંયુક્ત હુમલામાં પ્રારંભિક અહેવાલો મુજબ બે લોકોના મોત થયા છે. ચાર વર્ષ લાંબા ચાલેલા આ સંઘર્ષમાં રશિયન સેના દ્વારા આ ઘાતક મિસાઈલનું આ ત્રીજું પ્રક્ષેપણ છે, જેણે કિવના અનેક વિસ્તારોને ભારે નુકસાન પહોંચાડ્યું છે.

Russia Oreshnik Missile Strike : રાજધાનીમાં આકાશી આફત અને તબાહી

રવિવારની રાત કિવના નાગરિકો માટે ભારે કાળઝાળ અને ભયાનક સાબિત થઈ હતી. આખા શહેરમાં એકસાથે એર રેડ સાયરન [Air Raid Sirens] વાગી ઉઠ્યા હતા, જેના પગલે લોકો જીવ બચાવવા આશ્રયસ્થાનો તરફ દોડ્યા હતા. હુમલાના કારણે આકાશ કાળા ડિબાંગ ધુમાડાના ગોટાથી ઘેરાઈ ગયું હતું અને કિવના અલગ-અલગ વિસ્તારોમાં શ્રેણીબદ્ધ પ્રચંડ વિસ્ફોટો સંભળાયા હતા. રશિયાના આ હવાઈ હુમલાનું નિશાન સરકારી કચેરીઓ, શૈક્ષણિક સંસ્થાઓ અને સામાન્ય રહેણાંક ઈમારતોની આસપાસ હોવાનું સામે આવ્યું છે. સ્થાનિક સૂત્રોના જણાવ્યા અનુસાર, આ શક્તિશાળી હાઈપરસોનિક મિસાઈલ કિવ પ્રદેશના બિલા ત્સર્કવા [Bila Tserkva] વિસ્તારમાં આવીને પડી હતી. જોકે, ક્રેમલિને આ હુમલા દ્વારા કયા ચોક્કસ સૈન્ય લક્ષ્યને નિશાન બનાવ્યું હતું તે હજુ સુધી સ્પષ્ટ થઈ શક્યું નથી.

આ પણ વાંચો:  હોર્મુઝ સ્ટ્રેટ ખોલવા ઈરાન તૈયાર! વિશ્વના વેપાર માટે આવ્યા રાહતના સમાચાર