સ્વીડનમાં સ્કૂલ પર હુમલો, હુમલાખોરોએ 5 લોકોને ગોળી મારી

• સ્વીડનમાં ઓરેબ્રોની એક શાળામાં ગોળીબારની ઘટના બની છે
• ઘટના બાદ ઘાયલોને હોસ્પિટલમાં દાખલ કરવામાં આવ્યા છે
• પોલીસે લોકોને ઘટના સ્થળથી દૂર રહેવા વિનંતી કરી છે

Shooting incident in Sweden : સ્વીડનથી મોટા સમાચાર આવી રહ્યા છે. ઓરેબ્રોની એક શાળામાં ગોળીબારની ઘટના બની છે, જેમાં 5 લોકો ઘાયલ થયા છે. ઘટના બાદ ઘાયલોને હોસ્પિટલમાં દાખલ કરવામાં આવ્યા છે. હાલ તેમની ઈજાઓ વિશે કોઈ માહિતી મળી શકી નથી. પોલીસે આ મામલાની તપાસ શરૂ કરી દીધી છે. પરંતુ ખતરો હજુ ટળ્યો નથી, તેથી પોલીસે લોકોને ઘટના સ્થળથી દૂર રહેવા વિનંતી કરી છે.

વિદ્યાર્થીઓને નજીકની ઈમારતોમાં આશરો આપવામાં આવ્યો

ઘટના બાદ શાળાના વિદ્યાર્થીઓને નજીકની ઈમારતોમાં આશરો આપવામાં આવી રહ્યો છે. હિંસા બાદ શાળા ખાલી કરાવી દેવામાં આવી છે. તમને જણાવી દઈએ કે, આ સ્કૂલ સ્ટોકહોમથી લગભગ 200 કિમી દૂર છે. તે પશ્ચિમમાં છે. આ ઘટના ત્યારે બની જ્યારે મોટાભાગના વિદ્યાર્થીઓ શાળામાં હાજર હતા. આ હુમલામાં કોઈ વિદ્યાર્થીઓ ઘાયલ થયા છે કે કેમ તે હજુ સ્પષ્ટ થયું નથી.

આ પણ વાંચો :  Video Viral: અંગ્રેજી બાબુએ લંડનમાં કોલકાતાની પ્રખ્યાત 'ઝાલમુરી' વેચી, નોકરી છોડીને લારી લગાવી

ઘટના પર સરકારની નજર

ઘટના બાદ માહિતી આપતા પોલીસે જણાવ્યું કે, પાંચ લોકો ઘાયલ થયા હોવાની પુષ્ટિ થઈ છે. આ હુમલાની તપાસ હત્યાના પ્રયાસ, આગચંપી અને ગંભીર ગુના તરીકે કરવામાં આવી રહી છે. સ્થાનિક કટોકટી સેવાઓના પ્રવક્તાએ જણાવ્યું હતું કે, પોલીસ હાલમાં ઘટનાસ્થળે કાર્યવાહી કરી રહી છે. આ ઉપરાંત, એમ્બ્યુલન્સ અને અન્ય લોકો ઘટનાસ્થળે હાજર છે.

સ્વીડિશ સરકારના ન્યાય પ્રધાન ગુન્નર સ્ટ્રોમરે કહ્યું કે ઓરેબ્રોમાં હિંસાનો મામલો ગંભીર છે. પોલીસ ઘટનાસ્થળે કાર્યવાહી કરી રહી છે. સરકાર પોલીસના સંપર્કમાં છે અને પરિસ્થિતિ પર નજર રાખી રહી છે.

આ પણ વાંચો :  Donald Trump ૩૦૦ અબજ ડોલરના બદલામાં યુક્રેન પાસેથી આ વસ્તુ માંગી રહ્યા છે!