ફ્લાઈદુબઈની ફ્લાઈટ FZ1073માં બનેલી ગંભીર ઘટના બાદ ભારતીય પાયલટ કેપ્ટન સ્મિત મચ્છારની વિશ્વભરમાં ચર્ચા થઈ રહી છે. હવે UAEના ડેપ્યુટી પ્રાઈમ મિનિસ્ટર અને દુબઈના ક્રાઉન પ્રિન્સ શેખ હમદાન બિન મોહમ્મદ બિન રાશિદ અલ મક્તૂમે અબુધાબીની હોસ્પિટલમાં સ્મિત મચ્છારની મુલાકાત લીધી છે. તેમણે પાયલટની હિંમત, જવાબદારી અને માનવજીવન પ્રત્યેની કાળજીની પ્રશંસા કરી હતી.
ફ્લાઈદુબઈ ફ્લાઈટમાં શું બન્યું?
30 સપ્ટેમ્બરે દુબઈથી તેલ અવિવ જઈ રહેલી Flydubai FZ1073માં 174 લોકો સવાર હતા, જેમાં 27 બાળકોનો પણ સમાવેશ થતો હતો. ફ્લાઈટ દરમિયાન કોકપિટમાં પાયલટ્સ વચ્ચે ગંભીર અથડામણ થઈ હતી. આ ઘટનામાં કેપ્ટન સ્મિત મચ્છાર ઘાયલ થયા હતા અને વિમાનની ઊંચાઈમાં અચાનક મોટો ઘટાડો નોંધાયો હતો. ફ્લાઈટે ઇમરજન્સી સિગ્નલ આપ્યા બાદ સાઉદી અરેબિયાના તબુક તરફ ડાયવર્ટ કરવામાં આવી હતી.
Advertisement ![Navratri Banner]()
ઘાયલ સ્થિતિમાં પણ સ્મિતે ખોલ્યો કોકપિટનો દરવાજો
રિપોર્ટ મુજબ હુમલા બાદ ગંભીર રીતે ઘાયલ હોવા છતાં સ્મિત મચ્છારે કોકપિટનો દરવાજો ખોલવામાં સફળતા મેળવી હતી. ત્યારબાદ મુસાફરો અને ક્રૂના સભ્યોએ અંદર પહોંચીને પરિસ્થિતિ કાબૂમાં લેવામાં મદદ કરી હતી. વિમાનમાં હાજર અન્ય પાયલટોએ બાદમાં ફ્લાઈટનું નિયંત્રણ સંભાળ્યું હતું.
174 લોકો સાથે સુરક્ષિત લેન્ડિંગ
ઘટના બાદ ફ્લાઈટને સાઉદી અરેબિયાના તબુક એરપોર્ટ પર સુરક્ષિત રીતે ઉતારવામાં આવી હતી. વિમાનમાં સવાર તમામ 174 લોકો સુરક્ષિત રહ્યા હતા. સ્મિત મચ્છારને શરૂઆતમાં તબુકમાં સારવાર આપવામાં આવી હતી અને ત્યારબાદ તેમને વધુ સારવાર માટે UAE ખસેડવામાં આવ્યા હતા. તેમની સ્થિતિ સ્થિર હોવાનું અગાઉ ભારતીય અધિકારીઓએ જણાવ્યું હતું.
તપાસ હજુ ચાલુ
આ સમગ્ર ઘટનાની તપાસ UAE સહિત સંબંધિત અધિકારીઓ દ્વારા ચાલી રહી છે. UAEના અધિકારીઓએ ઘટનાને ગંભીર કૃત્ય ગણાવી તપાસ હાથ ધરી છે, જ્યારે હુમલાના ચોક્કસ કારણો અને અન્ય વિગતો અંગે તપાસ ચાલુ છે.
આ પણ વાંચો: 'હું મહિને 1 લાખ આપીશ તમે મેલું ઉપાડો', પૂર્વ CM શંકરસિંહ વાઘેલાના નિવેદન પર Kajal Hindusthani નો પલટવાર
