South Korean ના રાષ્ટ્રપતિ યૂન સુક યેઓલની ધરપકડ,જાણો શું છે સમગ્ર મામલો

• દક્ષિણ કોરિયાના રાષ્ટ્રપતિની પોલીસે કરી ધરપકડ
• સમર્થકોના હોબાળા વચ્ચે યૂન સુક યોલની ધરપકડ
• રાષ્ટ્રપતિની ઘરમાં સીડી લગાવીને ઘૂસી હતી પોલીસ
• યૂન સુક યોલે કહ્યું મારી સામેની તપાસ ગેરકાયદે છે

President Yoon Suk yeol arrested: દક્ષિણ કોરિયાના રાષ્ટ્રપતિ યૂન સુક યેઓલની ધરપકડ (President Yoon Suk yeol arrested)કરવામાં આવી છે. યૂન દક્ષિણ કોરિયામાં મહાભિયોગનો સામનો કરી રહ્યા હતા અને તેમના પર ધરપકડની તલવાર લટકી રહી હતી. દક્ષિણ કોરિયાના અધિકારીઓએ 3 ડિસેમ્બરે માર્શલ લોની ઘોષણા સંબંધિત બાબતોમાં આ કાર્યવાહી કરી છે.

યૂન સમર્થકો અને સુરક્ષા કર્મચારીઓ વચ્ચે અથડામણ થઈ

પ્રાપ્ત માહિતી અનુસાર,સવારે ત્રણ હજારથી વધુ પોલીસ અધિકારીઓ અને ભ્રષ્ટાચાર વિરોધી તપાસકર્તાઓ યેઓલના ઘર નજીક પહોંચ્યા હતા.જ્યાં યૂન સમર્થકો અને શાસક પીપલ્સ પાવર પાર્ટીના સભ્યો વચ્ચે સુરક્ષા દળો સાથે અથડામણ થઈ.આ સમયગાળા દરમિયાન ઘણા લોકોને કસ્ટડીમાં લેવામાં આવ્યા હતા.આ બધી ગતિરોધ વચ્ચે, યુન સુક યેઓલની હવે ધરપકડ કરવામાં આવી છે.

આ પણ  વાંચો - Abu Dhabi: BAPS હિન્દુ મંદિરમાં ભવ્ય ઉજવણી, 20થી વધુ દેશના પ્રતિનિધિઓ રહ્યાં હાજર

યુને લશ્કરી કાયદો જાહેર કર્યો હતો

ખરેખર,યુને ૩ ડિસેમ્બરે માર્શલ લો જાહેર કર્યો હતો. તેમની આ જાહેરાતથી દેશના રાજકારણમાં ખળભળાટ મચી ગયો અને જનતા પણ આશ્ચર્યચકિત થઈ ગઈ. બાદમાં 14 ડિસેમ્બરના રોજ, સાંસદોએ તેમના પર મહાભિયોગ લાવવા અને તેમને પદ પરથી દૂર કરવા માટે મતદાન કર્યું. હવે બંધારણીય અદાલત પણ એ જ મહાભિયોગ પર વિચાર કરી રહી છે અને તેમને કાયમી ધોરણે દૂર કરવા અંગે પણ ચર્ચા ચાલી રહી છે.

આ પણ  વાંચો - Russia Ukraine war માં એક ભારતીય નાગરિકનું મોત, વિદેશ મંત્રાલયે ભારતીયોની વાપસીનો મુદ્દો ઉઠાવ્યો

યુનના વકીલોએ આ દાવો કર્યો હતો

યુન પર ધરપકડની તલવાર પહેલેથી જ લટકી રહી હોવાથી, તેના વકીલો પણ અગાઉથી નિવેદનો આપી રહ્યા હતા. યુનના વકીલોએ કહ્યું હતું કે યુનને અટકાયતમાં રાખવાનો પ્રયાસ ગેરકાયદેસર હતો. આ બધું તેમને અપમાનિત કરવા માટે કરવામાં આવી રહ્યું છે. યુનના વકીલોએ આખા કેસને કાવતરું ગણાવ્યું હતું. હાલમાં, યુનની ધરપકડ સમગ્ર વિશ્વમાં ચર્ચાનો વિષય બની ગઈ છે. કારણ કે આ રીતે રાષ્ટ્રપતિની ધરપકડ એક મોટી રાજકીય ઘટના છે.