SriLanka Floods: શ્રીલંકામાં પૂર અને ભૂસ્ખલનથી ભારે તબાહી, 31 લોકોના મોત, 14 ગુમ; 4,000 લોકો પ્રભાવિત
- શ્રીલંકામાં (SriLanka) ભારે વરસાદથી પૂર અને ભૂસ્ખલનથી તબાહી
- 31 થી વધુ લોકોના મોત, 14 ગૂમ
- 4,000 થી વધુ પરિવારો થયા પ્રભાવિત
- પૂર અને ભૂસ્ખલનના કારણે જનજીવન અસ્તવ્યસ્ત
SriLanka Floods: શ્રીલંકામાં છેલ્લા 11 દિવસથી મુશળધાર વરસાદ, પૂર અને વિનાશક ભૂસ્ખલનના કારણે ભારે તબાહી મચી ગઈ છે. ડિઝાસ્ટર મેનેજમેન્ટ સેન્ટર (DMC) એ ગુરુવારે જણાવ્યું હતું કે આ આફતોને કારણે અત્યાર સુધીમાં 31 લોકોનાં મોત થયા છે, જ્યારે લગભગ 4,000 લોકો પ્રભાવિત થયા છે.
શ્રીલંકામાં પૂર અને ભૂસ્ખલનથી ભારે તબાહી
સત્તાવાર માહિતી અનુસાર, ફક્ત મધ્ય પહાડી જિલ્લાઓમાં જ 18 લોકોના મોત થયા છે. એક ભયાનક ઘટનામાં, કુમ્બુક્કાનામાં વધતા પાણીમાં એક પેસેન્જર બસ ફસાઈ ગઈ, ત્યારબાદ કટોકટી ટીમોએ 23 મુસાફરોને સફળતાપૂર્વક બચાવ્યા, એમ ડેઈલી મિરર ઓનલાઈન અહેવાલ આપે છે. અદાડેરાના ન્યૂઝ પોર્ટલના અહેવાલ મુજબ, લગભગ 10 લોકો ઘાયલ થયા છે, જ્યારે 14 ગુમ થયા છે.
બગડતી પરિસ્થિતિની સમીક્ષા
રાષ્ટ્રપતિ અનુરા કુમારા દિસાનાયકે 25 વહીવટી જિલ્લાઓમાંથી 17 માં બગડતી પરિસ્થિતિની સમીક્ષા કરવા માટે એક બેઠક બોલાવી છે. હવામાન વિભાગના જણાવ્યા અનુસાર, દેશના દક્ષિણપૂર્વમાં એક નીચા દબાણનો વિસ્તાર રચાયો હતો, જે પાછળથી તીવ્ર બનીને ડિપ્રેશનમાં ફેરવાઈ ગયો. બ્યુરોના જણાવ્યા અનુસાર, તે હાલમાં બટ્ટીકલોઆથી 210 કિલોમીટર દક્ષિણપૂર્વમાં સ્થિત છે.
"આગામી 12 કલાક દરમિયાન તે ઉત્તરપશ્ચિમ તરફ આગળ વધવાની અને ઊંડા ડિપ્રેશનમાં ફેરવાવાની શક્યતા છે," બ્યુરોએ જણાવ્યું હતું કે, દેશના વિવિધ ભાગોમાં 200 મીમીથી વધુ વરસાદની આગાહી કરવામાં આવી છે.
ગયા વર્ષે ભારે વરસાદને કારણે આવ્યું હતું પૂર
અગાઉ, ઓક્ટોબર 2024 માં, ભારે વરસાદને કારણે રાજધાની કોલંબો અને તેના ઉપનગરો સહિત દેશના ઘણા ભાગોમાં પૂર આવ્યું હતું. 134,000 થી વધુ લોકો પ્રભાવિત થયા હતા. કોલંબોમાં શાળાઓ બંધ કરવાની ફરજ પડી હતી. કેટલાક વિસ્તારોમાં, ઘરો અને દુકાનોની છત સુધી પાણી પહોંચી ગયું હતું.
આ પણ વાંચો: WhatsApp દ્વારા પાકિસ્તાનનો ખતરનાક ખેલ, ભારતીય અધિકારીઓને નિશાન બનાવ્યા