હોર્મુઝ સ્ટ્રેટ પર હવે ઈરાન 'ટોલ'ના બદલે 'પર્યાવરણીય ટેક્સ' વસૂલશે
- અમેરિકા-ઈરાન પરમાણુ કરાર હેઠળ હોર્મુઝ સ્ટ્રેટ પર ટોલ વસૂલવા પર પ્રતિબંધ (Strait of Hormuz Tax )
- ઈરાને ટોલના બદલે સુરક્ષા અને પર્યાવરણીય સેવાઓના નામે નવા ચાર્જની જાહેરાત કરી
- ઓમાન સાથે મળીને નવો પ્રોટોકોલ જાહેર કરવા ઈરાનની તૈયારીઓ
- અગાઉ IRGC દ્વારા જહાજો પાસેથી 10 લાખ રૂપિયા સુધીનો ટેક્સ વસૂલવામાં આવતો હતો
પશ્ચિમ એશિયા (West Asia) ના ગૂંચવાયેલા રાજકીય સમીકરણો વચ્ચે ઈરાન (Iran) અને અમેરિકા (United States) વચ્ચે એક વચગાળાના પરમાણુ કરાર (Nuclear Deal) ની અટકળો તેજ બની છે. આ કરાર મુજબ, હોર્મુઝ સ્ટ્રેટ (Strait of Hormuz) પર ટોલ વસૂલવા પર ઈરાનને પ્રતિબંધિત કરવામાં આવ્યું છે. જોકે, ઈરાને હવે આ મામલે એક નવી અને ચતુરાઈભરી વ્યૂહરચના અપનાવી છે.
Strait of Hormuz Tax : ઈરાનની નવી વ્યૂહરચના: પર્યાવરણીય કર
ઈરાની વિદેશ મંત્રાલયના પ્રવક્તા ઇસ્માઇલ બઘાઈ (Esmail Baghaei) એ સોમવારે સ્પષ્ટ કર્યું હતું કે, જોકે હોર્મુઝ સ્ટ્રેટ પર સીધો ટોલ ટેક્સ નહીં લેવાય, પરંતુ જહાજોને આપવામાં આવતી સુરક્ષા સેવાઓ અને 'પર્યાવરણીય રક્ષણ' (Environmental Protection) ના નામે ચોક્કસપણે ચાર્જ વસૂલવામાં આવશે. તેમના મતે, આ કોઈ ટોલ નથી, પરંતુ જળમાર્ગને સુરક્ષિત અને સ્વચ્છ રાખવા માટેની વ્યાજબી ફી છે.
🇮🇷🇴🇲 STRAIT OF HORMUZ TAX: NEW GEOPOLITICAL TWIST FROM IRAN & OMAN!
According to the Iranian FM spokesperson, all ships passing through the Strait of Hormuz will now face a new environmental tax.
This joint Iran-Oman plan could raise global shipping costs and increase market… pic.twitter.com/ZyMC1XFkh6
— Crypto Aman (@cryptoamanclub) May 25, 2026
ઓમાન સાથે મળીને નવો પ્રોટોકોલ
ઈરાન ટૂંક સમયમાં ઓમાન (Oman) સાથે મળીને એક સંયુક્ત પ્રોટોકોલ જાહેર કરવાની તૈયારીમાં છે. આ પ્રોટોકોલ હેઠળ, જે જહાજો આ માર્ગનો ઉપયોગ કરશે, તેમને સુરક્ષા અને પર્યાવરણીય ટેક્સ (Environmental Tax) ચૂકવવો પડશે. ઈરાનનું કહેવું છે કે હોર્મુઝ સ્ટ્રેટને પ્રદૂષણમુક્ત રાખવું એ તેમની પ્રાથમિકતા છે.
ઐતિહાસિક પૃષ્ઠભૂમિ અને બદલાતી સ્થિતિ
28 ફેબ્રુઆરી, 2026 પહેલા આ માર્ગ પર કોઈપણ પ્રકારનો ટોલ વસૂલાતો ન હતો. પરંતુ અમેરિકા સાથેના તણાવ બાદ ઈરાને ઇસ્લામિક રિવોલ્યુશનરી ગાર્ડ્સ (IRGC - Islamic Revolutionary Guard Corps) હેઠળ એક વિશેષ મંત્રાલય બનાવીને દરેક જહાજ પાસેથી આશરે 10 લાખ રૂપિયા જેટલો ટેક્સ વસૂલવાનું શરૂ કર્યું હતું. જોકે, ભારત (India) જેવા મિત્ર દેશોને આમાંથી મુક્તિ આપવામાં આવી હતી. હવે આ નવા કરાર બાદ સ્થિતિમાં મોટો ફેરફાર જોવા મળી શકે છે.
આ પણ વાંચો: જેસલમેર ડમ્પિંગ યાર્ડમાં 500થી વધુ ગાયોના મૃતદેહ મળી આવતા ખળભળાટ,જુઓ વીડિયો