MasjidAlHaram : મક્કાની પવિત્ર મસ્જિદ અલ-હરમમાં એક વ્યક્તિ કર્યો આત્મહત્યાનો પ્રયાસ,જુઓ વીડિયો
- MasjidAlHaram : મક્કાની પવિત્ર મસ્જિદ અલ-હરમમાં એક શખ્સે કરી આત્મહત્યાનો પ્રયાસ
- મસ્જિદ અલ-હરમના ઉપરના માળેથી કૂદીને આત્મહત્યાનો કર્યો પ્રયાસ
- સાઉદી સરકારે આની સત્તાવાર જાહેરાત ગુરૂવારે કરી હતી
સાઉદી અરેબિયાના (saudi arabia) મક્કા શહેરમાં આવેલી પવિત્ર મસ્જિદ અલ-હરમમાં એક ચોંકાવનારી ઘટના બની છે. અહીં એક વ્યક્તિએ મસ્જિદના ઉપરના માળેથી કૂદીને આત્મહત્યા કરવાનો પ્રયાસ કર્યો હતો. જોકે, ત્યાં હાજર સતર્ક સુરક્ષા કર્મચારીઓની સમયસૂચકતાને કારણે એક મોટી દુર્ઘટના ટળી હતી અને તે વ્યક્તિનો જીવ બચાવી લેવામાં આવ્યો હતો. સાઉદી સત્તાવાળાઓએ ગુરુવારે આ અંગે સત્તાવાર જાહેરાત કરી હતી.
Saudi Arabia : મક્કા મસ્જિદની છતથી અચાનક કુદી પડ્યો શખ્સ!
'સાઉદી હીરો'એ કંઈક આવી રીતે બચાવ્યો | Gujarat First#SaudiArabia #Mecca #MasjidAlHaram #MakkahMosque #SaudiHero #ViralVideo #GujaratFirst pic.twitter.com/DH4ospIumY— Gujarat First (@GujaratFirst) December 26, 2025
MasjidAlHaram : આત્મહત્યાનો પ્રયાસ કરનારની સુરક્ષાકર્મીએ બચાવી જાન
જાંબાઝ અધિકારીએ હવામાં ઝીલી લીધો સોશિયલ મીડિયા પર આ ઘટનાનો વીડિયો ઝડપથી વાયરલ થઈ રહ્યો છે. વીડિયોમાં જોઈ શકાય છે કે જ્યારે શખ્સે ઉપરના માળેથી છલાંગ લગાવી, ત્યારે નીચે ઉભેલા એક સુરક્ષા અધિકારીએ પોતાની પરવા કર્યા વગર તેને પકડી લીધો હતો. આ બહાદુરીને કારણે તે વ્યક્તિનું માથું જમીન પર અથડાતા બચી ગયું હતું. આ પ્રક્રિયામાં અધિકારી પોતે ઘાયલ થયા છે અને તેમને સામાન્ય ફ્રેક્ચર થયું હોવાનું જાણવા મળ્યું છે.
MasjidAlHaram : મસ્જિદના ઇમામે આ મામલે આપી મોટી પ્રતિક્રિયા
ગૃહ મંત્રાલય અને ઇમામની પ્રતિક્રિયા મક્કા પ્રદેશના અમીરાતના જણાવ્યા અનુસાર, ગ્રાન્ડ મસ્જિદની સુરક્ષામાં તૈનાત વિશેષ દળોએ તે વ્યક્તિને રોકવા માટે પૂરો પ્રયાસ કર્યો હતો. સાઉદી અરેબિયાના ગૃહ મંત્રાલયે પણ પુષ્ટિ કરી છે કે ઘાયલ અધિકારી અને આત્મહત્યાનો પ્રયાસ કરનાર વ્યક્તિ બંને હાલ હોસ્પિટલમાં સારવાર હેઠળ છે.
આ ઘટના બાદ ગ્રાન્ડ મસ્જિદના મુખ્ય ઈમામ, અબ્દુર રહેમાન અલ-સુદૈસે યાત્રાળુઓને પવિત્ર સ્થળની ગરિમા જાળવવા અપીલ કરી છે. તેમણે કુરાનની આયાતનો ઉલ્લેખ કરતા કહ્યું કે, "તમારા પોતાના હાથે તમારી જાતને નષ્ટ ન કરો." તેમણે વધુમાં ઉમેર્યું કે જીવનનું રક્ષણ કરવું એ ઇસ્લામિક કાયદાનો મૂળભૂત હેતુ છે.
MasjidAlHaram : સોશિયલ મીડિયા પર વીડિયો વાયરલ
સોશિયલ મીડિયા પર સુરક્ષાકર્મીની વાહ-વાહી થઇ રહી છે. આ સુરક્ષા અધિકારીને સાઉદી અરેબિયાનો સાચો "હીરો" ગણાવી રહ્યા છે. નોંધપાત્ર છે કે વર્ષ 2017માં પણ આવી જ એક ઘટના બની હતી જ્યારે એક વ્યક્તિએ ત્રીજા માળેથી કૂદીને જીવ ગુમાવ્યો હતો. આ વખતે સુરક્ષા દળોની તત્પરતાએ મોટી જાનહાનિ રોકી છે.
આ પણ વાંચો: Canada Firing: કેનેડામાં વધુ એક ભારતીય વિદ્યાર્થીની હત્યા કરાઈ, ટોરેન્ટોમાં સરાજાહેર કરાયો ગોળીબાર