PAKISTAN માં ભયાનક પૂર, 24 કલાકમાં 49 લોકોના મોત

• પાકિસ્તાનમાં કુદરતનું જોવા મળ્યું રૌદ્ર સ્વરૂપ  (Pakistan Flood)
• 24 કલાકમાં 49 લોકોના થયા મોત
• 1300થી વધુ લોકોને સલામત સ્થળે ખસેડાયા
• વાદળ ફાટવાથી 16 લોકોના થયા મૃત્યુ
• 17 લોકો પાણીના પ્રવાહમાં તણાયા
• પૂર પછી ભૂસ્ખલનમાં ફસાયા લોકો 

Pakistan Flood: પાકિસ્તાનમાં કુદરતનું (Pakistan Flood)રૌદ્ર સ્વરૂપ જોવા મળ્યું છે. છેલ્લા 24 કલાકમાં પૂર અને ભૂસ્ખલનની અનેક ઘટનાઓ સામે આવી છે. 24 કલાકમાં 49 લોકોના મોત થયા છે,જ્યારે 1300થી વધુ લોકોને સલામત સ્થળે ખસેડવામાં આવ્યા છે. વાદળ ફાટવાની ઘટનામાં 16 લોકોનાં મોત થયા તો 17 લોકો પાણીના પ્રવાહમાં તણાઈ ગયા. પૂર પછી થયેલા ભૂસ્ખલનથી અનેક લોકો ફસાઈ ગયા છે.

સતત વધી રહેલો પૂરનો ખતરો

26 જુલાઈથી અત્યાર સુધી પાકિસ્તાનમાં 350થી વધુ લોકો પોતાનો જીવ ગુમાવી ચૂક્યા છે. ગ્લેશિયરો ઓગળતા પૂરનું તાંડવ વધ્યું છે. ખાસ કરીને ગિલગિટ-બાલ્ટિસ્તાનમાં પરિસ્થિતિ વધુ ગંભીર બની છે. ગોજલના ગુલમિત વિસ્તારમાં ગ્લેશિયર ઓગળતા લોકોમાં હડકંપ મચ્યો છે. ઉત્તર અને પશ્ચિમ પાકિસ્તાનમાં પૂરથી સૌથી વધુ અસર જોવા મળી છે. પાણીનું સ્તર સતત વધતું હોવાથી પૂરની પરિસ્થિતિ વધુ ખરાબ બની રહી છે.

આ પણ  વાંચો -Donald Trump : પુતિન સાથે મુલાકાત બાદ ટ્રમ્પનો મોટો નિર્ણય, તાત્કાલિક ઝેલેન્સ્કીને અમેરિકા બોલાવ્યાં

આર્થિક અને સામાજિક નુકસાન

પૂર અને ભૂસ્ખલનથી પાકિસ્તાનના ખેતીના પાકને ભારે નુકસાન થયું છે. વીજળી અને ઈન્ટરનેટ સેવાઓ પણ પ્રભાવિત થઈ છે. ફાઈબર ઓપ્ટિક લાઈન તૂટી જવાથી ઈન્ટરનેટ ખોરવાઈ ગયું છે, જ્યારે ખુંજેરાબ નદીમાં પાણી વધતા પાવર લાઈનોને પણ નુકસાન થયું છે. મોટા પુલ તૂટી પડ્યા છે અને અનેક વાહનોને નુકસાન પહોંચ્યું છે. આબોહવા પરિવર્તનના કારણે પાકિસ્તાન નવી આફતમાં ફસાયું છે, જેના કારણે રોજિંદી જિંદગી સાથે દેશની અર્થવ્યવસ્થાને પણ મોટો આંચકો લાગ્યો છે.

આ પણ  વાંચો -રશિયા પર નરમી અને ભારત તરફ લાલ આંખ! Trump ની આ નીતિથી ઘરમાં જ શરૂ થઇ ટીકા

ગિલગિટ-બાલ્ટિસ્તાનમાં ગ્લેશિયર ઓગળવાનું સંકટ

ગિલગિટ-બાલ્ટિસ્તાન,જેને ત્રીજા ધ્રુવ તરીકે ઓળખવામાં આવે છે,ત્યાં 7,200થી વધુ ગ્લેશિયર્સ છે, જે પાકિસ્તાનની પાણીની સપ્લાય માટે નિર્ણાયક છે. 2025માં રેકોર્ડ-બ્રેકિંગ ગરમી, જેમાં તાપમાન 48.5°C સુધી પહોંચ્યું,તેના કારણે ગ્લેશિયર્સ ઝડપથી ઓગળ્યા,જેના પરિણામે ગ્લેશિયલ લેક આઉટબર્સ્ટ ફ્લડ્સ (GLOFs) થયા.ગોજલના ગુલમિત અને ઘીઝર જિલ્લામાં આવા પૂરે ગામો, રસ્તાઓ, પાવર લાઇન્સ અને ખેતરોને નષ્ટ કરી દીધા.ખુંજેરાબ નદીમાં પાણીનું સ્તર વધવાથી પાવર લાઇન્સ અને ફાઈબર ઓપ્ટિક લાઇન્સને નુકસાન થયું,જેના કારણે ઇન્ટરનેટ અને વીજળી સેવાઓ ખોરવાઈ. આ પ્રદેશમાં 10 લોકોના મોત થયા અને 543 ઘરોને નુકસાન થયું

આબોહવા પરિવર્તનની ભયંકર અસર

આબોહવા પરિવર્તન આ આફતનું મુખ્ય કારણ રહ્યું છે. પાકિસ્તાન, જે વૈશ્વિક ગ્રીનહાઉસ ગેસ ઉત્સર્જનમાં માત્ર 0.5% હિસ્સો ધરાવે છે, તે આબોહવા-સંબંધિત આફતોનો 15 ગણો વધુ સામનો કરે છે. 2025ના મોનસૂનમાં વરસાદ 82% વધુ હતો, અને પંજાબમાં તે 124% વધુ નોંધાયો. ઉપરાંત, ગ્લેશિયર ઓગળવા અને અણધારી વરસાદે ફ્લેશ ફ્લડ અને ભૂસ્ખલનનું જોખમ વધાર્યું. નિષ્ણાતોનું માનવું છે કે આ "ક્લાઈમેટ વ્હિપલેશ" અસર, જેમાં ટૂંકા, તીવ્ર વરસાદ અને ગરમીની લહેરોનું સંયોજન, આફતોને વધુ ઘાતક બનાવે છે

ભવિષ્ય માટે પડકારો અને ઉકેલો

પાકિસ્તાનની આબોહવા આફતો સામેની નબળાઈ 2022ના પૂર પછી પણ યથાવત રહ્યો છે.જેમાં 1,700થી વધુ લોકો મૃત્યુ પામ્યા હતા. 2023માં વૈશ્વિક દાતાઓએ $10 બિલિયનની સહાયનું વચન આપ્યું હતું, પરંતુ માત્ર $2.8 બિલિયન જ પ્રાપ્ત થયા.