• બ્રિટિશ સંસદમાં 'Assisted Dying Bill' પર મતદાન
• સ્વેચ્છાએ મરવાનો અધિકાર: માનવતાવાદી કાયદાનો પ્રસ્તાવ
• હાઉસ ઓફ કોમન્સમાં 330 સાંસદોએ 'Assisted Dying Bill' સમર્થન કર્યું
• વરિષ્ઠ નાગરિકો અને પીડિતો માટે સ્વૈચ્છિક મૃત્યુનો અધિકાર
• કીર સ્ટારમર અને ઋષિ સુનકે કાયદાનો સપોર્ટ કર્યો
• હાઉસ ઓફ લોર્ડ્સમાં 'Assisted Dying Bill'ની આગળની પ્રક્રિયા

બ્રિટિશ સંસદમાં આ દિવસોમાં "Assisted Dying Bill" પર ચર્ચા અને મતદાન ચાલી રહ્યું છે. આ બિલ લોકો માટે સ્વેચ્છાએ મરવાનો અધિકાર આપવા માટે બનાવવામાં આવ્યું છે. બિલ ખાસ કરીને વૃદ્ધ લોકો અથવા તે લોકો માટે છે જેઓ ગંભીર રોગોથી પીડિત છે, જ્યાં સારવાર અસાધ્ય હોય અને તેઓ પોતાના બાકી જીવનમાં માત્ર પીડા અનુભવી રહ્યા હોય. આ બિલ માનવતાવાદી દ્રષ્ટિકોણે એક મહત્વપૂર્ણ પગલું માનવામાં આવે છે.

હાઉસ ઓફ કોમન્સમાં મતદાન

શુક્રવારે હાઉસ ઓફ કોમન્સમાં આ બિલ માટે મતદાન યોજાયું હતું, જેમાં 330 સાંસદોએ તેની તરફેણમાં અને 275 સાંસદોએ વિરુદ્ધમાં મત આપ્યા. અહીં સૌથી નવાઈની વાત એ છે કે, જનતા પણ સ્વેચ્છાએ મરવાના અધિકારની માંગ કરી રહી છે. પણ સવાલ એ છે કે લોકો સ્વેચ્છાએ કેમ મરવા માંગે છે? તમે પણ વિચારી રહ્યા હશો કે આ એક વિચિત્ર કાયદો છે, જે લોકોને તેમના સુંદર જીવનનો નાશ કરવા માટે પ્રોત્સાહિત કરશે. પણ એવું બિલકુલ નથી. આ કાયદો ફક્ત એવા લોકો માટે છે જેઓ વૃદ્ધ છે અથવા કોઈ ગંભીર રોગને કારણે પીડામાં છે જે અસાધ્ય છે અને તેમના જીવનના બાકીના દિવસો ભયંકર દુઃખમાં પસાર થવાના છે. આવા લોકોને જ આ બિલ મૃત્યુનો અધિકાર આપશે. આ બિલ ઇંગ્લેન્ડ અને વેલ્સમાં 6 મહિનાથી ઓછી ઉંમરના અસ્થાયી રૂપે બીમાર પુખ્ત વયના લોકોને યોગ્ય કાયદા હેઠળ તબીબી સહાય સાથે મૃત્યુ પામવાનો અધિકાર આપશે. આ બિલ કાયદો બનવા માટે હાઉસ ઓફ લોર્ડ્સ દ્વારા અનેક સુધારાઓ અને પ્રક્રિયાઓમાંથી પસાર થશે. આ પ્રશ્ને સાંસદોને પાર્ટી લાઈન વિના સ્વતંત્ર રીતે મત આપવાની છૂટછાટ આપવામાં આવી હતી, જે આ નિર્ણયના મહત્વને દર્શાવે છે.

પીએમ કીર સ્ટારમર અને ઋષિ સુનકનો સમર્થન

વડા પ્રધાન કીર સ્ટારમર અને ભૂતપૂર્વ વડા પ્રધાન ઋષિ સુનકે પણ આ બિલના સમર્થનમાં મત આપ્યો હતો. કીર સ્ટારમરના પ્રવક્તાએ આ બિલને "વિવેકનો મુદ્દો" ગણાવ્યો. વિવાદ વચ્ચે, કાયદામાં તે જોગવાઈ કરવામાં આવી છે કે જો કોઈ વ્યક્તિ દબાણથી કોઈને ઘાતક દવા લેવાની ફરજ પાડે છે, તો તેને 14 વર્ષ સુધીની કેદ થઈ શકે છે.

બિલની મુખ્ય જોગવાઈઓ

આ બિલમાં પીડિત વ્યક્તિએ સ્વૈચ્છિક રીતે મરણ માટે નિર્ણય લેવો જરૂરી છે. આ નિર્ણય બે સ્વતંત્ર ડૉક્ટરો અને હાઈકોર્ટના જજની મંજુરીથી જ લેવાશે. આ પ્રક્રિયામાં માનવતાને પ્રથમ સ્થાન આપવામાં આવ્યું છે. સમર્થનકર્તાઓનું માનવું છે કે આ બિલમાં "મજબૂત સલામતી જોગવાઈઓ" છે. ભૂતપૂર્વ વડા પ્રધાન ડેવિડ કેમેરોન અને ઋષિ સુનક સહમત છે કે જે લોકો પીડામાં છે તેમના માટે આ બિલ રાહતનો વિકલ્પ છે.

આ પણ વાંચો: આફ્રિકન દેશ યુગાન્ડામાં ભૂસ્ખલનથી 17ના મોત, હજુ વધુ..!