ન્યુ યર પર આ દેશે લગાવ્યો બુરખા પર પ્રતિબંધ, ભૂલ કરશો તો ભરવો પડશે હજારોનો દંડ

• સ્વિટ્ઝર્લેન્ડમાં 1 જાન્યુઆરી, 2025થી બુરખા પર પ્રતિબંધ લાગુ
• ચહેરો ઢાંકવા બદલ દંડ વસૂલવાની જોગવાઈ
• લોકમતના પરિણામે કાયદો ઘડવામાં આવ્યો
• મુસ્લિમ સંગઠનોએ વિરોધ કર્યો

Switzerland bans Burqa: સ્વિટ્ઝર્લેન્ડમાં 1 જાન્યુઆરી, 2025થી બુરખા પર પ્રતિબંધ લાગુ થઈ ગયો છે. જાહેર સ્થળોએ ચહેરો ઢાંકવા બદલ દંડ વસૂલવાની જોગવાઈ કરવામાં આવી છે.

બુરખા પર પ્રતિબંધ કાયદો અમલમાં આવ્યો

સ્વિત્ઝર્લેન્ડમાં આજથી એટલે કે 1 જાન્યુઆરી, 2025થી મહિલાઓ જાહેર સ્થળોએ હિજાબ, બુરખા કે અન્ય કોઈપણ રીતે પોતાનો ચહેરો સંપૂર્ણપણે ઢાંકી શકશે નહીં. નવા કાયદા હેઠળ, જો આ નિયમનું ઉલ્લંઘન થાય છે, તો મહિલાને $1144 એટલે કે અંદાજે 98,000 રૂપિયાનો દંડ થઈ શકે છે. આ કાયદો 1 જાન્યુઆરી, 2025થી અમલમાં આવ્યો છે.

લોકમત પછી આ કાયદો આવ્યો

2021 માં યોજાયેલા લોકમતના પરિણામે કાયદો ઘડવામાં આવ્યો હતો, જેમાં 51.21% સ્વિસ નાગરિકોએ બુરખા પર પ્રતિબંધ મૂકવાની તરફેણમાં મત આપ્યો હતો. આ પછી સરકારે આ કાયદો પસાર કર્યો, જે આજથી લાગુ થઈ ગયો છે. આ કાયદાના અમલ પછી, મહિલાઓ જાહેર પરિવહન, રેસ્ટોરન્ટ, દુકાનો અને જાહેર કચેરીઓ જેવા જાહેર સ્થળોએ તેમના ચહેરાને સંપૂર્ણપણે ઢાંકી શકશે નહીં.

આ કાયદો યુરોપના અન્ય દેશોમાં પણ લાગુ કરવામાં આવ્યો

સ્વિત્ઝર્લેન્ડ પહેલા બેલ્જિયમ, ફ્રાન્સ, ડેનમાર્ક, ઓસ્ટ્રિયા, નેધરલેન્ડ અને બલ્ગેરિયા જેવા યુરોપિયન દેશોમાં પણ જાહેર સ્થળોએ ચહેરો ઢાંકવા પર પ્રતિબંધ મુકવામાં આવ્યો છે. તે દેશોની સુરક્ષા અને સંસ્કૃતિ સાથે જોડાયેલા વિવાદો વચ્ચે આ પગલું લેવામાં આવ્યું છે. સ્વિત્ઝરલેન્ડમાં આ અંગે ઊંડી ચર્ચા ચાલી હતી અને મુસ્લિમ સંગઠનોએ તેનો વિરોધ કર્યો હતો.

સ્વિટ્ઝર્લેન્ડમાં "બુરખા પર પ્રતિબંધ"

સ્વિત્ઝર્લેન્ડમાં, જાહેરમાં ચહેરો ઢાંકવા પરનો પ્રતિબંધ, જેને "બુરખા પ્રતિબંધ" તરીકે ઓળખવામાં આવે છે, તે 1 જાન્યુઆરીથી અમલમાં આવ્યો છે. આ કાયદાનું ઉલ્લંઘન કરવાથી 1,000 સ્વિસ ફ્રેંક (લગભગ $1,144) સુધીનો દંડ થઈ શકે છે. સ્વિટ્ઝર્લૅન્ડ, ફ્રાન્સ અને ઑસ્ટ્રિયા સહિત અન્ય છ યુરોપિયન દેશોમાં આ પ્રકારના કાયદા લાગુ કરવામાં આવ્યા છે.

કાયદામાં કેટલીક છૂટ છે

આ કાયદામાં કેટલીક ખાસ છૂટ પણ આપવામાં આવી છે. ઉદાહરણ તરીકે, જો સલામતી, હવામાન અથવા સ્વાસ્થ્યના કારણોસર ચહેરો ઢાંકવો જરૂરી હોય, તો ચહેરો ઢાંકી શકાય છે. આ ઉપરાંત, કલા, મનોરંજન અને જાહેરાત હેતુઓ માટે પણ ચહેરો ઢાંકવાની મંજૂરી આપવામાં આવશે. સ્વિસ સરકારે એ પણ સ્પષ્ટ કર્યું છે કે, આ કાયદાનું પાલન કરતી વખતે જાહેર વ્યવસ્થા જોખમાય નહીં.

આ પણ વાંચો :  America: નવા વર્ષની ઉજવણી કરી રહેલા લોકો પર ટ્રક ચઢાવી અંધાધૂંધ ગોળીબાર થયો, 12ના મોત 30 ઘાયલ