Trump India visit : ડોનાલ્ડ ટ્રમ્પે ભારતનો ક્વાડ પ્રવાસ રદ કર્યો, મોદી સાથે સંબંધોમાં તિરાડ?

• ડોનાલ્ડ ટ્રમ્પે ભારતનો ક્વાડ પ્રવાસ રદ કર્યો (Trump India visit)
• ટ્રમ્પ અને પીએમ મોદી વચ્ચેના સંબંધોમાં તણાવ
• 17 જૂને કેનેડામાં G7 સમિટ દરમિયાન મળવાના હતા

Trump India visit : એક સનસનાટીભર્યા અહેવાલમાં, ન્યૂ યોર્ક ટાઈમ્સે દાવો કર્યો છે કે યુએસ પ્રમુખ ડોનાલ્ડ ટ્રમ્પે આ વર્ષના અંતમાં ક્વાડ સમિટ માટે ભારતની તેમની નિર્ધારિત મુલાકાત રદ કરી છે. રિપોર્ટ અનુસાર, ટ્રમ્પ અને ભારતના વડા પ્રધાન નરેન્દ્ર મોદી વચ્ચેના સંબંધો છેલ્લા કેટલાક મહિનામાં કડવાશભર્યા બન્યા છે.

સંબંધોમાં કડવાશ કેમ આવી?

ન્યૂ યોર્ક ટાઈમ્સના રિપોર્ટમાં જણાવાયું છે કે મે મહિનામાં ભારત અને પાકિસ્તાન વચ્ચેના ચાર દિવસના સંઘર્ષ પછી બંને નેતાઓ વચ્ચેના સંબંધો "તૂટ્યા". ટ્રમ્પે વારંવાર દાવો કર્યો હતો કે તેમણે સંઘર્ષને ઉકેલવામાં મદદ કરી હતી, જેને ભારતે સંપૂર્ણપણે નકારી કાઢ્યો હતો. રિપોર્ટ અનુસાર, આવા દાવાઓથી વડા પ્રધાન મોદી ગુસ્સે થયા હતા. લેખમાં એમ પણ કહેવામાં આવ્યું છે કે મોદીની ટ્રમ્પ સાથે "ધીરજ તૂટી રહી હતી".

G7 સમિટમાં પણ મુલાકાત થઈ ન હતી ( Trump India visit )

રિપોર્ટમાં બીજી એક ઘટનાનો ઉલ્લેખ છે જ્યારે ટ્રમ્પ અને મોદી 17 જૂને કેનેડામાં G7 સમિટ દરમિયાન મળવાના હતા, પરંતુ ટ્રમ્પ વોશિંગ્ટન વહેલા પાછા ફર્યા. બંને નેતાઓએ 35 મિનિટની ફોન કોલ પર વાત કરી. આ દરમિયાન પીએમ મોદીએ સ્પષ્ટપણે કહ્યું કે ભારત અને પાકિસ્તાન વચ્ચે કોઈપણ પ્રકારની મધ્યસ્થી પર કોઈ ચર્ચા થઈ નથી અને ભારત આવી કોઈપણ મધ્યસ્થી સ્વીકારશે નહીં.

વર્ષના અંતમાં ક્વાડ સમિતનું આયોજન ( Trump India visit )

ફોન કોલ દરમિયાન, ટ્રમ્પે ફરીથી ભારત-પાકિસ્તાન સંઘર્ષને સમાપ્ત કરવાનો શ્રેય લીધો અને કહ્યું કે પાકિસ્તાન આ માટે તેમને નોબેલ શાંતિ પુરસ્કાર માટે નોમિનેટ કરવા જઈ રહ્યું છે. હાલમાં, આ અહેવાલ પર ભારત કે અમેરિકા તરફથી કોઈ સત્તાવાર ટિપ્પણી કરવામાં આવી નથી. ભારત આ વર્ષના અંતમાં ક્વાડ સમિટનું આયોજન કરવાનું છે.

આ પણ વાંચો  :   PM મોદીએ યુક્રેનના રાષ્ટ્રપતિ સાથે કરી ટેલિફોનિક વાતચીત