Tren de Aragua leader killed: અમેરિકાનો મોટો ધડાકો, વેનેઝુએલાના સૌથી ખતરનાક ગેંગસ્ટર 'નિનો ગુરેરો' ઠારઃ ટ્રમ્પ

વેનેઝુએલા સાથે સંકલિત ઓપરેશન

આપને જણાવી દઈએ કે વ્હાઈટ હાઉસે સોશિયલ મીડિયામાં ઓપરેશનનો વીડિયો જાહેર કર્યો છે. આ ઓપરેશનની સૌથી ખાસ વાત અમેરિકા અને વેનેઝુએલા વચ્ચેનું સહયોગપૂર્ણ વલણ છે. ટ્રમ્પે સ્પષ્ટતા કરી છે કે, આ કાર્યવાહી વેનેઝુએલાના સ્થાનિક સત્તાવાળાઓ સાથે નજીકથી સંકલન સાધીને કરવામાં આવી છે. વેનેઝુએલાના માહિતી મંત્રાલયે પણ પુષ્ટિ કરી છે કે, તેમના દેશમાં ગુનાહિત જૂથો વિરુદ્ધ થયેલી કાર્યવાહી દરમિયાન ‘નિનો ગુરેરો’નું મોત થયું છે. બંને દેશો વચ્ચેની આ ગુપ્તચર માહિતીની આપ-લે અને ટેકનિકલ સપોર્ટને કારણે આ મિશન સફળ રહ્યું છે.

કુખ્યાત ટ્રેન ડી અરાગુઆ અને તેની ગુનાહિત પ્રવૃત્તિઓ

‘ટ્રેન ડી અરાગુઆ’ ગેંગને અમેરિકાએ વિદેશી આતંકવાદી સંગઠન તરીકે જાહેર કરી છે. આ ગેંગ ડ્રગ્સની દાણચોરી, માનવ તસ્કરી, ખંડણી અને મની લોન્ડરિંગ જેવા ગંભીર ગુનાઓમાં સંડોવાયેલી છે. આ ગેંગનો ઇતિહાસ એક જેલ ગેંગ તરીકે શરૂ થયો હતો, પરંતુ સમય જતાં તે એક આંતરરાષ્ટ્રીય સંગઠનમાં ફેરવાઈ ગઈ. અમેરિકી અદાલતોમાં પણ આ ગેંગના નેતાઓ વિરુદ્ધ અનેક કેસ નોંધાયેલા છે. નિનો ગુરેરો માથે અગાઉ 5 મિલિયન ડોલરનું ઇનામ પણ જાહેર કરવામાં આવ્યું હતું.

નોંધનીય છે કે, સપ્ટેમ્બર 2023 માં, વેનેઝુએલાની સરકારે ટોકોરોન જેલ પર એક મોટો દરોડો પાડ્યો, જેમાં આશરે 11,000 પોલીસ અને સૈનિકો સામેલ થયા. આ કાર્યવાહીમાં ગેંગનો મુખ્ય આધાર નાશ પામ્યો, પરંતુ તેના ઘણા ટોચના નેતાઓ ભાગી જવામાં સફળ રહ્યા. આ હોવા છતાં, ગેંગના વિદેશી નેટવર્ક હજુ પણ સક્રિય હોવાનું કહેવાય છે. ટ્રમ્પ અને તેમના સાથીઓનો આરોપ છે કે કેટલાક યુએસ શહેરોમાં વધતી હિંસા અને ગેરકાયદેસર ડ્રગના વેપાર પાછળ ટ્રેન ડી અરાગુઆનો હાથ છે.

“At my direction, the United States Southern Command delivered a swift and lethal kinetic strike to successfully execute Niño Guerrero, the infamous leader of Tren De Aragua, one of the most bloodthirsty Terrorist Organizations on Planet Earth.” - President DONALD J. TRUMP 🇺🇸 pic.twitter.com/3R5IPxhPXX

— The White House (@WhiteHouse) June 13, 2026

ટ્રમ્પનું આકરા વલણ અને ભવિષ્યની રણનીતિ

રાષ્ટ્રપતિ ટ્રમ્પે આ સફળતાને પોતાની વહીવટી નીતિઓની જીત ગણાવી છે. તેમણે પૂર્વ રાષ્ટ્રપતિ જો બાઈડેનની નીતિઓની ટીકા કરતા જણાવ્યું કે, તેમની સરકાર આતંકવાદીઓ અને ગુનેગારોને ક્યાંય પણ શોધવામાં અચકાશે નહીં. આ ઓપરેશન દ્વારા અમેરિકાએ ફરી એકવાર સંદેશ આપ્યો છે કે, તે પોતાના નાગરિકોની સુરક્ષા માટે દુનિયાના કોઈપણ ખૂણે કાર્યવાહી કરવા સક્ષમ છે. આ આતંકવાદી સંગઠન હવે વેનેઝુએલા કે અન્ય કોઈ દેશમાં સુરક્ષિત આશ્રય મેળવી શકશે નહીં.

આ પણ વાંચો--- US Navy attack : એસ.જયશંકરે રૂબિયો સાથે યુએસ નેવી હુમલા અંગે વાત કરી, ત્રણ ભારતીયોના મોત પર નારાજગી વ્યક્ત કરી