US-Iran Tension: અમેરિકાના રાષ્ટ્રપ્રમુખ ડોનાલ્ડ ટ્રમ્પે ફરી એકવાર ઈરાનને યુદ્ધની ધમકી આપી છે. તેમણે કહ્યુ છે કે અમેરિકા ઈરાન તરફપહેલા જ વધુ મોટો નૌસૈન્ય કાફલો મોકલી રહ્યું છે. ટ્રમ્પે કહ્યુ છે કે અમે વાટાઘાટો દ્વારા કોઈ પરિણામ પર પહોંચવા માંગીએ છીએ, પરંતુ જો વાત નહીં બને તો અમે અન્ય માર્ગો માટે પણ તૈયાર છીએ.
આ પણ વાંચો: Israel Nuclear Test?: ઈરાન સાથે તણાવ વચ્ચે ઈઝરાયલે કર્યું પરમાણુ પરીક્ષણ?
મોટો નૌસૈન્ય કાફલો મોકલી રહ્યું છે અમેરિકા
ટ્રમ્પે કહ્યુ કે આ તેનાતી અમેરિકાની એ નૌસૈન્ય હાજરીથી પણ મોટી હશે, જે પહેલા વેનેઝુએલા પાસે હતી. તેમણે આને એક મોટો જહાજી કાફલો ગણાવ્યો. તેમણે કહ્યુ હતુ કે આ પગલું ભરવાનો ઉદેશ્ય દબાણ વધારવાનો છે, જ્યારે વાતચીતની કોશિશો ચાલુ રહેશે. ટ્રમ્પે કહ્યુ છે કે અમે હવે ઈરાન તરફથી મોટી સંખ્યામાં જહાજ મોકલી રહ્યા છીએ. આશા છે કે સમજૂતી થઈ જશે.
![]()
આ પણ વાંચો: ટ્રમ્પની ધમકીઓ છતાં ઈરાન પર હુમલો કરતા કેમ ખચકાઈ રહ્યું છે અમેરિકા? કારણ જાણીને ચોંકશો
ઈરાન સાથે સીધો સંવાદ
અમેરિકાના રાષ્ટ્રપ્રમુખને સવાલ કરવામાં આવ્યો કે શું ઈરાનને કોઈ સમયમર્યાદા આપવામાં આવી છે, તો તેમણે સ્પષ્ટ જવાબ આપ્યો નહીં. તેમણે કહ્યુ છે કે આ વાત માત્ર ઈરાન જ યોગ્ય રીતે જાણે છે. ટ્રમ્પે એ પણ પુષ્ટિ કરી છે કે તેમનો ઈરાન સાથે સીધો સંપર્ક થયો છે. જ્યારે તેમને સવાલ કરવામાં આવ્યો કે શું સંદેશ ઈરાનના નેતાઓ સુધી પહોંચ્યો છે, તો તેમણે કહ્યુ કે હા, પહોંચ્યો છે.
આ પણ વાંચો: USS Abraham Lincoln કેરિયર સ્ટ્રાઈક ગ્રુપ ઈરાન તરફ રવાના, 10000 ભારતીય છાત્રોની ચિંતા
વાટાઘાટોથી સમાધાનની કોશિશ
ટ્રમ્પે કહ્યુ છે કે અમેરિકા વાતચીત દ્વારા ઉકેલ કાઢવા માંગે છે, પરંતુ સ્થિતિ બગડવાની સંભાવના પણ નકારી નથી. ટ્રમ્પે કહ્યુ કે જો સમજૂતી થાય છે, તો સારું છે. જો નહીં થાય, તો આગળ જોવામાં આવશે. તેમણે કહ્યુ કે અમેરિકા પાસે વિશ્વના સૌથી શક્તિશાળી જહાજ છે અને તેની તેનાતીને રોકથામની એક મોટી રણનીતિનો ભાગ માનવામાં આવે છે. તેમણે સૈન્ય યોજનાઓનો સમય અને નિયમો પર વાત કરવાનો ઈન્કાર કર્યો. ટ્રમ્પે કહ્યુ કે તે સૈન્ય મામલાઓ પર જાહેરમાં કંઈપણ જણાવવા ઈચ્છતા નથી.
આ પણ વાંચો: Iran Crisis: ઈરાન સંકટ વૈશ્વિક અગ્નિપરીક્ષા, 3 મહાસત્તાઓની રણભૂમિ મધ્ય-પૂર્વ સળગાવશે
